مرحبا لولوتي
❤❤
بهذا البارت راح ترد عليكم جمرة ويرد عرب
.. عرب ماموجود لان اخلو سبيلة وطلع قبل ربع ساعة
علي.. اها تمام تسلم
راح الشرطي لعملة
واحنة طلعنة من المركز
فراس.. ولا يكعد راحة عرب وين راح هسة
.. والله ماادري خلي اخابرة واشوف
..اي خابرة احسن
علي..الوو ها عرب الحمدلله على السلامة
..الله يسلمك
..وين انت؟؟ اجينة وراك للمركز وماجنت موجود!!
..رايح للمستشفى هسة ردت اخابرك واسألك نقلتوهة لغير مستشفى لو لا
علي..جمرة الحمدلله طلعت بخير وهي حاليا بالبيت يم يقين
..ها الحمدلله يلا مع السلامه
..مع السلامه
عرب..سحب الشكوى كريم بالبداية تفاجأت لان كريم مستحيل يسحب الشكوى من كيفة لان هو رايدهة انو ادخل للسجن عليش يطلعني
بس بعدين كلت اكيد هاي سوالف فراس وعلي هم ضغطو علية
اني كل بالي وتفكيري بجمرة متلهف عليهة متمر دقيقية اذا ماافكر بيهة
اول ماطلعت من السجن ردت اروح للمستشفى واخابر علي وين حطوهة بعدين هو كال الي وديناها للبيت يم يقين
شوية ارتاح كلبي اذن مابية شي خطر
شغلت السيارة وبوجهي رحت لبيت علي
دكيت الباب طلعت الي يقين
يقين..عرررب!!!!
..اي
..الحمدلله على سلااامتك عرب والله كلش فرحت خو مابيك شي
..لا مابية
الحمدلله والشكر ضل بالنة يمك
..ادخل يم جمرة
دخلت جوة جانت امي موجوده اول ماشافتني اجت شبكتني على السريع ونزلت دموعهة
..يمة وليدي حبيبي طلع سالم فدوتك ربي
..شلونج يمة ان شاءالله بخير
..اني زينى من شفتك انت زين فدوة اروح لهل طول الحلو
..اسم الله عليج كافي تبجين هاي رجعت الج عليش البجي
..والله مااكدر اتحمل ومامصدكة
..ربي يحفظج ويديمج الي مابية شي اني
..الف الحمدلله والشكر
روح ارتاح وهسة نصبلك غدة انت تعبان
..تمام بس خلي اشوف جمرة
..اي يمة روح شوفهة هسة هي نايمة
رحت لجمرة جانت فعلا نايمة
وبأذنهة سماعة شلت السماعة عن اذنها جانت مشغلة قصيدة((دللول دللول ياعبدالله))
