مجنون حب فرعون
(الجزء الاول)
اصعب حاجة ف الدنيا لما تنسي انت مين؟ ..اسمك اييه؟ ..مين بيحبك ؟ومين بيكرهك؟ .ساعات الفرح والحزن اللي حسيتها ..بتبقي عامل زي الدمية ..انسان ب الاسم ..طفل ساذج لسه مولود..بس ايه السبب؟!وليه؟حكاية شغلتني كتير ولسه م لاقيتلهاش جواب !
واللي بسببها فضلت سنه كامله ف المستشفي واللي زود فضولي اكتر.. تجاهل الكل اؤل م كنت بسألهم عن السبب واللي كانو بيعملو اي حاجه عشان يغيرو الموضوع علطول !!بس خلاص هاانت النهاردة آخر ليله ليا ف المستشفي وبكرة هتيجي اختي الكبيرة جيهان عشان تروحني البيت من تاني ..ساعتها يمكن اقدر افتكر حااجة ..وعلي الرغم من أنها ليلة واحدة إلا انها كانت اطول ليله ف حياتي ..كنت حاسه انها مش عاايزة تخلص ..شووية وروحت ف النوم م حسيتش بنفسي الا وجيهان بتصحيني عشاان تفطرني بنفسها
*ياااااااه ااخيرااا هخرج م المستشفي ..ده انا كنت حااسه اني قااعدة ف سجن
جيهان:ههههههههههههه ايه للدرجادي زهقتي من المستشفي؟!
*ماهو لو كنتي قعدتي السنه اللي قعدتها كنتي حسيتي بيا ..
شووية وحسيت أن ملامح جيهان ابتديت تتغير ..معقوولة تكون زعلت؟!! مفيش ثوواني ولسه هكلمها لاقيت الدكتور بيخبط ع الباب ومعااه الممرضه
الدكتور: النهاردة ااخر يووم هرخم عليكي فيه خلاص مفيش لا دووا ولا اشعه تااني
*بجد انا مش عارفه اشكرك ازاي ..مهما عملت مش هقدر اوفي جزء م اللي عملته معايا
الدكتور:ده وااجبي ..ها بقي..قررتي هتعملي اييه لما تخرجي من هنا
جيهان:اكيد هتنشغل بالكتب والروايات زي عادتها هو في غيرها ؟
الدكتور:الظاهر مش انا بس اللي مطلع مهوس بالقرايه...حيث كدة بقي اكيد تعرفي المكتبه اللي ف وسط البلد ؟؟
وقبل م ارد او اقول اي كلمه لاقيت جيهان رديت بسرعه عليه بصوت اتملي خوف وقلق ..لا م تعرفهااش !!ولا عمرها راحتها
استغربت من رد فعلها !! وياتري قالت كدة ليه ؟! فضل السكوت بينا شوية ..مفيش دقايق وقام الدكتور عشان يطمن ع باقي الحالات .. وكل م كنت بسال جيهان عن سبب رد فعلها كانت بتتهرب م السؤال وتحاول تشغلني ب اي حاجه ..وبرغم اني تقريبا ناسيه كل حاجه الا ان الموقف ده فضل قدامي فترة كبيرة..لحد م ف يوم قررت اني اروح المكتبه دي واعرف ليه جيهان كانت خايفه كدة لما جت سيرتها ؟!..ف الاؤل كانت راافضه انها تيجي معايا لكن لما قولتها ان سواء بيها او من غيرها هروح وافقت انها تيجي معايا ..طول الطريق كان باين ع ملامحها التوتر والقلق ..ياتري ده ارهاق فعلا زي م كانت بتقولي ولا في حاجه هناك خايفه اني اشوفها؟! شوية ووصلنا المكتبه واللي م كنتش اتخيل انها كبيرة كدة !زي م تكون مكان اثري او قصر قديم زي اللي بيطلعو ف التلفزيون !!
فضلت شووية مزهوله بشكل المكتبه ..كنت حاسه اني شوفتها قبل كدة بس فيين وامتي؟ مش فاكرة..ويادوب لسه هندخل لاقيت موبايل جيهان بيرن ..طلبت مني اني ادخل اشووف الكتب اللي عايزاها واخرج بسرعه لحد م تخلص المكالمه بتاعتها ..وفعلا دخلت بس الظاهر اننا روحنا بدري عشان كدة مكنش فيه ناس كتير ..بس الغريبه اني كنت عارفه الاماكن كوويس زي م اكون كنت هنا قبل كدة!! وبسرعه روحت عند قسم القصص والروايات يمكن الاقي حاجه جديدة ...وفعلا اختارت شووية كتب انشغلت ف قراية عناوينهم ومااخدتش بالي من الشاب اللي خبط فيا !!وقتها وقعت كل الروايات ف الارض ..كان شكله غريب ..شعره ودقنه طويله ..ملامح التعب والارهاق كانت باينه ع وشه ..مفيش ثواني ونزل لم الروايات من ع الارض وحطهم ف ايدي من غير م حتي يبصلي او ينطق بكلمه وااحدة!! .. مفيش ثواني ورجعت ادور ف صف تاني علي قصص تانيه ..مخدتش بالي اني طولت وان المكتبه ابتديت تتزحم ..قعدت ادور ع مكان ااقعد فيه واشوف ايه اكتر حاجه هتناسبني ف اللي اختارتهم م لاقيتش مكان ع الترابيزة الكبيرة الا جمب الشاب اياه ..وفعلا قعدت ف تردد وابتديت اشوف كل روايه ..شوية وسمعت تنهيدة زي م يكوون صوت عياط بس واطي ببص جمبي لاقيت نفس الشاب !! لافتني الكالونه اللي ف رقبته..ايده اللي بتترعش وهي بتقلب الصفحات واستغرب اكتر لما لاقيتها اجندة عادية مش كتاب !! و هنا سيطر عليا الفضوول اني اتكلم معاه واعرف ايه مشكلته ؟
ولسه هنطق ب اؤل كلمه لاقيت موبايله بيرن واللي اؤل م رد ع المكالمه قاام ف سااعتها ..حتي كان بيجري وهو خاارج!!
فضلت انادي عليه ...يااستاذ..يااستاذ..نسيت كشكولك بس هو كان مشي .. ومن غير م احس بنفسي لاقيتني ببص ع الاجندة لاقيت مكتوب عليها (مجنون حب فرعون)!!!!!
أنت تقرأ
مجنون حب فرعون
Romanceهتعمل ايه لو صحيت ف يوم لاقيت نفسك ف مستشفي ومش فاكر اي حاجه أو ايه سبب دخولك ليها اصلا ، ..وف كل مرة كنت بتسال اقرب الناس ليك ايه اللي حصل ؟كانو بيتهربو منك بملامح مليانه خوف وقلق ..هتلاقي حالة من الفضول بتحاوطك ف كل لحظة ،وبتقرر ساعتها تكتشف بنفسك...
