#زواج_مجهول
الحلقه التانيةة
باابا: البنت صار لي حفيدك شن تبي اكتر..تقريبا هكي كانه دفعت ثمن سلاح
جدهم: صح بس مزال..؟؛
بابا: شني هوا؟!
جدهم: الموضوع مش توا بينفتح لاكن ان شاءلله بنحكو في الموضوع😉
بابا: ان شاءلله
جدهم: اني نستاذن توا
بابا: اشرب شاهي قبل
جدهم: لالا..يلا سلام
بابا: سلامات
صاحبه: من هدا الي جانه للورشه ؟!!
بابا: اي هدا الي حكيتلك عليه..الي خديت منه سلام و الفلوس
صاحبه: اهاا هوا نفسه من عيلة ال@$$&-
بابا: ايوا بزبط
صاحبه: بس تعرف كيف درت هكي
بابا: ياراجل هادو عيلة احسن منا و يقدر يدير اي شي
صاحبه: غريبة؟؟!به كيف فاتك و قعدت نحكي معاك عادي
بابا: ااءء لالا عادي..خليني نكملو شغلنا قريب بتسكر الورشة
صاحبه: به
&&&&&&&
محمد يمسح ع شعره: مش عارفه نا كيف ندير
لؤي: الكلمة الاولة و الاخيرة لي جدك
محمد: تي يارا رجاله نحنا..كل شي جدي به و نحنا؟؟؟!
لؤي: به وانت تعرف كوويس ان الي صار انت بروحك مش فاهم شي
محمد: اي هدا الي قاهرني.والبنت الي معاي..هه ورانيا؟؟؟!
لؤي: ماتنساش انك قاعد تكلم فيها
محمد: اكيد عارف
لؤي: مرتك تعرف؟!
محمد: لا لاكن سيورها تعرف..خليني نتوكل احسن..ولله مخنوق و داره كبدي بكلل
لؤي: تم
محمد: توا نكلمك لما نتلاقو
لؤي: ان شاءلله تمام
محمد: منور يابرو
لؤي: بوجودك ياطيري
&&&&&&&
انا: اوف مليييت برووحي..نحكي مع اختي فاتن احسن
خديت فوني و اتصلت
فاتن: الو
انا: ايوا 😍ناعليا مرايفه عليككك
فاتن: شن جوك ياعيوني
انا: تمام ياسمحه وانتي
فاتن: تمام كويسه
انا: شن جو هومي و راجلك
فاتن: ولله تمام امس ابراهيم حرارته ارتفعت
انا: وين خديتيه وشن صار
فاتن: لالا كويس توا بهلباااا
انا: باهي الحمدلله...ماما كيف حالهاا ضغطها كويس
فاتن: اي حبيبتي اصلا جيت عندها اليوم 😚😊
انا: ريحتيني
فاتن: انتي كيفك تمام.مرتاحه؟!!
انا: ااء اهاا اي اي الحمدلله ^^
فاتن: نجك ليا ياربي 😘
انا: بنسكر توا..سلميلي ع ماما و بوسيلي برهومي
فاتن: ان شاءلله..سلام
انا: سلامات
انا تنهدت: ياريت قاعده معاهم.اووف عليش بس درت هكي فيا يابابا
محمد درست السيارة و نزلت الحاجات معاي و خشيت للحوش
انا: لاااااااا
محمد: علاش
انا: شوف كندرتك واني لاهيا نضف..توا تقعد ملبزة
محمد: هههه باهي علاش تعيطي؟!😌عادي حتى لو خشيت
انا:نعم؟!
محمد: يعني نظفي مرة تانيه
انا حطيت ايديا عليه ندف فيه: لالا ماتفكرش اطلع احسن.او بدل الكندره
محمد: خش و ماعدلش عليها
انا: مستفز و مغرور 😒😑
محمد: جبت شن ناقص..وغذي من برا
انا: اهاا كويس
محمد قعمز ع كرسي الي في المطبخ: علاش كل جيهة تعاودي فيها
انا: انت علاش تحب تقيد احوال الناس
محمد: اووو لسانك يطول كل يوم ياطشه
انا: ها ها ها
محمد: ههههه..تشربي قهوة
انا: لاا
محمد: اها به تم
انا قعدت نشوفله
محمد: شن؟؟؟!
انا: اءء لا شي ..بس فونك يرن
محمد: اء اي شفته ☺مانبيش نرد.هدا ايمن اكيد شور الشغل
انا: به تمام
أنت تقرأ
زواج مجهول (روايات ليبية )
Romanceرواية ليبية تحكي علي زواج قائم علي طرف واحد و الآخر مجهول ؟ كيف و أين و لماذا ؟ هذا ما سنعرفه في الرواية ؟ رواية من داخل المجتمع الليبي ؟
