ليالي ذياب (حقيقه مكتمله)

البارت 23

هواي طلبو مني انزل سبب زعلت ذياب وليالي
هواي طلبو مني انزل السبب لي خلا ذياب يعتذر
من ليالي كدام الكل وهسه بعده عناء طويل حنت عليه ليال خانم وراح تطيني الاحداث كولو يالله

ليال : هلاو حبايب مشتاقتلكم كووومه

جنه نايمين ساعه 8:30 اندك الباب هواي كام ذياب فتح الباب اجه هو ويا امه وجايبه وياها ريوك بحت (محلبي مو مهلبيه ) كعدني ذياب من النوم كال

ذياب : ليالي حبيبي اجة امي وكاعده بصاله كومي كعدي

ليالي : كمت لبست روب فوك ملابسي ورحت سلمت عليها وكتلها شجابج عمه من الصبح

ام ذياب : سويت الصبح بحت ( محلبي ) وتنغصتلكم بي ( السالفه مو خاليه )

ليالي : هاهيه مشكوره وشلت الصينيه

ام ذياب : لا ليال خليها هنا واكلو كدامي

ليال : احنه مناكل من الصبح بعدين ناكل

ام ذياب : لا اكلو هسه حتى لو بس شوي لان انه تنغصتلكم بي

ليال : كمت اجيب خواشيك واكلنه شوي منه وشلت الصينيه الاكل وخليتها بالمطبخ و رجعت رادت تروح كتلها لا بعد وكت

ام ذياب : لا عمه ماطول انتو اكلتو انه رايحه انتو اخذو راحتكم

ليال : براحتج عمه

ذياب : يمه ابقي هسه ليال تسوي ريوك تريكي ويانا

ام ذياب : لا يمه انه اروحن وانتو براحتكم

ليال : وره ومراحت عمتي رجعنه نمنه واني خليت راسي بحضنه وهو يلعب بشعري الى ان نمت كعدنه ساعه 12 الضهر سويت ريوك وكعدنه تريكنه و غسلت الماعين وفتت للحمام سبحت طلعت من الحمام لبست دشداشه قصيره ربع ردن ورجعت تمددت يمه فتحت الفون وكعدت اتصفح بي وطلع هو يغسل السياره واني كمت اغزل البيت واشيل بزوالي تقريباً ب4 وشويه طلعت ردت اصيحله لكيت مموجود لفيت الزوليه وحيدي ( احبه من تكول وحيدي) تقريباً ب5 هيج طب للبيت هو كلته ذياب وين جنت

ذياب : جنت يم اهلي

ليال : كتله خيرك

ذياب : انته مو مؤدبه مو خوش مره صايره والسانج متبري منج وتتحكمين بيه وين رايح وين جاي ( لا استاذ ذياب تريد نعوفكم على حل شعركم ) وانتي تردين ابتعد عن اهلي انه  اعرف شلون اادبج انعل ابوج ( ولك عيب ) بت الك..... ب بت الق....... ه (الضاهر هيه لي راح تادبك استاذ )

ليال : كله هذا حجيه واني مصدمه محجيت شي صافنه بوجهه اريد استوعب شنو الموضوع رحت يمه وكمشته من صدره ردت ابوسه واهدي لان مجان قصدي اتعارك واصيح ( اشهد يالتاريخ ليال اول مره متتعارك وتسكت حتى اني مصدومه ) جنت بس رايده ابوس صدره بس هو راساً انكلب عصبي وكام يصيح