نهوة ابن عمي 😡😔😔

البارت الاول

‏خير الأمور و أجملها و أكملها ضحكتك 💜

مرحبا انا زهراء 😍 😘

القصة جديدة أتمنى تعجبكم

نبدأ في القصة. . . . . .

أم ليليان : يلة حبيبتي كومي راح تتأخرين على المدرسة

ليليان : ماما بس خمس دقايق واكوم بليزز

أم ليليان : لا ماكو كوني راح تتأخرين يلة أبو الخط يعوفج ويروح

ليليان : أي كايمة لحضة وين رايحين خلي اعرفكم على نفسي
اني ليليان عمري 17 سنة من بغداد اني طالبة خامس إعدادي (ادبي) أحب الدراسة واتمنى أكمل حتى اصير محامية عيوني لون عسلي شعري طويل وسرح واشقر جسمي وسط وزني 47 طولي 150 يعني زين مو قزومة 😂 حواجبي ثخان لون بشرتي حنطاوي

اعرفكم على عائلتي

بابا (سعد) عمرة 45

ماما (ضحى)  عمرهة 44
اني ماعندي إخوان ولا اخوات يعني اني الوحيدة بابا وماما مدلليني
عندي ثنين عمام

عمو أحمد : مزوج وعندة ثنين ولد حسن ( الي راح يدمر حياتي😢) ومحمد  ( عمو وعمة متوفين😢)

عمو عقيل : مزوج وعندة ثنين بنات ولد واحد اسمة حسين

بيبي وجدو عايشين جدو شيخ عشيرة ومن بعدة ابن عمو أحمد حسن هوة الشيخ

اني مرايحتلهم هواي أذكر بس من جنت صغيرة رحتلهم ومرحت بعد لأن همة بالبصرة فما اكدر الطريق طويل من بغداد للبصرة 

كعدت غسل وبدلت ملابسي وسويت شعري كعكة لأن اني مالبس حجاب كملت نزلت الجنطة ولكي بابا كاعد هوة ماما

ليليان : صباح الخير ياحلوين

بابا وماما : صباح النور يحلو

بابا: شنو هاي باباتي طالعة تخبلين

ليليان : تسلم سعودي هههههه

ماما : لج كولي بابا شنو سعودي

بابا : عوفيهة ياضحى عادي

ليليان : برطمت شفايفي وكتلهة عادي بابا يقبل مو ضحاوي   هههههههههههه 😂😂

ماما وبابا : ههههههههه😂😂

ماما : يلة كملي أبو الخط اجة

ليليان : وك اني كملت يلة جااو
رحت صعدت بالخط ورحت على صديقتي المقربة رقية احبهة كولش احجيلهة كولشي وصلت للمدرسة كعدت ويا الشلة كمل الدووام عادي رجعت للبيت اول مدخلت تعجبت بيت جدو جاين يمنة

ليليان: سلام عليكم جاين بيبي وجدو وساهم ولد ما اعرف لام كتلكم آخر مرة من جنت زغيرة رحت وبعد ما أذكر شي  رحت بست بيبي وسلمت علة جدو ومديت أيدي للولد هلو .....

بيت آخر. .....

مرحبا اني حسن عمري 20 سنة من البصرة عيوني لون خضر شعري كلش ثخان حواجبي ثخان عيوني حادات ومسحوبات لون بشرتي حنطاوي طولي 175 طويل كلش عهههههه وإني 80 مو عبالكم سمين لا جسمي رياضي

اعرفكم على عائلتي بابا وماما متوفين بيبيتي وجدي هم تكفلو بية اني واخوي
اخوي علي مزوج وعندة ولد صغير عمرة سنة

جنت باليل هستوني راجع من برة جنت يم جماعتي بيبي صاحتني ورحت يمهة هلة حجية محتاجة شي

الحجية : أي والله وليدي أريدك بأجر تاخذنة لبيت عمك سعد بغداد نروح نشوفهم صار هواي مشايفيهم

حسن : من عيني هاي قبل هاي بأجر من وكت احنة طالعين

الحجية : تسلم وليدي يلة روح نام حتى من وكت نطلع

حسن : ماشي يلة تصبحين على خير
صعدت نمت كعدت الساعة ب3 الفجر هم يلة نطلع نزلت تريكت صعدت بالسيارة أخذت بيبيتي وجدي وصلنة لبغداد الساعة ب12:30 وصلنة لبيت عمي استقبلنة احسن استقبال كعدنة شوية وطبت بنية بس مو بينة ماشاء الله تخبل لا وملابسة حجاب والبس ضيك والجسم بارز بس كولش حلوة اجتي سلمت على بيبي وجدي واجت علي مدت ايدهة كالت هلو

حسن : اهلن شلونج

ليليان : تمام وانت شلونك

حسن :بخير

ليليان صعدت للغرفة بدلت ملابسي ولبست تراك لون اسود اني اعشق اللون الأسود ولفيت شعري كعكة وخليت بس مرطب شفة ومسكارة ونزلت جوة أساعد ماما

ليليان : ماماتي هذا منو الولد الي اجة وياهم

ماما : حبيبتي هذا ابن عمج حسن

ليليان : هاا وك

حضرنة الأكل اني وماما وكملنة كولشي ماما احتاجت خبز اني جنت كاعدة بالصالة يمهم

أم ليليان : ماما ليليان حبيبتي روحي جيبيلنة خبز

ليليان : وك ماما ردت اروح سمعت حسن صاح اني فزيت

حسن : اجت أم ليليان كتلهة روحي جيبي خبز وإني فار دمي شلون تخليهة هيج تطلع كتلهة بصوت عالي لا وين اني اروح اجيب انتي اكعدي

ليليان : بس انت متندل وثاني شي هياتهة الخبازة اروح اجيب منهة خبز

حسن : هي مرة

ليليان : أي

حسن : أي عادي نروح اني وياج وانتي نزلي جيبي من عدهة

ليليان : طيب ماشي يلة كوم

حسن : ليش بهذا لبسج ترحين

ليليان بضحك : هههه أي عادي ترة هي بالفرع الثاني

حسن : طيب حطي على راسج وامشي

ليليان : شخلي امشي اني مو محجبة

حسن : 😐 يلة امشي

ليليان : يلة صعدت وياه بالسيارة

حسن : انتي شنو اسمج

ليليان : ليليان وانت حسن مو

حسن : أي سؤال

ليليان : جواب

حسن : شعجب ملابسة حجاب ولا عباية

ليليان : اني ما أحب اتحجب وهذا الشي حرية

حسن : فورت دمي وكلي حرة والله لو يمي هاي جان آلية من جديد ..........

حبايب هذا أول بارت أتمنى يعجبكم أريد تصويت للقصة