خطيئه اخي (مكتمله)

اغتصاب

#خطيئه اخي. روايه جديده🔰

بارت١

👑سبحان الله وبحمده .. سبحان الله العظيم👑

باسم احمد السناوي ٢١سنه طالب في اخر سنه كليه تجاره مستهتر وبيحب البنات وخاربها .. كل يوم مع بنت شكل .

ليندا محمود حسين .. ٢١سنه طالبه في اخر سنه كليه تجاره جد جدافي التعامل مع الولاد والبنات .. معندهاش غير صاحبه واحده اسمها ايمان ..ليندا مامتها وباباها متوفين وعمها هو اللي متولي تربيتها

ايمان حسنين محمد : ٢١ سنه صديقه ليندا الوحيده . جد زيها في التعامل وبير اسرار ليندا

ياسر علي محمود ٢١ سنه انتيم باسم وعلي طول معاه في اي حاجه شمال

باسم قاعد مع شليته في كافتيريا الجامعه وبيضحك ومعه بنات. وولاد .
ياسر : بتبص علي ايه يا باسم
باسم : البت دي اسمها ايه .. وشاور عليها
ياسر : دي اسمها ليندا . بس بت قفل كده . شاويش
باسم ضحك: محدش يقدر يبقي شاويش معايا
ياسر : انسي يا معلم انا حاولت معاها كذا مره قبل كده . وهي حايطه سد
باسم : انت غيري . رهان
ياسر : رهان .. بقلب جامد كمان ان البنت دي هتنفضك
باسم : اشطه علي سهره في مكان اللي يعجبني ويعجبك
ياسر : بيس يا زميلي . وريني حلاوتك

باسم قام وعينيه كلها تصميم علي الشر . وراح عند المكان اللي ليندا وايمان قاعدين فيه

باسم : احم . اهلا يا ليندا
ليندا بصت لايمان وبعدين بصتله: اهلا
باسم قعد علي الكرسي : بصي انا اسمي باسم لو متعرفيش وزميلك في تجاره .. ممكن اخد منك المحاضره بتاعت انهارده علشان لسه واصل الجامعه
ليندا : اتفضل قوم يلا مينفعش تقعد معانا .
باسم: ليه بقي
ليندا : انا مبكلمش ولاد . وبعدين انت سمعتك مش كويسه . فقوم عشان انا مش بحب حد يتكلم عليا

باسم اتغاظ منها : علي العموم شكرا . بس انتي غير اي حد . سلام
مشي باسم وهو مضايق مفعول سحره مش جايب معاها نتيجه ازاي . كل البنات بيتمنو يبصلهم مش يكلمهم . ودي مين اللي تقف قصاده . لا وكمان تكسفه

ايمان : ليه كده بس . كنتي اديله المحاضره ثواب ..
ليندا : ثواب ايه هو ده ينفع معاه ثواب . وبعدين من امتي وهو بيزاكر . ده فاشل
ايمان : معرفش . يلا نقوم نلحق المحاضره

ليندا وايمان حضرو المحاضره وخلصو وبعدين رجعو علي البيت

في بيت ايمان
مامت ايمان : بت يا ايمان يلا نضفي الشقه جايلنا ضيوف
ايمان : مين يا ماما
مامت ايمان : حسين ابن خالتك وامه وابوه
ايمان بفرحه : حسين جي
مامت ايمان : ايوه بطلي رغي

دخلت ايمان بسرعه علي اوضتها واتصلت بليندا وقالتلها ان حسين هيجي انهارده
ليندا : اكيد جي يتقدملك . بصي انتي ظبطي نفسك كده . عايزاكي تبقي قمر ١٤ انهارده . وكلميني اول اما يمشي
ايمان: اكيد هكلمك . سلام يا لي