💜MY IDOL💜( Mizo Version)#complete#

CHAPTER 9

"Aaa..englo ka nghah hran pawh a ni lo, englo a nia ihh..ngati nge ka tawng bah nuai ve ngawt le..a rawn au thut vang pawh a niang

"He thla an lak dawn ni hian ka kal ve lova, exam ka nei lai a nia, an rawn haw lam in an accident a, min thihsan vek tawh" a rawn tih chuan ka en ngar², ka khawngaih takzet, a la tuar a ni ngei ang, a mittui a parawl kiau a, ka va lainat si em..tih theih lah ka nei bawk silo, hnem te ka chak a, mahse ka ngam bawk silo, ngawireng chuan chhuat chu ka en ngar ngar a

"Englo...ka tihpalh lutuk, zawh lo tur che ka lo zawt a" inthiam lo tak chung chuan ka ti a, a natna te ka ti belhchhah sak a, ka in ngei takzet..

"A ho lutuk, bathroom ah ka va kal lawk ange" a tih chuan ka bu zauh a..

HANA P.O.V

Khai a..ka va thi teuh ve, aw lalpa leh!!. Ka inthiam lo takzet..

Bathroom atanga ka chhuah chuan min-ju chuan min nawr lut leh nghal a

"Hei..enge i hriat a, a la awm reng a nia, i thawm dim rawh" zawite chuan ka tawng a

"Hmeli..min thih tir a maw"

"Ka tum pawh a ni bik lo, min zawt thut a, ka hamhaih a nihkha" nuih tlawn pah chuan ka nek zauh² a..

"Min-ju ka thi teuh thei e..dawtsawi hi ka ning phut zawk zawk na tur hi a tam si" tumbur chung chuan ka ti a

"I thiamlo vek, a tir atang chuan dawt sawi lo la chuan"

"Ninawm, sawi chhuak ziah suh, thih daih tak tak mai te ka duh rum rum tawh a nia..

"Tunah ka hrilh tur che hi hre phei la chuan i thi daih tawh ang" nui suk chuan a rawn ti a "min-ju i sual" tihpah chuan a banah chuan ka chum a

"Taktak ah Hana, chanchin tha lo deuh, tunah hian ka nu leh pa te an lo haw mek" a tih chuan ka phu leh nghal zawk, tiang reng reng chuan lungphu chawlin ka la thi thuai ang mawle..

"Eng..engtik ah, engtikah nge an lo thlen dawn"

"Ka hre lo, an lo thleng tep ang" a tih rualin doorbell a ri nghal, min-ju nen chuan phawk lutukin kan in melh a, tah mai ka duh..

"Min-ju tinge ka vanduai thei em em le" ka tih chuan

"Keichu ka vannei thei lutuk" a ti chuan ka melhrum lutuk ringawt

Doorbell lah chu a ri reng bawk si "chhuak vat rawh, Jimin an a lo hawn veih chuan a pawi dawn nia" a tih chuan rangtak chuan living room lam ah chuan ka tlanphei a

Jimin in kawngkhar hawn a lo tum lai tak chuan rangtak chuan a kut ah man betin room lam ah chuan ka tlan luhpui nghal a

"Engthil nge ni ta?? Tinge i va hlauh hmel ve" a tih chuan thaw hawk hawk pahin "englo ihh..buaina ka nei a, min haw san vat a ngai" ka tih chuan a hriatthiam lo hmel takzet

"Engthil nge thleng?? Tinge kawngkhar saw i hawn ngam loh?? Zep ruk i nei a mi" min tih chuan kan in en deuh vang vang, ka chil chu ka lem ri kawlh a

"Aw thil zep ka nei alawm" ka tih chuan hriatchak hmel zet chuan"engthil nge" a ti a

"Ihh..ka thuruk ka hrilh ang che, mahse khawiah mah sawi chhuak suh aw" ka tih chuan a bu zauh zauh a

"Englo nia..mi pawisa ka ba a, ka la rul lova, rulh chu ka tum a, mahse pawisa ka la nei tawk lova" inthiam lo tak chuan dawt dang chu ka sawi leh ta, ka in haw takzet, thudik hrilh ila min haw daih ang tih ka hlau bawk si, ka dinhmun laklawh zia hi..

"Maw..taktak a mi, engzat nge i bat a" mak tih hmel deuh chuan a ti a

"A tam mai, sawifiahna hun ka nei twh lo, hetah an hmuh che chuan rilru dang an pu anga, milar i lo ni bawk nen, nangmah hnen atangin pawisa an phut palh ang, chuvang chuan kal vat rawh" tihpah chuan tukverh ah leilawn awm chu ka hmuh vat a..

"Mahse an ti na palh ang che, ka kalsan theih lo che" a tih chuan a hun lo kher mai, kan in te chu nise ka kal tir awm tawp silo..

"Ka tha lutuk ang, min ngaihtuah suh, khawngaihin chhuk vat rawh, rawn hawi let tawh lo la, i car lam i pan vat dawn nia aw" tihpah chuan tukverh lamah chuan ka nem a..

"Hana..min tiam rawh, thil atthlak engmah ti suh ang che" a tih chuan ka bo map mai, engmah tih tur ka nei lo, tunah hi chuan a mah hi ka buaina a ni rih

"Aw²..ka tiam che, chhuk vat rawh" tihpah chuan ka chhukthlak tir a..muangchang chuan a chhuk thla ve mai bawk a, ka nuih a za deuh thut, nuihna chi a ni bawk silo, ka tan chuan movie hi a ni ringawt, director leh actress ka ni nghal a, Jimin hi ka changtupa, engmah hre lo hian ka drama show ah a tel ve bawk sia, a hriat chhuah hunah chuan a nui lo viau ang mawle..

Bum lah chu a la nuam zek zui a, taktak in lemchan hi ka thiam viau a maw nile..ka in ngaihtuah deuh thut

Jimin lei lam atang ah kut a rawn vai lauh lauh chu bye bye let in tukverh chu ka khar a..ka thaw huai mai..

Rangtak chuan room atang chuan ka chhuak a, min-ju nu leh pa te pawh an lo thu kar mai, min hmuh an inbeisei chiah bik lo a niang, an phawk dun em mai

"Hana..i lo leng elaw" min-ju nu in a tih chuan "aw..ka lo muhil daih a, hei a tlai tawh si a, ka va haw tawh ange, mangtha u aw" tihpah chuan kawngkhar lam chu ka pan a, kan thlah ange, min-ju in a tih chuan kan chhuak nghal a

"Engtin nge ni ta" min-ju in a tih chuan "

"Ka la bum tluang zel e" ka ti sam et a..

"Awi..a hriatchhuah hun ah chuan aw, ka khawngaih lawk che"

"Keipawh ka inkhawngaih lutuk Min-ju" tihpah chuan kan inkuah a

"Ka kal ange..ka nu a lo sa lutuk palh ang"

"Awle..fimkhur la, mangtha le"

"Muttui le, chuan ka lawm e" tihpah chuan ka ban ka vai lauh lauh a..

Taxi chu phar dingin kan inlam pan chuan kan tlan leh nghal nal nal a...

Conti...

Ka damlo a, ka khua a sik reng a, zanin pawh dah lo aia ka rawn dah hram hram a, a lo ngaihnawm loh a nih pawhin min lo hrethiam dawn nia, chuan naktuk zan ka awl rih ang aw..ka lu a na lutuk a, phone ka en rei ngam rihlo va..min lo hrethiam hram2 dawn nia🥰