Creed's Lover (COMPLETED) - PUBLISHED under Precious Pages: LIB BARE

CHAPTER 9

CHAPTER 9

LOCKETT'S eyes dropped close when Creed lips touched hers. Gusto niyang pilitin ang sarili na tugunin ang halik nito pero parang may sariling isip ang mga labi na buong pusong tinugon ang masuyo nitong paghalik sa kanya.

Habang magkalapat ang mga labi nila, sobrang lakas ng tibok ng puso niya. Para iyong nakipag-karera pa lamang at napakabilis ng tibok.

Nang pakawalan ni Creed ang mga labi niya, nagmulat siya ng mga mata at nakita niyang nakangisi ito na parang siyang-siya sa nangyari. Sinong lalaki naman ang hindi masisiyahan sa pinagsaluhan nilang halik?

"Hmm. You kiss pretty well. That would do." Anito na nakangisi pa rin.

Masamang tingin ang ipinukol niya rito. "Kailangan ba pati pag-halik practice-sin natin?"

"Of course." Mabilis na sagot nito. "Malay mo, baka gustong makita ng mga magulang mo na mag-kiss tayo, mabuti nang handa."

Nangigigil sa inis na tinarayan niya ito. “Creed, hindi manyak ang mga magulang ko para naisin nilang makita ang nag-iisang nilang anak na nakikipaghalikan sa isang lalaki. My father in particular is a very traditional one in term of dating.”

“Kaya nga gumamit ako ng salitang ‘malay mo’, kasi malay mo naman.”

Inirapan niya ito. "Ewan ko sayo. Hindi naman kailangang practice-sin iyang kiss-kiss na iyan." Humalukipkip siya. "Huwag mong sabihing pati sex ay pa-practice-sin natin dahil sigurado akong ni sa panaginip, hindi ako gustong makita ng Daddy at Mommy ko na nakikipag-sex."

 Creed smirked. "I would love to practice that one."

"Heh!" Tumayo siya mula sa pagkakaupo sa sofa at naglakad patungo sa kusina.

She walked like she owned the place. Well, she didn’t own the place, nasa unit siya ni Creed. Sa tatlong araw na pamamalagi niya sa Manila, dito na siya sa unit nito nakatira. Umuuwi nalang siya sa unit niya kapag maliligo at natutulog siya. Sa mga nakalipas na araw na palagi siyang narito sa condo unit ni Creed, naging komportabli na siyang manghalungkat sa mga gamit at pagkain nito.

Binuksan niya ang refrigerator at kumuha roon ng dalawang in-can na San Miguel Beer Light, pagkatapos ay bumalik sa sala.

Naabutan niya si Creed na nakahiga sa mahabang sofa at nakatingin sa kisame. Tinapik niya ang ulo nito at pasalampak na umupo sa sahig, ang likod niya ay nakahilig sa gilid ng mahabang sofa.

Creed put his head on her shoulder, making her heart hammered inside her chest. Mabilis niyang pinakalma ang puso.

"Nasaan ang beer ko?" Tanong nito. His breath was fanning her neck and its making her breathless.

She composed herself for a second before handing him the beer. "I can’t believe we're drinking beer and not wine or juice." Aniya. "Some date this is." Reklamo niya.

Mahinang tumawa ang binata. "You choose an indoor kind of date, remember? And that’s what we're doing. Indoor date in my condo unit. And I told you that we need to buy some groceries, pero naginarte ka kaya tingnan mo, wala ng laman ang refrigerator ko."

Ibinuka niya ang bibig para dipensahan ang sarili na hindi siya ang umubos sa pagkain nito ng maunahan siya nitong magsalita.

"And don’t tell me that it’s not your fault, because it is. Bago ka dumating, puno ang refrigerator at cupboard ko. Ikaw ang umubos sa lahat ng pinamili ko para sa isang linggo kong pagkain. Bakit naman kasi hindi ka roon umuwi sa unit mo?"

Binalingan niya ito para sana sumagot pero natigilan siya at umawang ang mga labi ng mapansing isang dangkal lang ang layo ng mga labi nila. Akmang iiwas siya ng tingin ng pigilan siya nito sa pisngi.