💜MY IDOL💜( Mizo Version)#complete#

CHAPTER 3

"Tui intur i nei em?" Ka tih chuan "aw kha hei" tihpah chuan a bag atang chuan bottle chu min rawn pe a, ka in nghal kawk kawk a, ka tui in a hal tawh bawk a, ka tui in tawh zawng zawng ah a la tui ber ang..

Tlem chuan ka harh phah deuhin, ka chuah te pawh a zia deuh hawkin ka hria..

"Ihh..thil ka zawt theih che agem?" Inthlahrung tak chuan a rawn ti a

"Aw min zawt ta che, ka chhan theih zwng te a nih chuan" tui in tur min pe bawk a, ka lawmthu sawina a ni mai

"Engtia mahni chuah ah hetah lo kal nge i nih a" a han tih chuan "nangpawh hmeichhia lehnghal engtia mahni chuah ah hetiang ramhnuai pil ril ah awm nge i nih a' tiin ka zawt let a..

"Aaaa..sawi dawn chuan sawi tur a tam mai, a tawi zawngin ka vanduaina a kal tluang a ni e" awlsam zet chuan a ti a "a nih nang engvanga ramhnuai ah awm ve nge i nih" min tih chuan "keipawh i sawi ang deuh kha ni mai, ka vanduaina a kal tluang a nih hi" ka ti ve mai bawk a, ngati nge maw ka chapo deuh thut tak mai le, sawi a harsat loh teh lul nen, a ni lah chu min en chungin a nui suk suk bawk si, ka englai hi nge nuihzathlak viau pawh ka hre lo, mahni lo mahah rilru hah tawh nak laiin...

HANA P.O.V

"Aw lalpa leh!!! Hei hi ka mumang a mi, ka awi thei lo, khawvelah ka mipa duh ber mai, zantin a thlalak en chungah ka dream ziah chu tunah hian ka hma lawkah a thu lehnghal, chubakah tui in tur te min dil, awi ka awi theih lo, ka lawm lutuk chu ka nui deuh reng a, Jimin mak tih hmel pawh chu ka hmu hmaih lo, mak lo ti mai mai teh se, ka dinhmun ah hian ding se chuan ka awmdan ang hian a awm ve tho ang..a nuam e, awi ka mumang a ni hrim², a ruk chuan ka han insik chhin a, a na reuh zek lehnghal, chumi awmzia chu mumang a ni lo tihna..

Min-ju ka van hrilh chak tawh tak, mak a ti hmel tur mawlh hi ka hmu chak..mahse min awi angem aw,e tihdan tha deuh ka hria, a awi ngei² na turin..

"Thla ka lo lakpui che" ka tih chuan mak min ti hmel rap

"Engtin a!!"

"Selfie zuai ila" nui suk pah chuan ka han ti leh a

"I a deuh a mi, helaiah rilru hah reng reng in ka awm a, engtin nge kawngpui kan hmuh theih ang tih ngaihtuah laiin, nangin selfie i duh a maw?? I rilru a hah ve miah lo a mi" min tih chuan ka ngei ve tep a ni..

Ka rilru hah tur ang zawng zawng chu a hah zo vek tawh..bakah rilru hah deuhah awm te chu ka type a ni ve lo, engmah hlawkna leh sawtna awm chuang lo, zing khua a var phawt lo te chuan engmah tihtheih kan nei chuang hek lo..

"Khua a var phawt lo te chuan tih tur vak a awm hleinem, rilru hah reng reng ah thut reng ka peih hleinem" ka tih chuan a min ti hmel rap...

"I chiang zan lo a mi" a tih chuan "nge maw thlalak mai mai pawh chu i laknat viau a" ka ti let a

"Ka la na pawh a ni hran lo, a hun lo em a tin ni" a tih chuan "hun lo pawh a awm hran hleinem, helai ah ka hmu thut che a, ka lawm em a, ka thiante hmuh ve ka chak a" ka tih chuan

"A teuh lo, nangnen ramhnuai ah kan awmdun thu hi khawiah mah i sawi chhuak tur a ni lo, a thawi pawn, i hrethiam em" a tih chuan ka ner nasa mai.

"Inla reuh hle mai"

"Maw" a rawn tih chuan ka lo sawi chhuak tih ka hre chiah...

"Ngaithla teh, chutin thlalak pui ka chak em em hran bik lo che nia aw" ka tih chuan "a that hlauh chu" tihbak in min chhang lo..ka van ngei reuh tak, pawi lo a rukin ka laksak tho tho ang, nakinah blackmail nan pawn a tha ang, ka thil ngaihtuah avang chuan ka nui suk suk a, Jimin erawh in mawl min tih hmel viau thung..a ner sawk ringawt..