💜
#بصمة_عار
حقيقة...💯✔
الحلقه5
بيلسان ضحكت: كلمته من قبل ماتقوليلي
ازهار: توا قلتيلي😒
بيلسان: كنت مترددة بس المهم حصلته
ازهار: ضحكت
اطلعي بوك ينادي اشبح شن يبي
طلعت بيلسان لي بوها لقت امها سابقتها
بوها: بنتي بو الشاب الي جابوك معاه عطي فيك كلمة
بيلسان عقدة حواجبها: كيف يعني
بوها: يابنتي كلام ناس كثر وخوف عليك وعلى اختك وافقنا
بيلسان: اءء ءاا كيف يعني؟!
بوها: فوزي بوه .شاب اسمه حمزة ..جاني لخدمتي تفاهمنا وتوا رجع للحوش وعطيت كلمتي لي راجل
امها: وبنتك؟
بوها قرب منها وحط ايديه عليها: اني نعرفك شنو..بس هادي لمصلحتك و مصلحة اختك ..وخوك اصر نوافقو
بيلسان دموعها نزلو ومنزلة راسها وتفكر في عبدو
بوها: غدوة تستقبلو ناس و اسبوع يكون كل شي واتي للعرس
امها: شنو تقول يا حاج ؟!
بوها: اني نعرف كلامي..مش ضد بنتي بس ناس وكلامها بيزيد حالتها اكتر
امها:بيلسان صعب توافق
بوها: الكلمة وصلتنا ..ولدك حارق دمه عليها وعليه وتعرفيه كويس
__________________________
مررر اليوم عادي وقت حطو راسهم على المخده وكل حد يفكر في حاجه
ماما: صباح الخير
يقين: صباح الورد ..مش راقده كويس انتي؟
ماما: اي عندي طلبية امس سهرانة عليها
يقين: فيلو والا قفطان
ماما: لالا قفطان لاكن كبير ويبي خدمه مع الفجر كملته
يقين: اسفه على الي قلته امس
ماما ابتسمة: ماتفكريش لا تحطي في بالك.خيطلك قفطانين و جيم سوت شوفيهم
يقين: حاضر توا نشوفهم
ماما:امشي وغيري جوك وهيا صاحبتك من صغركم متربيين مع بعض
يقين تنهدت:بس قهرتني من كلامها بنمشي على شنو؟
ماما: معلش كلامها هكي ومغرورة
يقين: ع خاطرك بنمشي
ماما: اني بنمشي لي خدمتي ونعطيهم القفطان
يقين: من بياخدك
ماما: على رجليا قريب😊
يقين: به مابين وتيت حاجاتي وشريتلها هديتها
ماما: ردي بالك على روحك بس
طلعت ماما واني ضميت الحوش غسلت لماعين .طلعت شريتلها هدية كان طاقم بسيط بس حلو💜
درت دوش و نختار شن نلبس و بعدها بديت في شعري
يقين: وسيم ماتصلش؟اووف اكيد يحساب انه ماعنديش خلوق ليه
خديت الهاتف واتصلت مرة اثنين تلاته ماردش
ماما: شن مدايرة كملتي ؟
يقين: جيتي..لالا مزال شوية مكياج و شن نلبس
ماما: كليتي حاجه؟
يقين: مش جعانه..ماما اءء ا ماشفتيش عمتي ليلى (ام وسيم)
ماما: لا تعرفيه في خدمتها وزيادة عيد ميلاد كل شي عليها مسكينه
يقين ذكرت الموقف: اهاا صح
#reem.mh
وسيم يدخن؛ مش فاهمة ان نحبها
صاحبه: شوف كيف دير!
وسيم: اليوم عيلة ال@$&-' عندهم عيد ميلاد
صاحبه يفتح في سيارة: به
وسيم: تعرف عارهم وهيا بتكون موجودة ومناسباتهم مخلطه مع اولاد عيلة رغد
صاحبه: قوللها .انك تحبها و تبيها
وسيم: يقين مش مستعدة تعيش مع واحد زيني فهمت توا
صاحبه: هكي اسمها وقاحه
وسيم رفع حاجبه: ماتقولش عليها شي
صاحبة: مفروض طلبت منك تاخدها ؟😒
وسيم: عادي ..وهيا اتصلت لاكن اني مارديتش عليها
صاحبه: نقولك حاجه تكمل خدمة الورشة وامشي
وسيم:مافهمتش
صاحبه: حافظك حفظ وعارفك تبي تشوفها..كمل لزبون سيارته وامشي شن رايك؟
وسيم يشوفله ويفكر في كلامه
صاحبه: اني شوية وجايك نوصل امي لي عيادتها لاكن لو عطلت سكر واطلع مادور شي
وسيم: منور ياطيري
صاحبه: ههه في الافراح ردها
وسيم: هههههه انشالله
أنت تقرأ
بصمة عار 18+ ( روايات ليبية )
Romanceعندما تكون بصمة عائق بين طرفين تجمعهم علاقة حب كبيرة ؟ فما مصير حبهم ؟ رواية عاطفية ليبية ؟ ( حقيقية 100% )
