💜MY IDOL💜( Mizo Version)#complete#

CHAPTER 12

"Kha aw, party hat chu" Rara_i chuan Taehyung chu a pe a

"Kan lawm lutuk, chuan zanin tlai ah haw suh u aw, Suga Hyung birthday a ni a, party kan nei dawn a nia" taehyung in a tih chuan "pawi ka ti, keichu ka hman lo ang" rangtak chuan ka ti a

"Ngati maw, a rei dawn hleinem, awm hram la"

"Aaa..ka tihpalh lutuk, tihtur dang ka lo nei tawh a, min hrethiam hram ru" ka tih chuan "awle i tih dan² a ni mai" tihpah chuan an pathum chuan dawr atang chuan an chhuak sap sap a

"Enge i tih dawn a, kal ve ta che, a nuam ngawt ang, bakah BTS ho bulah party te chu mi zawng zawng chak a ni ang chu" rara-in a tih chuan "ni khawp mai, mahse tih tur pawimawh deuh ka nei a, birthday te chu dam te  chuan a la thleng leh dawn lawm" nui suk pah chuan ka ti a, nidang ang te chu nise min sawm loh pawn ka kal ang, mahse tunah chuan Jimin hi hlat ka duh, a tel ve na hrim hrim chu pehhel zel ka duh..ka ta ni lo tur lo suangtuah vak vak hi ka sim a ngai a ni..

"Lunch ei ang" rara in a tih chuan "ka ril pawh a la tam lo, lo va kal hmasa rawh, hei kan tifel lawk ange" tihpah chuan bungrua rem ngai chu ka rem tha mawlh mawlh a..

"Awle nih ka kal aw, ka rei lovang"

"Awle"

Bungrua ho chu ka thliar hrang mawlh mawlh a, kawngkhar ri rek ah chuan rara-i a lo let emaw ka ti a

"I lo va let hma ve, i puar hman a mi" hawi pawh hawi chhuak loh chuan ka ti a, min chhan mai loh avang chuan ka hawi chho a, Jimin chuan nui suk hian min lo en a, nidang chu nise ka hlim leh veng veng tawh ang, duh hle mahila, ka in la cool laklawh ve tawh bawk sia, engamah ngai lo awm tak chuan "mahmawh i nei a mi" pangai takah ka zawt thei chu ka lawm hle hepa bulah ka awm hi chuan ka normal lo ziah, ka taksa khur der der chu thunun tum chuan thawk chu ka la zeuh a

"Aw nei e" tih chuahin min chhang

"Enge i duh" ka tih chuan

"Nangmah"

"Fiamthu hun a ni lo" tihpah chuan ka thiltih lai chu ka chhunzawm mawlh mawlh a, rawn thu hniam ve in, ka kut chu a rawn vuan a, ka beisei lo thil a nih avangin ka phu deuh zawk a

"Eng..engthil nge maw i tih le" tihpahin ka kut chu laksawn ka tum a, min chelh bet nghet zual sauh a, midang in min rawn hmuh ka hlau ngei mai

"Hana..tiang hian awm suh" a thusawi awmzia ka hriat loh em avang chuan ka en ngar ngar a

"Enge awmzia"

"Hana ka hriat thin ang khan awm leh rawh, Hmanah Hana kha ka duh a ni, tunah Hana hi chuan ka rilru a ti hah a ni" a tih chuan ka nui suk a

"I thil sawi awmzia engmah ka hre lo, mahmawh i nei chuan sawi la, i nei lo chuan min kalsan rawh"  min kalsan taktak ang tih ka hlau leh hnuhnawh sia, a thilsawi awmzia hi hrethiam vek lo mahila, a sawitum ber erawh ka hre tho, mahse ka luhlul laklawh ve tawh..a hreawmzia hi hre ve rawh se

"Ka duh che" a rawn tih chuan ka beisei lo lutuk thil a ni, ka thiltih lai tawp chatin a mah chu ka en a..

"I a nih kha" ka ti ringawt..

"Ka at avang a niang, mi a deuh ka duh tlat ni" a hmel ah fiamthu hmel ka hmu lo, nidang chu nise lawm avangin ka au chhuak thei hial ang, mahse tunah chuan hlauhthawnna bak ka nei lo, dawt nge thudik a ni pawh ka hre lo, ka rilru nawm nan a sawi ve mai mai a niang..

"Khawngaihin ka rilru tihbuai tum suh, min kalsan tawh rawh, mi an lo lut thut palh ang" tihpah chuan ka thutna tang chuan tho chhuakin store room lamah chuan ka luhsan daih a, reideuh ka awm lui char char a, kawngkhar ri ah chuan a chhuak a nih ka ring, ka awm chu dawm vang vangin thawk chu kan la hawk a, enge ka chungah thleng hi nge, theingilh ka tum velleh min duh thu a sawi leh a, ngati nge nun laklawh deuh hian min siam ziah le, min duh taktak a nih chuan a beidawng hauh lo ang, chuvang chuan ka rilru hi ka ti khauh tlat tur a ni, awlsam tak chuan ka chhang thei mai bik tawh lo..