حماتي قنبلة ذرية 🔥 ( روايات ليبية )

حلقة 4🔥

#حماتي_قنبله_ذريه🌚💔✨

الجزأ 4 💞💞

بنت من اول ماجيت ترقب فيا استنت البنات يمشن من احذي وجتني امرها مريب  ياترى شن تبي تقولي ع انور؟!🙄💔
عبير:- انا نقولك😇
انا:- لامافيش داعي انتي قتيلي شن كان يعنيلك صح و(كان) اعربها من الماضي😂💞

سيبتها ومشيت شوي وقالو الفاتحه انقريت تمن ازغرتن قلبن راسي جودي مش مصدقه روحها اتنقز اتقول خبطها ضيي😂💔

انا لاباركتلها ولا قلتلها شي!!
وبحكم انه نحنا من العيله مسكونا للعشاء 🙄
بعد كملن الظيافه  بدينا نجهزو للعشاء

في دار سالمه...

سالمه:- والله ماهو امشيتها الها ،العقرب وجيه بكل صحة وجه😏
جودي:- ياامي اصبري لعند مانخذ اللي نبيه بعدها ساهل توا يجبها لك انور هنا وانتي احكميها😌😉
سالمه:- امله بنسيبها الها والله مايقعد اسمي سالمه كان ماطفشتها
جودي:- ديري الي تبي ادريه لكن ماتجيبهش لنا في الحوش🙄
سالمه:- عمك راجل لاعنده وليه لاشي نعرف كيف انجيبه للطريق😈
جودي:- شن تبي اديري😌
سالمه:- كل شي في وقته حلوو😏

عند مروه✨
قاعده انمد في سفر الرجاله كانو قعدين عويل عمي وعويل خوال انور😒
جا ولد عمي افتوحه😋
فتوحه:- شن اخبارك يامريوه لنا زمان عليك ياقرده😂
انا:- والله شن نقولك ياولد عمي انتو الي ماتسألوش😝
فتوحه:- للقنك هبله ماتعرفيش اتجملي😒😂

انور:- يافتحي العشاء صقع😒👊
عدا فتحي
انور:- امكيجه ولبسه اقصير وتحكي لاوطالقه شعرك احسبك بعدين صار فتوحه خشي جواا😤
انا:- فتوحه ومفيتيح كان تبي ومانيش خاشه جوا 🙄
انور:- كلمة وحده😤
انا😉:- دير الي تبيه جوا مش خاشه اشرط ع عبير لووو سمحت🙊
حقيت ولد عمي احميده امخطم
انا ياحميده تعال خوذذ سفره هذي جى احميده وقعد يحكي امعي وانور يوزع فيه😂👊
انور:- ماتفهمش بالكلام هياا اطلع يارجل👿👊
احميده:- بنت عمي كيف ماهي بنت عمك،طلوع مش طالع😌
انور:- باهي قولي هي مراتي كيف ماهي مراتك كلا😒
وضربة ع ظهرا ضربة مسكين تهيالي كسره له😂🙊
انا خشيت جوا وخايفه يدرلي حاجه انا غير انكبر بس ونبي نقهر انور🐸❤️
هدفي نقهر انور ونكرها في عيشته ونوريه حقيقت خواته وامه بعدها الي يبي اديره اديره عادي مايهمنش فيهم👊
بعد عدو الظيوف خوتي قالو جينا الجماعه بنلعبو كارطه القيت غسلات ( اموعين) قعدات يغسلن قعدت امعهن تميت نحكي امعهن من كثر الثرثره حميت لميت شعري ذيل احصان🌚❤️✨
انور ماشي من جنبي مش فطنتله
شدني مع ذيلي قصدي شعري😂🙈✨
لعند طحت القنها العبره شنقتني قصدي خنقتني😂😭🙊 ماهو عادي الخنق هو تشنيق سمحني مكسده عليكن😂🐸💔

طلعت في جرته مسكته من فنيلا امتعه🙈🙊😈
انور انصدم من ردت فعلي🌚😂
انور:- عيب اطلقي خير مايصير فيها كلام اخر وحسبك امعي مزال ع حركاتك بدري🙄😤
انا:- شن الكلام لاخر  😏

مسكني من يدي ونا طشه جيه احذه كأني بنته😌😂✨
وخطرها( القصيرونات يمتلكن جمال لاتفهمه زرافات المجتمع🙈❤️✨)
اسفه ياطويلات والله حتى انتن سمحات 😌❤️

مهم نكمللكن في جزأ السادس😂😭💔

.....يتبع

رايك يضيف نكها خاصه للروايه🙊❤️

للكاتبه:- لينا المنفي💞💞