«معشوگت سيد علي باشا» التكمله

بارت17

السلام عليكم ورحمه الله وبركاته

أثـقَ بـكَ ربـيْ !
آثـقَ بـأن كـلَ مـآ ( أتمـنآهَ ) سيكونَ بـرحمتكْ لـيَ . .
وأن كلَ مآ آدعـوَ بـه سـتحـققهَ لـي يومـآَ . .

_______________________________________

دخل علي للبيت لگالهم ينتضرو كملو عشه وشربو جاي
صاخ علي
علي:زينب،،عبير
اجن البنات گعدن فتح علي الموضوع مالت الگعده كلهه تعرفه بس زينب ماتعرفه وگعد علي يسولف من اول مادخلو لحد ماطلعو وشصار وياهم وزينب ظلت تبچي لئن انطو ريما لعلي
علي:يابه لا تبچين والله قبل لا ادخل لاگاني مرتضى وحجه وياي وگالي راح ينطي رقيه لمنذر واني گتله راح انطي ريما لمحمد ومحمد بس هاي السنه ويتخرج ويخلص وبس يجي افهمه السالفه وان شاء الله  يقتنع وماكو وحده باله
هسه المهم هنودي مادامهه بعدهه ب10 وربع گوم خل نجيب حبشكلات ونطلعلنه فلم ونگعد شتكول
مهند:ايي والله مال گعده
ام علي وام كرار:انتم اسهرو احنه راح انام
زينب:اني اختار الفلم فددددوه والله عندي فلم كلش حلووو وبي رعب همم
علي:من هسه اكلج اذا مسلسل مسربت والله اغيره
زينب:افه عليك ابو حسين اني اطلع شي مسربت
غمزلهه علي وكام :حظرن الگعده على مانجيجن
هزتله زينب راسهه
طلعو الولد والبنات حظرن الگعده وطلعت زنوبه فلم
هاري بوتر
Harry potter
وره شويه اجو الولد گعدو يباوعون للفلم وكلش عجبهم اخر شي طفو وراحو نامو البنات نامن بغرفه عبير والولد بغرفه علي

اشراقه يوم جديد وتعلن الشمس بدايه صباح مملوء بلتفائل ولاكن يلترى هل يستمر التفائل ويوجد هنالك من يسعى لتدمير حياه الابطال

كعدو الكل من الصبح تريكو ورجعو للناصريه
دخلو للبيت سلمو وارتاحو
گعد علي وي ابو وابو كرار وكرار
وسولفلهم الصار واحمد الله لئن جانو شايلين هم الي راح يصير وخايفين من مرتضى يسوي شي برقيه بس الحمد الله صار عكس المتوقع

انصب الغده
وشربو الچاي ومهند يحوس بس يريد علي وكرار
علمود يگللهم علمود يحاجون اهله ويخطبون عبير رسمي
دخل للغرفه مالته وصاح زينب وحاجاهه
مهند:زنوبه حبيبتي روحي تعالي شويه
زينب:والله وراك شي مادام ذني گلتهن گلهن بوگت واحد
مهند:فدوه لعينج خيتي انتي صيحيلي كرار وعلي بس كون محد ينتبهه
زينب:شتريد منهم؟
مهند:يابه بس صيحيهم بعد روحي
زينب:والله ماروح اذا ماتگلي
مهند:اهوووو اريدهم يحاجون ابوي وعمي طالب علمود يخطبون عبير اليه رسمي
زينب:هههههه غرگ اخوي كلش خطيه بس والله تستاهل عبوره كلش حبابه الف مبروك مقدما
مهند:ولج خل يقبلون بيه هسه وبعدين باركي
زينب:ياا والله وليش ميقبلون عيني اذا مقبلو اني اخليهم ايقبلون وتغمزله
ضحك مهند عليهه ودفعهه من ظهرهه علمود تروح تصيحهم
وره شويه دخلو ثنينهم وهمه مستغربين حال مهمد الجان يصب عرگ يگلك داخل معركه
كرار:شبيك مهند صاير شي؟
علي:ولك شويه خاف مسويله مكسوره وخايف شوووفه شصاير بحاله ولك شمسوي من هسه اكلك مالي خلگ شي الاكشن الصار بحياتنه بهاي السنه كلش كافيه وعلي يكلك گاعدين بفلم مو حقيقه
مهند:شبيك اكلتوني بگشوري شبيه زغيرون علمود اسوي مكسوره اححمممم بس رايدكم بشغيله اذا ماعدكم مانع
كرار:چا غير يحجي
علي:گاعد يحاول يصير مؤدب وخوش ولد فاكيد يعني السالفه بيهه طلب كلش قووي الله عليج هنوده گولي
مهند:راح اعديلك اياهه مال هنوده لئن متوتر بس ...
علي اني سبق وكتلك اريد اختك عبير على سنه الله ورسوله
وهسه اريدكم تحاجون اهلنه وتخطبوهه الي رسمي
وانه استحي اروح گدام عمي طالب واحجي بما انكم انتو الاكبار حاجوهم انتم
كرار دار وجهه لعلي وغمزله :ليش چا محد گالك شصار؟
مهند:لا شكو؟
علي:العفو خويه بس خطبهه ابن عمي وانطيناهيا گناله گبع واخذ
مهند انصدم وفچاه طلع وحش من جواه
مهند:شنوو خطبهه ابن عمهه وشنو اطيتوهيا وشنو گبع واخذ اني من زكان گايلك عليهه وگتلك البنيه هاويهه لو لا ليش ماگتلهم هااا ليش وتدري بيه احبهه ورايدهه والله العظيم ما انطيهه لو شتسوون والبنيه اليه واني الكم
دفعهم مهند ثنينهم وهمه منصدمين من رده فعله جانو يتشاقوون وياه رگضو وراه بس مالحكو دخل للاستقبال
ويتعارك ويصيح باعلى صوته
مهند:الله بلخير عمي طالب اني من زمان رايد بنتك عبير اليه وگايل لعلي عليهه والبنيه هاويهه انه شلوون تنطوهه لبن عمهه والله العظيم عبير اذا صارت لغيري اخذهه واشرد ومحد يعرف مكانه والله
ابو علي وابو كرار منصدمين ومايدرون بلسالفه ومنين ابن عمهه الخاطبهه هاذا
كرار وعلي
كرار:ولك شبيك نتشاقه وياك
علي:عمي جذب شبيك هاذا انته مهند لو غيرك ماعرفتك عمي انته ابو حلك المايع يطلع هاذا الصوت منك هههههههه
مهند جن ماي بارد ونزل عله گلبه صحاهم صوت
ابو كرار وهوه يگللهم
ابو كرار:اييي عيني خلصتو لو بعدكم خلي واحد منكم يگعد مثل الاوادم ويسولف شبيكم
شكو شصاير
علي:عمي سلامتك بس مهند رايد عبير وگلي بس اني نسيت وقبل شويه كال النه انه وكرار وكلنه نتشاقه وياه وكلناله ابن عمهه خاطبهه وشوفت عينك گب ذيج الگبه
ابو كرار:جاا عيني استاذ مهند مااجيتني واني احجي وي ابوهه واطلبهه منه حلووه هسه هاي هيج صارت بله مو عيب عليك
ابو علي:لا ابو كرار مصار شي واذا عل بنيه اني مالگله لبنتي احسن من ولدك الله شاهد
ابو كرار :تسلم ابو علي ان شاله يوم الاثنين نسوي خطبه رسمي شتگول
ابو علي:براحتك بس باچر احنه نروح للسوگ الشيوخ علمود نحظر روحنه
ابو كرار:براحتكم سيد
يلله  وين صار الغده من يمته من اذن وصلينه

اجه الغده وتغدو والشياب نامت نومه الظهر
راح علي لغرفه زينب صعد
دك الباب
زينب:تفضل
علي:ياهلا بلزين كله شنووو عمي ولكم شهل الجمال العندي يحلوووه
زينب ببتسامه:تسلملي يرووحي
تعال يمي
گعد علي عل جربايه يم زينب وشبگهه من ظهره
علي:ايي معشوگتي شگاعده تسووين
زينب:هيج اراسل صديقاتي
علي:اكلج ماتعوفين التليفون وتباوعين بيه
رفعت زينب عيوونهه صفت علي بعيوونه الجانت داخل العين كحل لون بيج وجاره الاينر العيوون جانت كارثيه
علي:اشكر ربي عله هيج نعمه الله يقدرني واسعدج زنوبتي تدرين شكد احبچ امووون عليج ولج صرتت مجنون بشي اسمه زينب والله كل مااشوفج يمي بس مااگد اتقرب الج امووت الف موتته ياااابويه شيصبرني للعرس
زينب جانت ذايبه من كلماته رأسا بعج ماخلص حجي شبگته وخلت راسهه عله گلبه
زينب:علووشتي والله احبك واموت علي بعد روووح...
قاطعهم صوت جهاز علي يدگ
ماهتم علي رجع  يتصل مارد ظل المتصل يلح بلاتصالات كالتله زينب علمود يرد رد

يتبع،،،،،،،

وياريته مارد المكاله الي راح ادمر حياه زينب وعلي
تتوقعون من منو ومنو الاتصل بعلي وغير مسار حياتهم

مع السلامه التقيكم ببارت اخر ان شاء الله شكرا لقراتكم ❤️