#خطيئه اخي
البارت ٦
👑استغفر الله العظيم واتوب اليه👑
باسل رجع بيته وهو حاسس ان ضميره ارتاح . لازم يكمل ويحاول يعوض ليندا عن خطيئه اخوه . وقرر انه هيفضل معاها لحد اما تكون كويسه ويطمن عليها كلم عادل صاحبه
باسل : الو عادل عامل ايه
عادل : الحمد لله . انت عامل ايه
باسل : الحمد لله . معلش اتصلت بيك في وقت متاخر
عادل: ولا يهمك انا سهران
باسل : عايز اسالك علي دكتوره نفسي
عادل : انت مش سالتني وقولتلك علي دكتور
باسل : ليندا هتتكسف تتكلم مع راجل . فاكيد مع ست مش هتتحرج
عادل : اخوك اتجوزها زي ما قولتلي
باسل :لا ً انا اللي اتجوزتها
عادل : انت ذنبك ايه . اخوك مفروض يتعاقب علي اللي عمله
باسل : هرب يا عادل. كان لازم اتجوزها كنت حاسس بتأنيب ضمير كل اما فكر فيها . حاسس بمسؤوليه اتجهاها
عادل : مسؤوليه ايه . انت ملكش ذنب
باسل : انا هفضل جنبها لحد اما تقف علي رجليها وتنسي تماما اللي حصل .
عادل : وده اسمه ايه يا باسل . انت هتتجوزها وتكمل حياتك معاها
باسل :انا بعتبرها زي اختي الصغيره . ولازم احميها
عادل : مش عارف ارد عليك بايه . بس كفايه جدعنتك ووقفتك معاها . انا هبعتلك في رساله عنوان دكتوره كويسه
باسل : شكرا يا عادل . سلام
قفل باسل التلفون وغير هدومه ونام
الصبح طلع وباسل قام فطر وخد شاور ولبس ونزل . راح لسمسار يشوفله شقه
وفضل يلف معاه وعجبته شقه جاهزه اجرها . كان فاضل بس العفش . راح علي محل اثاث واختار اوضتين نوم وسفره وصالون . دفع حسابهم و قال لصاحب المحل يجيب عربيات وينقلهم للشقه . عشان فاضيه وفعلا في ساعتين كان الاثاث في الشقه الجديده
باسل اطمن ورجع شقته القديمه خد هدومه وحجاته وقفلها
ونقلهم للشقه الجديده .
وبعدين خد عنوان الدكتوره النفسيه ورحلها واسمها (سلوي النجار )
باسل : انا حاجز بالتلفون معاد . ممكن ادخل
الممرضه : اتفضل الدكتوره جوه
دخل باسل وقعد وهو متوتر
دكتوره سلوي : متوتر كده ليه . احكي اللي انت عايزه وانا هسمعك
باسل حكالها علي اللي اخوه عمله في ليندا. وجوزه منها عشان ينقذ سمعتها وكل حاجه
سلوي بعد اما خلص كلام : وانت جي تسالني اللي عملته صح وله غلط
باسل بصلها : لا . انا جي عشان ليندا بحكيلك . عشان هجبها لانها شكلها مقهور
أنت تقرأ
خطيئه اخي (مكتمله)
Short Storyتحمل خطيئه اخيه ودافع عنها بكل شجاعه 👇 الطيبون لا يؤذون أحد ... لكنهم يأذون أنفسهم كثيراً وهم لايشعرون
