#الوسواس القهري2
بقلم القطة الشريرة
انا.. عادي حانعيش معاه وخلاص المهم نهرب من الجحيم الى انا فيه
علي.. صار هاربة من الجحيم وحاتشوفي جحيم احرف من الى كنتي فيه
لبست البدلة الكبيرة
ساجدة.. طالعه تهبلي
انا.. تسلميلي يارب
خوات علي كلهم متزوجات وساجدة بس مزال ماتزوجت نتعرفو عليهم ف الرواية
علي.. حدف التلفون وخش قعد يغسل ف يديه ويعاود يغسل ويعاود لدرجة ايديه بدو يصبو ف الدم
ساجدة.. علي ياعلي
علي .. فاق ع روحه وطلع نعم
ساجدة.. انت ماغيرتش
علي .. وليش بنغير
ساجدة.. ماهو بتصور مع اسرار وبنرفعوها
علي.. مش ماشي وين ومشى وخلاها
انا.. قاعدة واقفة ع المراية مرأتي يامرأتي أخبريني هل يوجد احد اجمل مني ع كوكب ليبيا مع خشت علي
علي.. واقف ع الدولاب
انا.. شوفت ليديه خيرهم يديك مجروحات
علي.. مادخلك وطلع دبشه وطلع
انا.. خيره هذا
ساجدة.. خشت هيا يااسرار
انا.. بالله عليك صوريني مع بابا
ساجدة.. تمام ونزلنا لوطة وخديت كم صورة معاه
علي.. كان قاعد ع الصالون وفاتح اللابتوب
انا.. عادي نخلي بابا معاك مرات يضربوه الصغار غادي
علي.. يشوفلي من فوق للوطة
انا.. شنو عادي والا لا
علي.. هز براسه بمعنى تمام
وصلنا لحوش سهيلة واستقبلوني كان المحضر حلو وخفيف العيلة والأقارب
سهيلة.. شن حالك يابنتي وشن مداير معاك علي
انا.. الحمد لله غير كان يبطل هوس بس
سهيلة .. معليش تحمليه وان شاء الله تتعودي عليه
انا.. ان شاء الله
فات المحضر ع خير وروحت المغرب
ساجدة.. هيا تصبحي ع خير
انا.. خشي خيرك
ساجدة.. لاصحيتي سلمي ع علي
انا.. تمام باي
علي.. كان مقعمز ف الصالة ويتفرج ع التلفزيون
انا.. السلام عليكم
علي .. شافلي ورجع شاف للتلفزيون
انا.. خيره هذا وركبت الفوق وقعدت نحول ف البدلة بس ماقدرت وقعدت نعيط علي ياعلي
علي.. جانى خير بلاك
انا.. تعال حول معاي
علي.. مانعرفش وطلع
انا.. يانفسية وناديت سلمة وقعدنا نص ساعة نحولو فيها
سلمة.. نحنا مايلبس هكي ف النيجر
انا.. انتو سعودكم ياكبدي ماديرين زي موكلي وطارزان وحياتكم كلها رقص
خشيت لبابا ولقيته راقد
باسط.. تعرف ياسالم توا بس حسيت بقيمتها حسيت اني خسرتها بجديات
سالم.. تستاهل قتلك شد فيها وفوت جو البنات
باسط .. والله قبل ماني مدورها بكل لكن لما سمعت بيها تزوجت حسيت بغصة مش عارف كيف
انا.. ووواك ملل نمشي ننزل عند عليوا نتبرد عليه وقعدت نتزحلق ع الدروج
علي.. فاتح اللابتوب ولاهي
انا.. احم احم
علي .. ماعبرني
انا.. شن تتفرج
علي .. ساكت
انا.. نكلم فيك
علي.. بدون ولاكلمة
انا.. شن هذا وخطرت عليا فكرة اااااااااااه فار فار ونضت
علي .. وقف ع الصالون وينه وينه
انا.. هههههههههههه وحق ربي منظرك يضحك
علي.. نزل وجبدني من شعري وعطاني طريحة الموت باش مرة تانية تعاودي حركاتك التافهة
انا.. قعدت ف مكاني مش قادرة نوض من الوجع
علي.. خش للحمام وقعد يدوش
سلمة.. جت ساعدتني ورفعتني للدار
انا.. دموعي قعدو ينزلو نفس الإهانات ونفس الضرب مافيش حد يحبني بس لازم نتحمل عشان الخطة متاعي تنجح يديرلي جواز سفر ونحصل مبلغ كويس ونهرب انا وبابا بعيد عنهم
علي.. قعد يفكر ف الرسالة ويحك ف جلده ويعاود لعند جسمه بدا يصب ف الدم من الجروح
سلمه .. نادتني للعشاء
انا.. نوضي بابا وخليه ينزل
سلمة .. تمام
انا.. علي وين
سلمة.. استاذ علي ف الهمام مازال مايطلع
انا.. تعالي قعمزي جنبي
سلمه .. جت وقعمزت
انا.. علي ليش ايديه مجروحات
سلمه.. هو ديما يوغسل كثير بالصابون بعدين يقعد يصب ف الدم
انا.. صحيتي سلمة
سلمة.. ناضت طلعت
انا.. فتحت النت وقعدت نبحت ف القوقل الوسواس القهري نفس الأعراض الى يعاني منهم علي والموضوع خطير ومرات المصاب ينتحر مسكين علي معناها هوا يعاني هلباااا وانا كنت نحسابه يبالغ ااوووف لازم نساعده بس ع طريقته هوا
علي .. ليش درت هكي اول مرة نمد ايدي ع مراة وقعد يتلمس ف يديه ونزل ع الأرض وقعد يبكي
انا.. خشيت غسلت وجهي ورتبت شعري ومشيتله ف الدار التانية وكان الباب مردود ونسمع فيه يبكي مانبيش نحرجه ونخش عليه وهوا هكي نزلت لوطة وقعدت نهدرز مع بابا ونساير فيه باش يتعشا وف نفس الوقت نفكر كيف نخلي علي يطلع من الدار ويقعد معانا احسن شي نديرله دوشة باش ينزل حتى كان عصب بينه ع الاقل ينسى شوي خشيت للمطبخ وجبت طنجرة وبديت نطبل ووووزع شكلاطة وطعمينا بصوت الى يغني ف العراضة متع باب الحارة ووووزع شكلاطة وطعمينا مو ضروري تعرف اسمينا وزع لكل الموجودين من المدينة لبنغشير
بابا .. يصفق ويرقص
علي.. تي هذا شن ونزل يجري وكان لابس تشيرت اخضر وسروال اسود
انا.. لك بموووت انا بالأخضر ويأبر ألبي الشخصية ويأبر البي الشخصية
علي.. مش انتي واخدة طريحة توا
انا.. قعدت نلود عليه ونطبل وبابا كان ورايا يسلملي الازرق ياملاكي لاباس الأخضر يدحي ويكاكي
علي .. كيف بيشدني هربت منه وقعد يجري فيا
انا.. خلاص خلاص والله نبصر
علي.. قعد يضحك
سلمة.. الو مدام بابا في شوية تغير
سهيلة.. تمام ابعتي ف رسالة
بابا.. خدا تلفوني وركب الفوق
انا.. تعال تعشا
علي.. مانبيش
انا.. هيا بالله مش درتلك زفه وعرس
علي.. مستغرب من تصرفاتي توا عاطيها طريحة معقولة مش مدورة
انا.. مسحت الكرسي قبل مانقعد
علي.. 😲😲 وقعد
انا.. طلعت المطهر ودرته ع يديا وبديت ناكل بطريقة علي بشويا بشويا
علي.. كان طول الوقت يشوفلي
انا.. سلمة ياسلمة
سلمة.. نعم
انا.. معليش من اليوم هدينا ماعيني الخاصات ماتعطيش فيهم لحد
بابا .. كان نازل من الفوق وماسك التلفون وفاتح المايك وكنت نسمع ف كلمة حبي اسرار اسرار حبيبتي
علي.. يتبع
أنت تقرأ
الوسواس القهري ( روايات ليبية )
Romanceللكاتبة : القطة الشريرة عندما يقلب الحب الي وسواس قهري فما مصيره ؟ و بدأت ان كان من الطرفين ؟ رواية من داخل المجتمع الليبي ؟❤️🔥
