غنوجتي 💋 ( روايات ليبية )

حلقة 2🔥

رواية حقيقية 100%
_
_
# غنوجتي
_

ملاحظة : (مراد خاطب امل بنت خالته  لكن جي خطبها ولد عمها وهو  عارف انها مخطوبة ويحبها و بوها وافق ان يعطيه بنته لان ولد خوه اولا من ولد خالتها وبوها يبي يفسخ خطبتها من مراد لانه من الاول مش راضي علي زواجها من مراد )
_
آسفة على الغلطة 😅😅
_
_
حلقة  2
_ 90:20 ص
طلع الدكتور من حجرة العمليات
طارق ومحمد والشباب كلهم وقفو واتجهو ناحية الدكتور
طارق :طمنا دكتور شن في ؟؟
الدكتور :الحمد لله العملية نجحت لازم يقعد تحت المراقبة ولما يصحى نحولوه لحجرة عادية لكن رح يتعب هلبا لازم انه يتعود على البلاتين و انتو لو تقدرو تطلعوه لي تونس افضل عندي دكتور صاحبي بروفيسور ندلكم عليه لو تبو لانو مراد عمليتهه كانت خطيرة ولازم اتابعوه عند مستشفى لحتى يتعلج بشكل احسن
محمد :تمام دكتور بارك الله فيك
طارق:اسمع محمد لازم نطلعو بأسرع وقت لي تونس واني رح نحجز ونتكلف بي كل الامور
محمد : منور طارق
طلع مراد من العمليات قاعد في العناية رجليه دارو لهم بلاتين وايده اليمين مكسورة وعنده شوية كدامات كانت حالته صعبة ومزال ما تعداش مرحلة الخطر لانو الحادت كان قوي هلبا ماكنش حد يتوقعه يعيش لما تشوفو السيارة كيف ابدت🔥 بسبب الحاذت😥💔
عند امل ...
ناضت امل مفجوعة من نومها وتبكي😥💔🔥 اتصلت بي طارق وحكي لها كل شي😔
قررت انو تزور مراد مهمها كلف الامر
اتصلت بي خالها
امل :الو خالي خالد شن الحال
خالد :تمام الحمد لله شن احالك وحال امك
امل: الحمد لله خالي ترفعني للمستشفى مراد دار حادت اليوم الصبح لازم نمشي نشوفه
خالد : تمام وتي روحك شو ية ونجيك
امل:لكن ما تقول لي حد لانو قاعدين ما قالوش لأمه وخواته وخالاتي
خالد :باه مسافة الطريق ونكون عندك
وصلت امل للمستشفى
امل : محمد شن حال مراد طمني ؟؟
محمد : الحمد لله قاعد في العناية وحكالها على حالة مراد 😞
امل : بدت تبكي بصوت عالي وخالها يهدي فيها 😥🔥💔
اعطوها ابرة مهدئ ورقدت 💔
عند طارق ....
طارق : محمد حجزت والامور كلها تمام يطلع مراد من العناية بعدها نمشو لتونس
محمد : منور طارق والله انك اصلي 😊
طارق : بوجودك مراد زي خوي واعز 😞
عند ابتهال ......
ناضت الصبح بعتت رسالة لي طارق عالنت ورد عليها
ابتهال : شن الجو 🙂
طارق : الحمد لله ماشية شن جوك انتي 😊
ابتهال : تمام الحمد لله خيرك البارح فجأة معش رديت عليا والله انشغلت عليك ؟!
طارق : آسف حبيبتي والله مراد دار حادت وتوا في المستشقى وكان عندي موضوع 😞
ابتهال : الحمد لله على سلامته ربي يشفيه ويكون بخير 💙😞
طارق : آميين يااارب 😞🔥
ابتهال : به طمني عليك ما تشغليش بالي 😊
طارق : تمام ان شاء الله خير
ابتهال : ربي ينوضه بالسلامة 💙
طارق : ان شاء الله تسلمي حبيبتي ❤
طارق : نحبك 😍❤
ابتهال :  قلبها يدق 😳 حتى اني انتبه لنفسك ❤❤
طارق :  باي 😍❤
عند امل .......
ناضت قعمزت وتذكرت حالة مراد 💔وان كل شي صار بسببها نزلو دموعاه 😥💔 ووقفت واتجهت لي مراد في العناية خشت شافاته كيف مركبين له الاجهزة وايده المكسورة ووجه وجسمه إلي كدامات 💔😞 قربت منه  شدت ايده ودموعها ينزلو 😥💔🔥
امل : مراد حبيبي نوض نوض بالله عليك نحبك انت ما نبيش نتزوج غيرك نبي نكون معماك نوض بالله عليك نحبك انت 💔💔🔥😥
خشت الممرضة .....
الممرضة : آنسة تمت الزيارة المريض لازم يرتاح .....
امل : تبكي بعبرتها سامحني مراد سامحني كله بسببي 😥🔥💔
الممرضة :  تفضلي برا يا آنسة بعد اذنك
الساعة 30 : 11 ص
_
طلع مراد من العناية وحالته مستقرا حولوه لحجرة عادية ناض مراد وتذكر كل شي صار💔 ويحس في الم في رجليه بسبب البلاتين و نزلو دموعه وبدي يعيط بهيستيريا بسبب الوجع 😥🔥🔥 قعد يعيط بأعلى صوته لين جو الممرضات واعطوه يبرة مخدر 💔😞
وطارق ومحمد يسمعو فيه برا  ومصدومين لان مرا عمره ما بكي قدام حد 💔
طارق : لازم نطلعو لتونس غضوا في الليل لانه مراد تاعب هلبا 😞💔
محمد : تمام احجز طيارة غدوا في الليل😞
طارق :  تم 😔
امل : تفكر شن بيصير في مراد😔 هل بتكون معاه او لا 💔وهي خايفة عليه وتحس بالذنب خصوصا بعد ما شافاته الصبح 😥🔥💔
اتصلت بي طارق ......
امل : الو طارق شن حال مراد 😔🔥
طارق : تنهد ... كيف ناض توا كانت عمليته خطيره وحكالها كل شي صار 💔
امل : ترعش وقلبها بيوقف ودموعها ينزلو 😥💔
امل : باه طارق تصبح على خير 😔🔥💔
طارق : وانتي من اهله 💔
عند امل ......
قعت امل تفكر طول الليل لعند ما اذن الفجر واتخذت قرار وانها مش رح تتراجع عليه  😥💔🔥🔥
_
_
يتبع .........