المخلص "باللهجة العراقية "

البارت الثاني

-رجعت لمكاني وراسي احس باي لحظه راح ينفجر
من البجي من القلق من اصواتهم الي توتر من شكولاتهم القذره تعبت من كل شيء هنا تعبت..

-عيني على مكانها فارغ هاي النا كم شهر سوه اليوم
احس اخذوا جزء مني جزء تعلمت على وجوده زمرد
شاركتني اتعس ايام حياتي شلون راح اصبر على فركاها شلون راح اقنع عقلي يوكف تفكير من كل الافكار السوده الي غزته..

-ورجعت لعادتي اسبح باصابعي احس من بين كل القذاره الي احنا بيها ومن بين خنكه النفس هالشيء صار المنفس الوحيد الي يخلي عندي امل وهو انو
اردد.. اللهم اني مسني الضر وانت ارحم الراحمين..

-ارددها بالم وامل
ارددها باصعب ضرف
ارددها بكل وقت
ارددها ومره احس بوجود امي وياي ومره احس رب
العالمين حاشا انو يرد دعوه مظلوم وهيج اصبر روحي
بوسط هالوحوش..

زمرد..

-يكولون اهلنا المتعوب يضل طول عمره متعوب..

-وهاي اني الي عمري ما يتجاوز ال 19 سنه اليوم
اكولكم عشت هالكلام حرفيا التعب جان مرافقني وعبالك ضلي ما اتذكر بيوم ارتاحيت ولا اتذكر شوكت
حسيت اني انثى واكو من يرعاها ويخفف عنها تعب
هاي الحياة..

-من طفولتي الى ان اجه اتعس يوم الي صرت بي بين
ادين اقذر بشر
لمساتهم
كلامهم
اشكالهم
ريحتهم القذره
اسلوبهم
مناهجهم
هتافاتهم
ما راح تفاركنا طول عمرنا ولا راح ننسى هاي
الايام الصعبه..

-من شالني الجندي هنا انتهت مقاومتي ضخم واني
تعبت من المقاومه نزلت دموعي شايفين بشر ينكسر
خاطره على روحه هيج اني بهاي اللحظات و الشيء
الي يكرهك بروحك من تصير من ايد لايد ومن واحد
لواحد..

-دخلنا بغرفه تخنك وبس البنكه تفتر بيها بحيث الاصوات توتر ذبني والواحد وده يركع راسه بالحايط .. ك**** حجاها وذب الشماغ الي على وجهه ويتلمس بخده.. جلب انتي؟!..

-محد جلب غيرك شنو نطوك وهيج بعت كاعك وعرضك..

-**** امج وابوج ادبسز كلمه ثانيه ادفنج هنا.. ودفرني بقوه صرخت متوجعه وهو طلع وقفل الباب..

-اباوع لرجلي حمره من كسر لرجلك الخاين والله اجدي
وما بيع كاعي بس حرامات هو وامثاله يتسمون عراقيين وعايشين بخير هالبلد الي اغلبها تاكل من خيره وتخون بي..

-كمت افتريت بالغرفه ماكو بيها شيء غير بس جربايه ام النفر وحمام ريحته قذره وصغير ما اعرف شلون متحمل هاي القذاره رجعت مددت وكورت نفسي اتمنى تغمض عيني وبعد ما افتحها ولا اشوف الي منتظرني..