#حماتي_قنبلة_ذريه😒🌚💔
الجزاء 5
مسكني من يدي ونا طشه جيه احذه كأني بنته😌😂✨
وخطرها( القصيرونات يمتلكن جمال لاتفهمه زرافات المجتمع🙈❤️✨)
اسفه ياطويلات والله حتى انتن سمحات 😌💞
المهم مسكني ولولي يدي🌚
انا:- ياااي يدي اطلقني😤
انور:- شن المسرحيه الي درتها بدري 😒👌
انا:- لامسرحيه لاشي عويل عمي وليا حق نحكي امعهم 🙈 توا اطلق يدي خير مانلم عليك الدنيا😤👌
سالمه:- ياا انور
انور:- احسبك مزال ماكمل اصبري عليا بس😈
طلع ويحسب روحه دير انجاز عظيم يا ارض اشتدي ماعليك ادي😂
خشيت انا القيته قاعد فتح شركة مع بنات خالته😒
عرفته يرد فيها ليا ماعبرتاش 😅👌
يقال (الي تفها يتفهه)
فتحت موبايل وقعدت عليه
بعدها تطور الموضوع القيتهن مسكات موبايل زوزي المستقبلي 😒💔
وعبير قاعده احذه ويضحك ويبصر امعها😌
ناماغرتش لكن حرق دمي
رنيت ع صندوق قتلا هيا
طلعت وملبستش الخمار طلع في جرتي🤓
انور:- وين الخمار يا ابله انتي👊
درت روحي مانسمعش فيه وطلعت
روحنا للحوش وطبعاً نهار اليوم الثاني العرس💔✨
ثاني يوم الصبح💓💓
وعيت بدري برمت في الحوش كل مكان فيه ذكره وكل مكان فيه قطعه مني 💔✨
تمنيت امي تكون موجوده معي انا اللي شفت امي ملفوفه في الكفن قبل ماتشوفني لبسة الڤيلو عن اي وجع تتحدثون💔👌
مهم مشيت للكوافير معي خالتي💗
تسريع للأحداث💚
خشيت الصالة ع اغنية طلي بلأبيض🙈❤️
كنت طالعة شي من الخيال 💘
بعدها خشت جودي يعني مش شينه لاكن عاديه كوفير مطلعتها اوفر مكيجها🌚
خشت بعدي و سلمت علياا تقول تسلم ع كافر😂
قعدت قاعده ومطنشه الجميع لين خش الثور المنتظر قصدي العريس🙈😂
قعدت امه تغني
راسك ع صلايه ديما حصلتي سمح التبسيمه😂
اين تبسيمه ماعمري حقيته يضحك
بعدها تمت اتغني مشاءالله عليك عريس تقول مراسي من باريس🙈❤️
صقع عليكن يابنات زوجي من باريس😒
فكني من الحسد😌👌
وطلعت اخته ماريا ومعها عبير يسلمن وهوو يضحوك ماصدق حق ابنيات يابال لبس مخلع ومهلع😒💣
جى هو انا صبيت رفع الطرحه وباسني ع راسي❤️🙊
وهمسلي لاكن من البقر ماسمعتش شن قالي😭💔
وغير مكان الدبله 💞
قعدنا شوي وخش خوياا المضحوك عليه 😂😏
خش عيونه عليها مالتفتش لايمن ولايسار لانه يحبها وخذها عن قناعه بسهافي خدها وبنات شورخات يتعيطن🌚
كان خاطري نصبي نعطيهن اكفوفه😌👌
انور:- هيا نطلعو
انا:- لابلكي نقعدو شوي تفرج ع بنات 😒🐸
انور:- بدينا في حركات 😂 شن غرتي😉
انا:- لاماغرتش
انور:- غرتي😌
انا:- لاماغرت👊
انور:- معنتها مزال نبي نقعد نتفرج عليهن😍😂
رفعت الڤيلو بشويش ودست ع كندرته لين مسحت كبدي😂❤️
انور:- به توا تشوفي هيا نطلعوو بعدين نتفهمو😏👊
طلعنا كان صوت ارصاص والعاب ناريه جوو خيالي وكانو جماعته يستنو فيه قدام الصاله🙊✨
ركبنا سياره
انور:- حطي احزام لأمان ونزلي المعطوب ع وجك🐸👊
حطيته ونا معلقه خشمي
بدى يجري تقول في سباق 😂 وصحابه في جرتنا والعاب ناريه وسلاح
بس انا اكتشفت حاجه اصحبه اطروف اكثر منه😍🙈😂
فجأة سياره وقفت😳
يتبع.....
للكاتبه:لينا المنفي❤️
أنت تقرأ
حماتي قنبلة ذرية 🔥 ( روايات ليبية )
Romanceتدور الاحدات حول علاقة ام الزوج بلزوجة في المجتمع الليبي و أضرار السحر و المشاكل العائلية رواية تجمع بين الكوميديا و الحزن و الحب للكاتبة : لينا المنفي
