المخلص "باللهجة العراقية "

البارت الثامن عشر

-امشي هسه خلي نتطمن لا تحجي شيء..

-طلعنا وواحدنا كلبه بيده قلق شلع معدتي من مكانها ساعات يلا وصلنا والله يمكن هذا اليوم من اصعب ايام حياتي السيارة تمشي واني الف فكره براسي شلون اذا  مستشهد شلون ارجع للبيت بدونه صرت ادعي من كلبي متصوب ولا يغيب حسه عنا..

-مخي تعب من التفكير من نزلنا ركضت للمستشفى دخلنا واحنا نسأل الي بالاستعلامات جاوبنا واحد كال تعالوا ورايا رحنا نمشي وراه والعالم ضاكه هنا عفيه بلد ما يوم شاف الراحة دخيلك ربي..

-جان يمشي ويحجي ويانا سريع ومخبوص.. الي متصاوبين اهلم قبل شوي وصلوا اما انتوا تعالوا اتعرفوا على الجثث البقية والله ينطيكم الصبر والقوة رفع ايده الي جانت بيها رجفه شوف والله اعصابنا تلفت
واحنا على هاي الحاله من جم يوم..

-لا يالله احس حتى الهوا نكطع عني جان عندي امل ولو قليل اشوفه متصوب حتى اذا مكرم لو عينه طافيه بس مو ميت دخيلك ربي  كعدت بالكاع هذا هو رجليه بعد ما تعيني خليت ايدي فوك راسي واني اضرب بي والله صعبه والله فراك الاخو يكسر الظهر..

-جعفر حالته مو احسن من حالتي التفتت عليه..  وربك بعد ماعندي حيل روح شوف علي انت شوفه بلكي يكعد وياك هو يعزك هواي والله مااكدر اشوفه اني بعدين شگل لامي وداعتك تموت وما تتحمل لو مرته  الي ماشافت منا شيء وتنتضره احجي ويا ودموعي تصب غصب عني اباوع عليه هزلي راسه ودموعه بعينه هو دخل وشوي واسمع صوت صياح وكع كلبي..

-من سمعت الصوت احس الدنيا وكفت الله لا يخلي احد يعيش هاي اللحظات ولا يشوفها بعينه التفتت على مصدر الصوت جانت مرة ورجال والرجال تعب الدنيا بي يبجون وهي تحجي بحركه كلب وتضرب على وجهه.. مو ابني هذا والله مو ابني الي متصوب وهو يبجي وياها عيني عليهم والقهر ذبحني واحد بهيج مواقف يواسي روحه يواسي هالعالم المنكوبه بلد من حرب الحرب..

-دقايق وطلع جعفر الي لمحت ابتسامة حزينة ومتعبة على وجهه اتقرب مني وصاح بفرحه جن فاقد وما مصدك.. ولك كرار مو علي والله مو علي الي جوه والله اخوك عايش ما ميت ولك..

-كلها لحظات او ما اعرف شلون وصلت للعناية المشددة جانت غرفتين باوعت من جام هذا مو علي باوعت للثانية مالكيت غير بقايا علي حيلي نهد واني اشوفه راسه مشدود وبس صوت الاجهزة جانت صونده بحلكه والله حاله يبجي الكافر تنهدت وكعدت سجدت شكر لربي الي ما قصر مهما يكون حاله بس عندي اهون من انو اطلعه منا وارجع بي بخشبه امي تنتهي بلحضتها وابو فاضل حيل ما يبقى عندها..

-وبدوا الناس تجي الي رايحله عزيز والي اخذ جثه
ابنه وربعه يزفونه بتشييع يليق بي كلوب نفجعت
وارواح احتركت ومشاهد تعصر الكلب الك الله يا عراق
شكد تحملت..

-لم تكن سوى مشاهد
ولا عباره عن اصوات
بل هو لحن حزين 
لصورة عراقيه
جسدت معاناة ما خلفه الار..هاب..