خطيئه اخي (مكتمله)

نهايه سعيده

#خطيئه أخي

البارت ١٩

👑استغفر الله العظيم واتوب إليه 👑

ليندا بتتجاهل باسل لانها يأست منه وانه ممكن يسامح

وانشغلت ببنتها والمطعم ووفاء

.اما باسل استغرب من طريقه تعاملها معاه بتحاول تبعد عنه هو اه حاسس بلخبطه . بس هي قربها منه بيفرحه . حس بخنقه اكتر . من تجاهلها . وانها مبقتش تحاول معاه زي الاول

( رجاله غريبه فعلا 😡😎)

وفي يوم ليندا كانت تعبانه عندها برد جامد وكانت سخنه . وفاء جت شافتها وخدت منها لينا عشان متتعديش منها . ورجعت علي بيتها بعد اما اطمنت عليها واديتها العلاج 💊

باسل كان في رحله ولسه راجع من الشغل .

دخل البيت وحاسس بهدوء وبينادي علي ليندا : ليندا.

ليندا قامت وهي حاسه بدوخه : انا هنا تعال

باسل دخل لغرفتها : ايه ده .. فين لينا ؟

ليندا : ماما وفاء خدتها

باسل اتعصب : يعني ايه خدتها . انا مش قايلك قبل كده اما بغيب عن البيت وارجع لينا تكون موجوده . انتي مبتفهميش

ليندا : افهم بس اصل انا ..

باسل قطعها : انتي ايه وزفت ايه . ما انتي ام مستهتره عادي بنتك تقعد بعيد عنك عشان حضرتك تشتغلي .

ليندا قامت وقفت بتعب وهي حاسه بدوخه وبتقرب منها ومسكت ايده

ليندا : باسل اسمعني بس وانا افهمك

باسل زق ايديها وهي اصلا كانت دايخه من التعب وقعت واتخبطت دماغها في السرير واتعورت

باسل بخوف : ليندا .. ليندا . فوقي

باسل حضنها بخوف وبيحاول يفوقها شالها وطلعها علي السرير وراح جاب برفان فوقها وشربها مياه وبعدين جاب شنطه الاسعافات وعقم الجرح .

باسل : انا اسف اتعصبت عليكي .مش قصدي اوقعك

ليندا : انت ملكش ذنب انا كنت دايخه وتعبانه عشان كده ماما وفاء خدت لينا عشان متتعديش مني

باسل پاسف : حقك عليا . انا غلطان اني مسمعتش منك

ليندا : ولا يهمك خلاص حصل خير .

باسل حس بالذنب راح قعد جنبها وحضنها وهي استغربت منه وابتسمت

باسل : ارتاحي هقوم اعملك حاجه سخنه

ليندا : لا مش عايزه . انا شربت اعشاب وخدت دوا البرد . هنام شويه

باسل : ارتاحي والف سلامه عليكي . غطاها وطفي النور وطبع بوسه علي جبينها ..
هي ابتسمت ليه وغمضت عنيها
خرج بره الاوضه . وهو بيفكر فيها . وحس ان زودها معاها اوي . وقرر انه يغير التعامل معاها .
اتصل بوفاء واطمن علي لينا وطول الليل كان سهران جنب ليندا وهي نايمه
قعد جنبها وحط ايديها علي جبينها كانت دافيه . عملها كمادات وقعد ببتامل فيها .