حماتي قنبلة ذرية 🔥 ( روايات ليبية )

حلقة 3🔥

#حماتي_قنبله_ذريه💔🌚✨

الجزا 3 ✨✨

بابا:- انتي تسمعي في كلامي وكلام خوتك صح😌
انا:- اكيد
بابا:- يوم الجمعه فتحتك ع انور ولد عمك ماتلقي خير منه❤️✨
انا قاعده في وضع صمت وذهول😶
انا:- بس كيف ؟!😀
مفتاح:- خلاص من امتى نخذو في رئيها؟😒

جيت نبي نطلع
باتي:- استني
انا:- نعم
باتي :- انتِ وانور الجمعه فتحتكم ومفتاح وجودي يوم السبت (عقد القيران) ومافيش داعي تجهزي شي 😌

انا قعدة نشوف ال جودي وهيا كأنها متوقعه شي هذا يسير ولامش عارفه كيف!!
قاعده حلتها طبيعيه انا طلعت ودمعتي قاعده نخفي فيها ،وهيا طلعت تضحك
جودي طلعت الدارها انا لحقتها
انا:- كنتي عارفه كل حاجه صح؟!😳
جودي:- شن ريك يعني😌
انا مافجعني شي غير ردها البارد💔 ......
انا:- كنتي معه علاقه
جودي:- لنا سنتين❤️✨
انا:- معقوله هكي والله ماكنت نحسبك هكي طلعتي وقحه ماتستحقش انوسخ الساني بوصفك
به خوي يانورتي عليه امس من الي قتيلي جربيه😌

انا مسحت دموعي وستعدت قوتي والله الا مانوريها عمود الضي😂✨

ما رداتش عليا الحيوانه
نزلت تحت قعدة نحط معهم في العشاء جتني سالمه
سالمة:- مش عارفه شن درتي لولدي ياسحاره قلبتيه علينا في يوم وليله😈
انا:- ماقلبته لاقلبني ولدك هو الي يبيني ومزلنا فيها يقدر يسيبني🙄😏
سالمة:- والله نكد عليك عيشتك وقولي قالت سالمه باهي👿
انا:- مانبيش نقل ادبي انتي حماتي المستقبليه😋

طلعت ومش قادره نمسك دمعتي انكبر بس💔✨
اصعب شعور انك تقعدي اتألمي من جوا وتقنعي في روحك انه مافيش شي يزعلك😅💔

من كتاباتي لينا المنفي____ ع شن السرقين بس😂💔_________________

توا اكيد تقولن شن الي زعلك انور سمح😍😂
ياحناتي تقهر لمه يمحولك شخصيتك انا اصلاً ماخلونش نكتبها ع شن يمحوها😂💔
نبيش نعيشكن في جو نكد نكمللكن شن صار

بعد هذك اليوم الي غير حياتي360‎ درجه ❤️😅✨

قعدت نمشي للسوق وانور معش حكيت امعه ولاتلقيت امعه😌
وخذيت قرار اني مش ح نبرر موقفي الحد وبنسبه لامه نحاول نعملها كيف امي مع انها ولايمكن تقعد كيف امي😌
مشن لايام ابسرعه طبعاً ع شن وخذين من بعضنا درنا فرح مشترك
جودي كل يوم تكلم في خوي مطيوح السعد😂
وخوتها مكرات يكلمن فيا بخبث كلمني مره قالن لي نفرشولك شقتك ولاتفرشيها بروحك عليك سؤال كيف وجوهن قتلهن ع راحتكن ماصدقن وقالن باه اوكِ🌚💔

جت الجمعة و خوي دير جو الجودي وجيبلها دبلتها يبي يلبسها وانا ساعدته ع شن خيي ماهنش عليا😉

فرشتلا شقه
وجت خالتي حنتني قبل الفاتحه بيوم😍
خالاتي ماعندي غير وحده وخوالي ماعنديش خالتي تسكن بعيد منا ع شن هكي مانشوفش فيها واجد😇
جت هيا وبناتها لاثنين كانن طيوبات ساعدني واجد

مهم خلنا نردو اليوم فتحتي جمعه
بعد قرو الفاتحه ضيفنهم كانن بنات خالتي قعدات واقربنا عمامي وعماتي 😇
وجت سالمه لبستني الدبله هذا بدل مايخش المسطول الي وخذته 👿💔😂
وقبل مايطلعو قالولي بكره تحظري فتحت جودي ومفتاح قتلهم عيب قالت لي ماريا خلاص انتي توا مرات خونا قلتها وكأنها مستخسرتا فيا😒

ثاني يوم صبيت لميت الحوش وبخرت كنت مضيقه ومش عارفه ليش💔✨
كنت متمنيه امي تكون امعي في لحظات هذين لكن لا اعتراض ع حكم الله
كملت وجيت درت الفطور الباتي وصديق مفتاح كان عند اصحابه
درتلهم فطور قعدت امعهم
صديق:- واخيراً الحوش يبي يكسد معش في حد يديرلنا حركات السحارين بخوره في صبح وفي ليل😌😂
انا:- توا اديرلكم جودي😌💔
صديق:- هبله وتموتي هبله باهي😒 يعني جودي بدرلنا الفطور وتوتيلي دبشي ماحد يخذ مكنك
كان يحكي امعي وخنقته العبره مع انه هو اكثر واحد كنت اندير امعه في مشاكل😭💔

طلعنا العشيه قبل صلاة العصر بنص ساعه
وصلنا نزلت كنت ديره مكياج بناتي شعري طلقته قاعد لعند ركبتي😍✨

نحكيلكن موصفات مروه
مش دبه ومش ارقيقه تهبل😋💞
شعرها كستنائي طويل لعند ركبتها🙊❤️
عيونها كبار خرش( رصاصي مخلط في اخضر)😂🙈
اقصيرونه جيه طشه احذا انور😅✨

المهم نزلت مروه وشعرها يسفا ع قولت العجيز😍😂
ديره مكياج بناتي لبسه خمار هذا شرط من السيد انور😂💔
لبسه عبايه خليجه جبتها الها خلتها هديه💞

خشيت جوا دنيا كلها تبحت فيا ومستغربه جيتي كنت حنتي صبغه لبسه بلوزه مشمشيه ربع 😌
وسروال برموده يعني لعند الركبه الحنه بينا
قعدت مع البنات في الكوجينه تعرفت ع بنات خالت انور في وحده منهم كانت بعيده عني وتبحت فيا كويس
بعدها البنت قعدن يوتن الظيافه
جتني بنت خالته كان اسمها عبير
عبير:- انتي خطيبت انور؟!😅
انا:- اها
عبير:-تعرفي خطيبك كان شن بنسبه ليا وشن كان يعنيلي😅
انا:- لاوالله مانعرف
عبير:- انا نقولك😇

بنت من اول ماجيت ترقب فيا استنت البنات يمشن من احذي وجتني امرها مريب ياترى شن تبي تقولي ع انور؟!🙄💔

الجواب تعرفنا في الجزأ القادم😉

..... يتبع
شن رايكن هيا؟!

للكاتبة:- لينا المنفي💞💞