#خطيئه اخي
بارت ١٤
👑اللهم صل وسلم علي سيدنا محمد 👑
عدي اسبوعين ومفيش جديد الكل بيدور علي ليندا في المستشفيات وفي الاقسام البوليس
والفنادق حتي في المطارات ومفيش فايده
باسل هيتجنن عليها مبقاش ياكل ومش بينزل الشغل والتعب والارهاق باين عليه . صلاح كان بيحمله سبب اختفاء ليندا
عفاف صعبان عليها باسل وهتجنن علي ليندا . وايمان طول الوقت بتعيط والكل خايف يكون حصلها حاجه
ايمان تلفونها رن برقم غريب📲
ايمان : السلام عليكم
ليندا : وعليكم السلام . ازيك يا ايمي
ايمان مش مصدقه نفسها : ليندا . صح
ليندا : اه نسيتي صوتي
ايمان : واحشتيني . كل ده كنت فين . احنا هنتجنن عليكي
ليندا : مش مهم انا فين . انتي واحشتيني وكنت عايزه اسمع صوتك .
ايمان : انتي واحشتيني اكتر . انتي كويسه . هترجعي امتي
ليندا : اه كويسه.و مش هرجع تاني
ايمان : يعني ايه مش هترجعي . انت فين اصلا
ليندا : مش هرجع يعني مش هتشوفني تاني . ومش هقولك علي مكاني
ايمان بتعيط : طمنيني عليكي . مش انا صحبتك وحبيبتك
ليندا : خلاص متعيطيش . انا عايشه مع واحده طيبه اوي . وانا كده مستريحه . سبيني ابعد عن وجع القلب والعذاب اللي كنت فيه
ايمان : عمو صلاح بيدور عليكي . وطنط عفاف بتعيط كل يوم ..وباسل هيتجنن عليكي مش بياكل وله بيروح الشغل وبينزل يدور عليكي في كل مكان
ليندا : مش عايزه اسمع حاجه عنه
ايمان : باسل مظلوم .
ليندا : قولتلك كفايه . وقفلت التلفون . ايمان اتصلت بيها . بس كان الرقم مقفول
ايمان اتصلت بباسل 📲
باسل : ا يمان عامله ايه
ايمان : ليندا كلمتني
باسل بفرحه : بجد . طيب هي كويسه
ايمان : اه قالتلي انها كويسه
باسل : قالتلك هترجع امتي
ايمان : مش هترجع يا باسل
باسل بعصبيه : يعني ايه مش هترجع . هي فين اصلا
ايمان : معرفش يا باسل . كلمتني وحكيت علي الكلام اللي بينها وبين ليندا
باسل بخيبه امل : يعني متعرفيش حتي العنوان 😢
ايمان : انا حكيت علي كل الكلام اللي دار . بس قالتلي ان الست اللي عايشه معاها طيبه .
باسل : ابعتيلي الرقم اللي كلمتك منه
ايمان : حاضر هقفل معاك وابعته
قفلت ايمان وبعتتله رساله بالرقم . واتصلت بصلاح عم ليندا وطمنته عليها وحكيتله علي اللي حصل مع ليندا
أنت تقرأ
خطيئه اخي (مكتمله)
Short Storyتحمل خطيئه اخيه ودافع عنها بكل شجاعه 👇 الطيبون لا يؤذون أحد ... لكنهم يأذون أنفسهم كثيراً وهم لايشعرون
