#زواج_مجهول
الحلقه السابعه
محمد: في ظرف في دار جيبيه
انا: حاضر....هدا؟!
محمد: ايه ,,هه تعرفي الضرف هدا شن فيه😏😎
انا وقلبي يدق بقوة: لا😨
محمد مدهولها: افتحي و شوفيه بروحك ,,,لان يهمك و يهمنا
انا فتحت ضرف و قعدت نقرا نصدمة😳💔
محمد: خيرك نصدمتي
انا: هههه قصدك بنسافرو لي باااريس ..ييي واخيراااا
محمد ضحك: اي بنسافرو
انا نضت و حضنته بدون وعي: يسلمووو بجد ياحمادي 💕🙈
محمد حط ايديه على خصرها: ههه فرحانه؟!؟!
انا: اهاا واااجد ..ههه نحساب انك رفضت لان شغلك هلباا
محمد: لالالا بس الفترة هادي كلها ضغوطات عليك .هزبتك و اهنتك
انا بعدت: بس فرحانه توا ,,, ونعرف هدا كله صار منغير قصد
محمد: معناها ابدي وتي الحاجات لان بعد اسبوع سفرتنا 😉☺
انا ابتسمة و طلعت من المطبخ: به توا نبدا نوتي ..بس بنحظرو حفله خطبة نرجس قبل صح؟!
محمد: ايه اكيد
انا: به تمام
محمد: بس كلمة حمادي طالعه من فمك سمحه بكل❤
انا بخجل: امم شكرا
محمد: العفو ولو .. خودي الملفات هادو قبل تمام وديري بالك فيهم اوراق بيطيحو
انا: حاضر
خشيت لدار واني فرحانه بكللل..بس في نفس الوقت قلبي مش مرتاح قطع تفكيري اتصال رحمه
رحمه: الو!
انا: اهلين رحومة
رحمه: شن جوك ..سامحيني كان ازعجتك
انا: ولو حبيبتي عادي💋
رحمه: نجك ليا وخلاص
انا: كيف حال البنات و ايمن ؟!
رحمه: الحمدلله تسلمي ..خطرها بنقولك ع خطبة نرجس
انا: قصدك ان نوتو الحاجات ,,, اني حاجاته جابتهم عندي نغلف بشاش و نزينهم و نجيبهم؟!شن رايك؟!
رحمه: تمام بكل..اني تامي متعبتني بكل و ضروري ندير سلايط
انا: توا نحكي محمد يجيبها عندي وتيلها ساكوها
رحمه: لالا عروسة شهر نجيبلك بنتي لالالا بناخدها عند اهلي
انا: ولله نزعل منك وااجد خليها عندي ..على الاقل تلعب براحتها و نهتم بيها
رحمه: ولله متحشمة منك😧😧
انا: نحنا خيات عادي ...وتامي بنوتي راه
رحمه: هههه نجك ليا
محمد: نور
انا فتحت دار: نعم..؟!
محمد: حسبتك مشغولة او رقدتي
انا: لالا كنت نحكي مع رحمه .بدير حاجات للحفلة و قلتلها تجيبلي تامي خير ماتتبهدل معاهاا البنت
محمد: اهااا باهي كويس بس مش مفروض يعني انتي....
انا: عروسة ,, عادي اصلا ع الورق بس يعني لا بنضايقو ولا بتقلق راحتنا😊
محمد: اهاا صار هكي؟!
انا: اي
محمد: به تم..اني طالع ندخن برا
انا: اوگ
طلع محمد و خلاني نظم في الحوش كالعاده لان هادي الحاجه الوحيده الي نفش غلي فيها💔💔
انا طلعت للحديقه و بديت نسقي في الزر
محمد: بست ياعصبيه
انا قرنت حواجبي: 😏😑
محمد: ياقزمة بسسست
انا: نعم خير ...؟!!!
محمد: تعالي بس نقولك
انا: نعم
محمد خدي الطوبو منها ويرش عليها في المية
انا: لاااااا حرام عليك علاش هكي
محمد: هههههه
انا: توا تشوف..ها تفضلللل
محمد: تي ...الزح كيف مدوش
انا طلعت لساني: تستاهل
محمد شدها من خصرها و رفعها: هههه توا مع بعض ..نفس الانتقام
انا: ههههههههههه
أنت تقرأ
زواج مجهول (روايات ليبية )
Romanceرواية ليبية تحكي علي زواج قائم علي طرف واحد و الآخر مجهول ؟ كيف و أين و لماذا ؟ هذا ما سنعرفه في الرواية ؟ رواية من داخل المجتمع الليبي ؟
