خطيئه اخي (مكتمله)

حمايه

#خطيئه اخي

البارت ٤

👑سبحان الله والحمد لله ولا اله الا الله 👑

باسل وباسم رجعو بيتهم .

باسل : ادخل نام . عشان نصحي نروح نجيب الماذؤن ونروح بيت ليندا

باسم : حاضر

دخل باسل علي اوضه نومه وهو هلكان رمي نفسه علي السرير . بيحاول يغمض عينه مش عارف . بيفكر في اللي حصل . هو ده صح انه يجوز ليندا من اخوه بعد اللي عمله . وازي اصلا اخوه يعمل كده . ممكن يكون بيحبها . وله انتقام . شكل حياتهم هتكون ازاي مع بعض

عند باسم دخل اوضته وشايف السرير كله دم ومكان المحلول و اللي حصل بيمر قصاد عينه . حاسس بالذنب وندم علي اللي عمله . تلفونه رن وكان ياسر

ياسر : الو يا باسم . اخبارك ايه

باسم : مخنوق . ومش طايق نفسي

ياسر : ليه بس مش انت عملت اللي انت عايزه وكسرت البت . مضايق ليه

باسم : انت مشفوتش باسل عمل فيا ايه . وله ابوها

ياسر : ابوها . انت روحت شقتهم

باسم : اه . باسل رجعها بيتها وبكره هروح اكتب الكتاب عليها

ياسر : انت عبيط . لا طبعا متتجوزهاش . امشي من البيت يومين كده . لحد اما اخوك يهدا وارجع . هي اللي غلطانه

باسم : هو باسل هيسبني ده هددني انه هيطردني من البيت

ياسر : اسمع مني . انت خود اي فلوس من ورا اخوك وتعال نسافر يومين . الجو يهدا ونرجع تاني . بلا جواز بلا قرف

باسم : وليندا ده ابوها هيموتها

ياسر : ما تموت.  واحنا مالنا.  يلا بس انا هستناك . هات هدومك وشنطتك . ورن عليا

باسم قفل مع ياسر وقعد يفكر في كلامه . هو لو اتجوزها حياته معاها هتكون عذاب .
مش بعيد تقتله وليه لا . كانت هتضربه بالسكينه واخوه هو اللي منعها .
بعد تفكير طويل باسم . قام لم هدومه وحطها في شنطه واتسحب بالراحه علي اوضه اخوه

باسل  نام من كتر التعب .. وباسم دخل عليه بالراحه
خد مفاتيجه وفتح الدولاب وخد  الفلوس اللي كان باسل شايلها  في البيت لاي ظروف

وخد شنطته ونزل علي العربيه اتصل بياسر وعدي عليه وسافرو ( جبان وشيطان )

وفي النهار صحي باسل من النوم و راح علي اوضه باسم يصحيه .
اتصدم انه مش موجود رجع خد تلفونه واتصل بيه مره ورا مره والتاني تلفونه مقفول
. رجع لاوضه وبيفكر يكون راح فين ولاحظ ان الدولاب مفتوح والفلوس مش موجوده
.
باسل مصدوم معقول اخوه سرق الفلوس وهرب . ليه يعمل كده . ده ضحي بكتير عشانه متجوزش اللي بيحبها و كان عايش عشان ينفذ طلباته وبس .😥😥