#بصمة_عار
حقيقية ..✔💯
الحلقه الرابعة
بعد مرور يوم
وسيم: اهو بروحنا شن فيه
يقين مرتبكة: اءء بصراحة فيه حاجه صايرة ونبي نقولك
وسيم: به قولي
يقين: وسيم
وسيم ضحك: شكله الموضوع قوي
يقين:لا غير يخص سيد خالد
وسيم : باهي نم فهمنا
يقين: يعني مفروض يخف عليك شوي مش كله خدمة ليك بس
وسيم: توا من بكري تقولي موضوع في الاخير يطلع الكلام هدا؟ ..شن تشوفي فيا
يقين: اهو نقولك.اني مانبيش انك تقعد توصل فيا منغير ماتاخد حق توصيل
وسيم: واني قتلك مانبيش يقين سكري على الموضوع خدمتي الحمدلله ساتر بيها
يقين:, لاكن..
وسيم: قلنا سكري على ام الموضوع ..انتي تبي حاجه ناقصاتك حاجه؟
يقين: لالا
وسيم: معاش تفكري في شي..وشعرات اهما معاش تبينيهم
يقين: اووف به ..هيي توا تعطل على الخدمة متعك
وسيم: لا عادي💜
يقين: لا شنو عادي هادي ..خلي نروحو
وسيم قرب منها ويركز في عيونها
يقين بلعة ريقها بارتباك
وسيم: نمشو؟
يقين: اءءء ء اي اي
ندمة اكتر ان ماتكلمتش وياريت قلتله لاكن مانبيش نفرق بينهم ونخليه يكره امه مهما يكون
____________________________
بيلسان: خيرك مستعجلة
ازهار: المربوعة معبية
بيلسان: به
ازهار: ماتعدليش طز فيهم..انتي ماعندكش ذنب في شي
بيلسان: مجتمعنا مايرحمش حانقعد عار عليكم وعلى سمعتكم
ازهار:شنو الكلام هدا !..اتبثيلهم انك قوية و انك مش غالطه
بيلسان تنهدت: به خلي نطلع ونجي نضيف معاك
ازهار: تمام
بيلسان:, ازهار
ازهار: نعم!
بيلسان: ماسمعتيهمش قالو شي..يعني موضوع الكشف
ازهار: لالا
بيلسان نزلة راسها: به تمام
ازهار ابتسمة وطلعت لي للمطبخ توتي في الحاجات
كان كلام الناس وين كانت واكيد مش بنت..وهربت مع حبيبها و و و...
عمتها: الحمدلله على سلامتك
بيلسان: الله يسلمك
عمتها: خيرك مش راعشه بكل..اللطف ياربي
نعيمة:, لينا فترة نغيرولها جوها الي صار مش شوي
جارتهم:, باهي تعرف يعني شافتهم
نعيمة: ماتعرفهمش مزال يدورو عليهم
جارتهم:اهاا
عمتها: باهي وهيا حالتها احسن ..درتولها كشف ؟!
نعيمة: اني نعرف بنتي مادس عليا شي
عمتها لوت بوزها: باهي
#reem.mh
بيلسان خشت للمطبخ وتبكي: لي امتا بس بنسمع الكلام هدا
ازهار سخفتها اختها: عمتك تعرفيها من يوم يومها حاقدة علينا
بيلسان: سمعت صالة متع صالون كلها .مافيش كلمة ماقالتهاش
ازهار: فوتيها .لو بتحطي في بالك بتمرضي ولله
بيلسان: شنو ندير
ازهار: كملي حياتك عادي اخدمي واطلعي ماتعدليش على حد وكلامهم في الهواء
بيلسان: انتي ناسية كلام خوك
ازهار: اكيد بيقول هكي بس هوا مصدقك من قلبه...لان حسبي الله ونعم الوكيل في ناس الي يزيدو في الكلام
بيلسان: حسبي الله ونعم الوكيل
ازهار: هيا سقي روحك ياحنه توا ماما تعصب..ييي نسيت لازم نطلع
بيلسان: علاش!
ازهار: نقصت ضيافة شكلاتة ..اسمعي نقول لي ماما قبل
بيلسان: خليك كلمي طارق
ازهار: لالا توا يقعد يطنفر عليا ..توا نجي
بيلسان: به
أنت تقرأ
بصمة عار 18+ ( روايات ليبية )
Romanceعندما تكون بصمة عائق بين طرفين تجمعهم علاقة حب كبيرة ؟ فما مصير حبهم ؟ رواية عاطفية ليبية ؟ ( حقيقية 100% )
