#بصمة_عار
مقتبسة من حقيقه..
الحلقه11ماقبل الاخيرة
ناضت بدلة لبستها و وسيم طلع كانت حلوة كانت نازكه هلبا دارت مكياج خفيف لبسة عبايتها سمعت صوت الباب
يقين ابتسمة:ي عمري اكيد استناني هلباا
فتحت الباب
يقين شهقت: مش ع اساس طلعت
وسيم ضحك: لا قاعد في سيارة..واتيه
يقين: ايه واتيه
وسيم: الي في فمك امسحيه😑
يقين: علاش
وسيم: امسحي وهيا
يقين تنهدت: به حاضر
___________________________
ومررر شهرين وصلت ورقة طلاق بيلسان وبدت في العدة طلاق
#reem.mh
ازهار تجري وتوتي لي خطوبتها وفرحااانه بطير رغم جو الحوش بس طاهر اصر يكملو كل شي
ازهار: مش عارفه شن نلبس؟
بيلسان: هدا يطلع حلو عليك .وبعدين غيري الي جابوها
ازهار جت جنبها: الحق كنت مانبيش هدا يصير
بيلسان: تعرفي نحب حنيتنا على بعض لاكن ماتحطيش بالك معاي
ازهار: لاكن...
بيلسان: ماتخافيش نكمل لعدة طلاق ونلحق عليك😂
ازهار: هههههه نوضي خلي نوتو ياحنه
نعيمة: روحتي
ازهار: اي
نعيمة: صلاة على نبي عليك
ازهار ابتسمة بخجل: سلمك .خلي نكمل مع البنات
نعيمة: اختك تعاونهم ..معاش فيه وقت يادوب تتغدو وتغسلو لماعين ويجوكم
ازهار: اهو من توا تسكتي عماتي خير ماتعرفي شن يصير
بيلسان ضحكت
نعيمة: باهي غير لسانك ماطوليش فيكنا من بوك و مشاكل
ازهار: به اصلا راااايقه😍😂
نعيمة: به😑
طلعت نعيمة مع خواتها وحمواتها يوتو في الحار و الحلو و يجهزو في ضيافه كلها
ازهار مكيجوها مكياج حلو وخفيف وقفطان اورق ملكي نازل كان طالع عليها
نزار مابطلش رسايل حب وغرام لي ازهار كان عاشقها و يبيها بنية صافيه
امه:مبروك عليكم
ازهار: الله يبارك فيك
امه:, مشاءلله عليك ربي يهنيكم ويفرحكم
ازهار: سلمك يارب
امه: نعيمة بنستاذن من رجالتكم يخش يلبسها
نعيمة: اءء ايه خلي نسأل بوها وخوها
امه: اي خودو راحتكم عادي
بيلسان،: صاحباتك يبوك ^^
ازهار: به حاضر
#reem.mh
نزار يعيط: ريدي ياريدي ووووي
حمزة بملل: ربي يشفيك
نزار يغني ويشوفله: وفي القلب مكانك ياريدي
حمزة: را تخش في الحيط ناس يستنو
نزار: يحليلي من الي مايبيش يشوف مرته
حمزة: طليقتي واني اخر همي هيا ..وطفي نم هدت خير مانكسره
نزار: خيرك عدو المناسبات عدو ناس تافهة انسان جامد انت..
حمزة: انزل وصلنااا وسكر فمك وريحنا
نزار: منور لاكن مش حانرد ع خاطر حبيبتي
حمزة: دخل في مواضيع في بعض
نزار ضحك ونزل سلم على طارق و عمامه و طاهر و باقي العيلة كانو متقبلين وجود حمزة عادي
نزار: طارق على راحتكم
طارق: لا خش انت من العيلة توا
نزار ابتسم وخش يدور بعيونه على ازهار
أنت تقرأ
بصمة عار 18+ ( روايات ليبية )
Romanceعندما تكون بصمة عائق بين طرفين تجمعهم علاقة حب كبيرة ؟ فما مصير حبهم ؟ رواية عاطفية ليبية ؟ ( حقيقية 100% )
