ما قال لي ماشي اخطب حسيت الدنيا سوت في وشي ،،،،م عرفتا ابكي ولا اعمل شنووو ،،،المره مهما كان معاملت راجلها ليها كعبة بس م ابترضا تشوفو مع مرة تانية غيرها ،،،،قلتا هوي ي منى اعملي نفسك قوية قدامو والموضوع م هاميك واوعك تضعفي ،،،،قلتا ليهو مدام اخترتا كدا ربنا يهنيك وطلعتا خليتو قعدتا في البرندة وهموم الدنيا دي كلها في راسي.
غير ولبس جلابيتو وجا ماشي بجنبي ولا فكر يعبرني ،،،،حتي م فكر يعمل زي الرجال البقولو لي نسوانهم البيرضيكم شنو وانا اعملو ليكم ،،،،خليتو طلع وبكيت شديد بكيت علي نفسي وحظي الأسود ،،،هسي لو كان امي الله يرحمه موجودة م كان حصل كل دا ،،،،كان علي الأقل لما الدنيا تلعب بي كدا ،،،اجري واتخبا في حضنا ،،،،سوسن جات داخلة لقتني ببكي وبمسح في دموعي قالت لي مالك بتبكي الحصل شنووو ،،،حكيت ليها بكل الحصل ،،،،قالت لي والله انتي عبيطة ،،،انا لو كنتا مكانك ولا ببكي ،،،قلتا ليها طيب اعمل شنو ي سوسن انا مافي في يدي شي وزي م عارفه لو رجعتا بيت ابوي بندم علي اليوم الوداني هناك احسن اتحمل زي دا لحدي م ربنا ينظر في امري ،،،،سوسن ضحكت قالت لي والله صح عبيطة يابت انتي راجلك دا لازم تخلي يندم انو في يوم عاين لي وحدة غيرك ،،،قلتا ليها اعمل شنو دا م عندو رحمة وعايز يتخلص مني ومن بناتو باي طريقه ولو فتحتا خشمي عادي بطلقتني ،،،،قالت لي اول شي عايزاك تبطلي تخافي منو ،،،تاني شي عايزاك تمثلي انو الموضوع م فارق معاك ،،،قلتا ليه كيف وانا الموضوع في الحقيقه فارق معاي شديد ،،،،قالت لي اول شي حاولي اثبتي ليه انك الزوجة المطيعة الممكن تعمل اي شي عشانو وعشان سعادتو ،،،وانك ضحيتي عشانو وعشان يعرس ويكون مبسوط ،،،قلتا ليها برضو وضحي لي اعمل شنو بالضبط ،،،،قالت لي اسمعي العايزة اقولو ليك ونفذي بالحرف.
بناتي جن من بيت صحبتهن اكلن ونامن ،،،،قلتا خلاص اعمل زي م سوسن قالت لي ،،،،جهزته لي حامد حاجاتو في الحمام عشان من يجي يستحم ،،،وبخرتا عوضتي ورتبتها ،،،مشيت اتوضيت وصليت وبقيت اقراء لحدي م جا ،،،قمتا من المصلاية ومشيت عليه قلتا ليه ان شاء الله اتوفقتا في مشورك ،،،،طبعآ اتخلع تلقاهو قال المرة دي مالها ،،،قال لي ااي اتوفقنا والعرس سريع سريع الأسبوع الجاي ،،،اعملي حسابك لشي دا ،،،ابتسمته قلتا ليه اهم شي سعادة راجلي ،،،قال لي منى انتي الليله كويسه ،،،،قلتا ليه اكيد الحمد لله اصلآ لو زعلتا او رضيت انت بتعمل الفي راسك لذلك قلتا م بزعل وربنا يتمم علي خير ،،،قال لي احسن شي انك عقلتي ،،،،في قلبي قلتا ليه انا اعقل منك ومن اسرتك كلها 😂 بس م علينا بنشوف البحصل شنو.
واليوم انتهي علي كدا
صحيت الصباح بدري استحميت وصليت وعملتا الشاي والسندوتشات لي بناتي ،،،مشيت صحيتهن وجهزتهم شربو الشاي وطلعنا المدرسة ،،،،بعد شويه صحي هو جا قال لي صباح الخير ،،،وطبعآ دي عندي كم سنه م سمعتها 😂 ،،،قلتا ليهو صباح النور ،،،قال لي جهزي الشاي لحدي استحمي واجي عشان م اتاخر ،،،قلتا ليهو بابتسامة جاهز الشاي ودخلتا ليك الموية في الحمام امشي استحمي ،،،مشي وجا كبيت ليهو الشاي شرب ومشي غير ولما جا طالع ،،،اداني 1000 جنيه قال لي اشتري ليك بيها توب وبكره بديك تشتري لبنات لبسات ،،،،شلتهم منو وقلتا ليه شكرآ ،،،ابتسم وطلع علي الشغل ،،،،طوالي قلتا والله صحي ال جال ديل زي الأطفال ،،،المهم فرحتا بيهم 1000 جنيه افضل من العدم اخر مره جاب لي فيها توب زمن ولدتا بتي التانية ،،،،قلتا اخلص شغل بيتي سريع وامشي علي سوسن ابشرها.
انتهيت من شغلي وجري علي سوسن لقيتها انتهت برضو من شغلها ،،،،قلتا ليها البسي ارح السوق سريع ،،،،قالت لي جبتي ليك قروش من وين يختي ،،، قلتا ليها ابو البنات يختي اداني الف جنيه قال لي جيبي ليك بيها توب وقال بكره بديني اجيب لي البنات لبسات ،،،،قالت لي عندي ليك فكره قلتا ليها شنو ،،،،قالت لي عندي توب حلو اديك ليهو تمشي بيهو المناسبة واشتري ليك شبط اسود ليهو وجيبي ليكي شريط حبوب يملا ليك جضيماتك دي ،،،،ويومي مسؤلة من دخانك اتجيهي يختي مالك ومالو كدا كدا م فيهو ليك عمار ،،،،خافي علي عمرك وصحتك ،،،،قلتا ليها معاك حق احسن اكبر ضماغي مالي ومال الدقو وشالو حقو ،،،،قالت لي بالضبط ي بتنا ،،، قلتا ليها بطلي كلام كتير يلا قومي نلحق نمشي ونجي قبل الاولاد يجو من المدرسة ،،،،مشينا السوق واشترت لي شرايط بتاعت حبوب اول مره اسمع باسمها 😂😂😂 ،،،،وكريم لي الدخان والشبط وضبيت باقي قروشي وجيت ،،،،.
بالمساء
حامد جي وبرضو لقاني مبتسمة ورحبتا بيهو ،،،،قال لي مشيت اشتريتي ليك توب قلتا ليهو اي اشتريت قال لي جابو ليك القروش ،،،قلتا ليهو جبتا علي قدر القروش ،،،،قال لي ايوا تمام ،،،،الصباح اداني الفين ونص قال لي اشتري لي البنات وباقي القروش شوفي الناقصك شنو ،،،،قلتا في قلبي الراجل خايف جنا 😂 قريب دا عمرو م عملها ،،،،طلع بجاي جري علي سوسن اصلآ راجله سافر في شغل يعني مافي قيود ،،،،
بعد وريتها قالت لي انتي خايف مشيتي كتبتي راجلك وانا م عارفه 😂،،،،قلتا ليها هو البديني ليها دي قروش اسكتي عليك الله المهم امشي اجيب لي بناتي والقروش الفضلن من حقاتي بتم ليهن بيهن عشان يلبسن ليهن لبسات عديل علي الأقل م معروف مع مرت ابوهن تاني يلقن ياكلن ولا لا ،،،،سوسن قالت لي مافي زول بموت من الجوع ربنا يسهلها ،،،،يلا خلي اخلص وانتي امشي خلصي وتعالي نمشي السوق.
مضي كم يوم وبقيت شغالة دخان ليل علي نهار مع سوسن 😂 وشال في جسمي بطريقة حلوه ،،،وخلاص بعد بكره العرس راجلي رحل مع امو عشان يتم العرس هناك وبعدين يجي البيت هنا ،،،،عندنا غرفة تجي تقعد فيها العروس بعد كدا ،،،،،يوم العرس داك يا القشره واخر غيار ولبسته بناتي ومشيت علي بيت نسابتي من جيت داخله والناس كلها شغالة فيني تعليق وبسمع الكلام دا باضاني ،،،،لحدي م جات اخت العروس ووقفت قدامي قالت لي عليك الله شعورك شنو واختي اخدت راجلك ي ام البنات......
يتبع
