حماتي قنبلة ذرية 🔥 ( روايات ليبية )

حلقة 7🔥 النهاية 🔥

#حماتي_قنبله_ذريه

الجزء 7 💔✨النهاية

وخلاني نكرها مليون الف مره وشعل نار في قلبي🔥💔 الرساله كان مكتوب فيها
"انا مزالت انحبك انا حبيبتك ومزالت راضيه بيك حتى بعد اجوزت نحبك ومافيش حد ح  يفرقنا"
العزوز:-  يابنيتي ماتخليش الصبايا يخربن عليك💜
انا:- اصلاً مافي شي ع شن يتخرب

من كثر القهر معش عرفت شن اندير ناار تاكل فيا👌😞
شوي هكي وخشت جودي كانت طالعه حلوه ولبستها تجنن وبين عليها الراحه مش حسد بس واعره تشوفي وحده ثانيه احسن منك😒💔
سلمت عليها وقتلها مبروك ومابينتش اي شي كأنه الامر طبيعي😊
سالمه قاعده تحكي مع صبيا والبنات اغلبيتهم في المطبخ يجهزن في الغداء🌺

شفت عبير راقيه الشقتي استغربت🙀
رقيت في جرتها القيتها قاعده فوق قدام الشقه
انا:- شن قاعده اديري هنا؟!😌
عبير كان وضح عليها التوتر
عبير:- لاشي غير كنت ندور ع سلسلتي طاحت مني هنا😊
انا:- باهي القيتها!!😒
عبير:- لا لا  نبي ننزل بااي

ونانزله خلاص حسيت روحي دخت وحراره في جسمي😴

اغمى علياا وعيت القيت روحي في شقتي وحطينلي كمدات ع شن تنزل الحراه💓
نسمع في انور قاعد يحكي مع حد🙁
ماتريحتش صبيت من مكاني مشيت القيته يحكي في المو بايل

انور:- افهميني هيا مريضه مانقدرش ننزل توا💔
انا نسمع فيه عرفتها هيا نفسها الي بعثه رساله😤
ماعدلتش خشيت درت دوش ميه مصقعه😍✨
حسه بالمرض بس مانحبش نقعد صبيت لبست وطلعت سيبت انور ابروحه في شقه وماقتلش شي😌👌
طبعاً كملت القعده عبير دارت وعبير حطت ونا قاعده كيف الهبله🙄

الساعه12:30 قالولي انور قالك تعالي مشيت

انا:- انشاءلله خير
انور:- انا عندي شغل نبي نطلع توا طلبوني بنقعد اقل شي اسبوعين😃
انا:- باه براحتك😅
انور:- كيفك توا؟!
انا:- الحمدلله احسن❤️
جيت نبي نخش يمسكني مع يدي😉😆
انور:- تبيش تقولي حاجه اخرى😜
انا-: مثل شن يعني 🙂
انور:- تحبي النكد😒

رقيت الشقتي الساعه3 الفجر نسمع في الباب يخبط  مريضه ومش قادره نصبي
🙄 ماعدلتش ورقدت
نسمع في صوت يقولي يامروه بحتت قدامي القيتها ماريا😱
انا:- ان شاءلله خير
ماريا:- انور دار حادث في طريق😔😭
انا:- شن قلتي😳
ماريا:- والله خويا كبدي دار حادث هيا يامروه نطلعو كلهم مشو وسيبونا انا وانتِ هنا 😭

وجعني قلبي لكن من اللي داره لياا وخيانته ليا مابكيتش ولا شي
انا:- مفتاح سيارت انور في دار امك جيبيه وهيا
ماريا:- من يبي يسوق😰
انا انفصلت عليها مريضه ومش متحملا حد😤
انا:- هياا جبيهن ابسرعه😡

ولعت السياره ونسوق ونحقش في طريق قدامي وكل شوي نذكر انور يوم العرس ورساله عقلي مخلبط💔
وصلنا سكرت السياره ومشينا رسبشن
انا:- في حادث جكم من حوالي نص ساعه انور ..
الرسبشن:- في العنايه المشدده ممنوع الزياره توا✨
انا:- انا زوجته نبي نشوفه😑
الرسبشن:- امعه مرافق ممنوع حد ثاني يشوفه غير وقت الزياره😑