مزاچ الشيخ(ابن عمي)

انتَ وياي سّر بالگلب ماگوله "♥

هسه متحجي الا كدامه اووف شوكت هسه غير ينشفن ملابسي ..
_امي لياااان وينچ يمه
_هااا يمااا اجيتچ امي_ليان يمه روحي شوفي ابوچ وين راح وگليله اريده
_هاا اي يمه هسه بس يماا ما اكدر اطلع منا الناس
_شوف منو من الولد موجود صيحه خلي يچي
_ايي هسه اشوف منو موچود راح ..اباوع ملتهين كلهم هسه وين ابوي وين الكه واحد يصيحه .. شفت ابن حوراء صحت كتلة تعال اجه يرگض (صغير ابن حوراء 9سنوات)
_هاا ليان .._حبيبي حسوني روح صيح اي واحد كلة امي تريده بسرعه .. صفن ابوجهي كتلة هاا وانطيك ربع بعد شتريد
راح رگض ههه شنو هاي الجهال
_ صاحتني مرت عمي رحت الها (ام صادق يعني صادق ابن عمي هوه والمگروده نرجس وحوراء)
_ليان تعاي عمه روح جيبي عباتي تلكينها بغرفه الجده بسرعه
_ايي عمه رحت دخلت للغرفه فتحت الكلوب لكيت جده فدوه اروح الها نايمه
بسرعه ادور ع العبايه خاف تگعد جان سمعت الباب الغرفه انفتح درت وجهي اشوف منو وهيه طفت الگهرباء اهوو شلون سالفه هااي كمزت من مكاني
_ منو فتح الباب .. محد يحجي. يااا منو
عمه هااي انتي .. دا امشي اتلمس بالمكان اريد اوصل لباب جان حسيت
بأيد ماادري شلون لزمت روحي ما صرخت
_صادق هااي اني شبيچ .. اجيتي تموتيني من الخوف
_ ياا شبيگ متحجي لعد خفت عبالي ماادري شنو .. وينك انته وليش طفت الكهرباء
_ اني كلت لابو المولد يطفيها
_ شنو صدگ
_شتحجين يمعوده شمدرني راح تطفه
_ اووف افتح الباب صادق يمعود اىيد اطلع ..احجي بصوت ناصي لان جدتي كلشي تسمع صلوات ههه
_ كال انتي ليش صحتيني
_شنوو اني اصيحگ لا مصحتگ
_كال ابن حوراء كال تردين
_.. فلگ صابه شكد .. اجيت احجي .. وقاطعني
_بس ابن اختي احمم اشويه
_ كتله اي نسيت بس اني ما كتلة اريدگ كتلة روح صيح احد يعني ما حددت
_ كال هاا يعني اروح احسن المن اجيت وعفت ...وسكت
_ صفنت گلت هذا شعاف .. ما لزمت الساني شنو عفت مريم
_ هوه حسيته تقرب وانفاسه يم انفاس همزين ما صرخت او فقدت الوعي
_ گال شنو شگلتي ( صادق يحب يعني معجب بوحده من كرايبنا اسمها مريم هيه هم بكل عزا لطامه لازم تجي وتباوعلة وهوه صادق طلب ايدها بس ابوها ماقبل)
_ ابتعدت منه كتلة اي سمعتني وخرر مني لا تتقرب هالشگل
_ جرني .. وگال مريم لا تگولين اسمها
_ صادق شسوي وخر وهسه وشصار اذا گلت اسمها قابل غلطت
_ مااقبل اي واحد يجب اسمها حتى انتي ليان
_ عوفني .. دفعته حسيته رجع ليوره
اجتي الكهرباء وعيونه بگصته ..دخلي يطير كل اشوي مريم ومريم الحمد الله
_ باوعلي خلة وطلع وضرب الباب فززت جدتي
_هاا ليان شسوي اهنا ولچ جده
_ هاا..اا لا بس اجيت اخذ عبايه عمه
ردت بس اطلع من الغرفه بس لا سمعتنه نحجي فلگ صاب صادق شلون سالفه هااي حتى اصبع انضرب بالباب طلعت روحي يمكن اففف
_طلعت سديت الباب اجتي بوجهي عمتي الثانيه اخت ابوي _ وين جنتي ليان تعالي اشتغلي شي ساعده البنات
_ والله يا عمه خطيه نرجوسه مگفيه وموفيه
_ هاا ولچ اتراددين ولسانچ طويل
_ عفتها تحجي ..بس احجي و ياها تخلي عقلها وياي واني منا ضايجه من هذا ..
#
صارت 11باليل نص الزلم والنسوان يمنا ونص الثاني طشوو يردون ينامون وضهري انكسر اجيب افراش واصعد فراش يمه متت
_ امي_ليان يمه تعالي
_ شفت امي تصيحيني وبصفها واگفه عمتي هسه راح تذب بسامير ..هاا يماا
_ يمه ليان لا تحجي ويا عمتچ وتردادينها وتكليلها ولي ومدري شنو
_ ضليت فاتحه حلگي .. يماا ما حاجيه شي والله
_ عمتي_هااا ولچ اتجذبيني اني ..
_ بكلبي كلت جاا الله ماخذاچ وخلصنا منچ _لا عمه بس ..بهذا الاثناء صاحتني نور (بنت عمتي بس هههه يعني عماتي 5 هوااي فاا يعني هواي بنات وولد عدهن وعمامي 7يعني الله يحفظهم هه)
_نور_ليااان تعالي ارگضي
_ هااا اسم الله شبيچ ..
_نور_ تعالي يمعوده نامي يمي
_يااا عبالي ماادري شبيچ ههه .. لا يمعوده انام بغرفتي احسن هوه والمكان هماتين
_نور_ولجن انتي يكفيچ ربع المكان تعالي يمي اشوي نسولف
_لا نور .. بعدني ما مكملة وحجي المگروده نرجس
_اكلجن ترى عيب عليجن شنو تسولفن عمجن ميت وانتي تسولف وماادري شنو
_ نور_ اكلچ نرجس لا تصير خيره زين حبيبتي انتي هم هوه عمچ مو صار ساعه تضحكين وتذبين ابتسامات ويا عمار(عمار يصير اخو مريم الي يحبها صادق بس هوه عمار معروف مو خوش ولد يعني لهذا السبب اهلنا ما يقبلون ينطون نرجس بس هيه ملطلطله بس احمم )
_كرصت نورحتى تسكت لان انهدت خاف يسمعها احد .. نور امشي يمعوده
_ نرجس_ انجبي  لج هااي تشوفينها بروحچ
_ جريت نوره وطلعنا وظلت هيه تحجي ماادىي شتحجي ..
_ولچ نور لا تحجين هيچ هسه عمه شستوي بيچ لو تدري
_نور_خااب موتوني بييها هسه لو يدرون بيها من جوه لجوه
_ كتلها امشي خيه خلي نروح انام دا نصعد الدرج وصاحت بيها امها ام نوره
_ تعاي نور.. تعااالي
_هاا يما راح اروح  انام يمه لياان
_صاحت بيها ..عوفي صخمان تعالي
_... بقيت صافنه هااي شتحجي اكيد نرجوسه سوت فلم
_ نور_ يماا اهووو .. حياتي ليان راح اروح تشوفين امي مطنگره وضحكت
_ هاا ولج نوره اني مطنگرة
_كرصتها ولچ متسكتين ضحكت وراحت
_ صعدت طبيت بالغرفه لكيت امي متمدده ع الجربايه اجيت يم رجليها فرجتهن .. سوده علية تعبانه
_ يماا تسمعيني لو نايمه
_ لا  ليان يمه احجي ._يمه اريد اروح للسوگ باجر ماعندي ملابس سود شلون
_ هاا يمه ايي خلي تروح وياچ وحده من البنات باجر
_ اي يما لعد ابوي وين _ يمه ابوچ نام يم الزلم
_ هاا خليت راسي ع المخده نمت
_ كعدت الصبح فزيت فزه اللساعه8 ع صوت عمتي استغفر الله تركع بالباب
.. باوعت امي ماكو يمكن نازله
_ فتحت الباب _ياا صباح الخير كعدناچ نعتذر
_ ابتسمت لا عمه اصلا جنت كاعده
_ هاا خوش يلة تعاي انزلي بسرعه ويه البنات
_ اي هسه اچي ..سديت الباب رحت سبحت وفتحت الكنتور تذكرت ماعندي ملابس سود ياا هسه هاي شلون تنحل
لبست ملابس بيهن اسود وابيض ولبست العبايه ونزلت .. والبيت نسوان ولا اگو مگان
_ عمتي_هاا ليان وين عيني
_ لاا عمه بس ماعندي ملابس وراح اخذ وياي نوره حتى اشتري ملابس
_ كعدي هسه اطيج من فرح..
_ صفنت ابوجها .. كتلها لا عمه فرح جيبره مو بگدي
_ لا شني مو بكدچ هيه شويه متينه يلة عمه اصعدي اخذ منها وانزل عندنا شغل كومه
_ استغفرالله باوعت ع امي امي كالت_ليان اصعدي واخذ من فرح
_انقهرت يعني لازم يستمعون الهن خرب حظي صعدت فوگ .. ورگعت الباب
_اخذت من ملابس فرح (فرح اخت نور)
لبستها شكبرها وكل شوي الجتف ينزل ياا الله هاا شلون سمعت عمتي تصيح
_اوووف نزلت جوه .._ هاا شوفي حلوة عليج الدشداشه عريضه وساترتچ مو مثل البارحه الثواب مشلح
_ صفنت صدگ بعدها تتذگر والله زين
كتلها شگرا عمه
_بعدج عمتج دروحي ويا البنات تستهزء
_ حتى ما تريكت.. مالي خلگ والله وتعبانه همزين خذتلي امي اجازة من المدرسه
_ اجتي يمي حوراء كالت _فدوه دا اخبز اخذي ابني يمج شيليه(ابنها اصغر 3سنوات عمره صلوات شكد جهال )
_ خااب حوراء مابيه حيل وعلي
_ ولچ ليان صدگ بعدچ ديلة شيليه
_ شلته وكعدت على طبلة صغير وابنعا بحظني ... اجه ابن عمي واحد يصير اخو صادق هماتين صاح وخرن سون مجال الزلم تريد تفوت للحمامات
_عزاا هااي شلون مشكلة ابن هااي بيدي وكلهن كامن بس حوراء بقت تخبز لان عود جبيرة واني كاعده
_ ظل يصيح ما شافني بعدين اجيت اكوم فات ولد وابن عمي وياها جان نزلت اشوي الشال اكثر على راسي جان ابن حوراء شلته وجر الدشداشه من جتفي فلگ صابني وطلع ال  ..احم
_ ضل يخزر سجاد هذا شبي اني رحت رگض عفته حتى ابن حوراء عزا العزاني
شسويت اني ساعه السوده الشلته طبيت للمطبخ ويا البنات
_ جان طب سجاد صاح وين ليان
_ ختلت وره امي عزاا امي كالت خير سجاده عمه شكو
_ عمه اني مو صحت ايكومن البنات ليش ليان ما كامت بعدين طب الولد ابن حوراء جر دشداشه وطلع صدرها
_ انصدمن البنات كتلة وخرت من امي
_ سجاد ترى ماقصدي اني وشصار يعني
_ هاا وتحجين هم ترى عيب انتي بنيه
_ ماادري شصار بيه بس حسيت دموعي نزلن وحدهن يعني قصده متقصدي اني سويت هيچ
_ نطت المكروده نرجس .. اي عمه صدگ ترى ليان حتى البارحه تتمشى والفتحه ماادري وين واصله
_ ما خليتها تكمل حجي كتلة .._ اوكفي عيني ست نرجس لاتحجين ترى انتي لو يشوفنچ على حقيقتچ جا عدموچ
_ ولچ شتقصدين ليان
_ شوفي روحچ وبعدين تعرفين شقصدي درت وجهي لسجاد كتلة _ وانته هم لا تتدخل وهذا عقلگ انته شعبالك اني عادي اخذي برأيك علية ترى ما ابرر عفتهم وطلعت ظلو يحجون ماادىي شنوو
#
صعدت لغرفتي وروحي شايطه صعدت امي _ليان يمه عوفيهم انتي تدرين بيهن
_ يمه انتي شفتيهم المگرودين شيحجون
_ ديلة يمه انتي حتى ما اتريگتي تعاي انزلي ولا تحجين وياهم واذا حجون عوفيهم
_نزلت جوه امي بقيت وحدي جعت غسلت وجهي ونزلت
_ صارو بوجهي صادق وسجاد عبالگ ولا اعرفهم عفتهم ورحت للمطبخ طبيت هنه يباوعن صلوات عماتي طلعت ما احب اشوفهن حتى راحت الجوعه والله انسدت نفسيتي
_ طبيت بالغرفه بيها نسوان اجتي الملايه بهذا الاثناء وقرت وصوتها ،بجي الحجر بيجنا لحد ما ملينا وخطيه مرت عمي الرحوم تخبلت قهرتني ابنها ودوه يم اهلها انقهرو عليه ميردون يخاف
_ خلصت الملايه صاحتني امي رحت الها كالت روح لجدتچ شوفيها خاف تريد شي ( جدتي رجليها متكدر تمشي خطيه)
رحت دكت الباب فتح صادق هااذا شيسوي گل اشوي يمها ..ولا باوعت ابوجها دفعت الباب
_ جدتي_ هلا بليونه تعاي ولج
_جرتني كعدتني يمها ع الجربايه .. اجيت احجي واروح لان مطايقه هذا اليمي
_ جده شمالچ بيچ شي ليونه
_ لا جده فدوه اروحلچ بس تعبانه واجيت اكلج محتاجه شي مني او تردين شي
_ لا ليونه جده مابيه صدوقي فدوه لكلبه يمي
_ كتلها.. هاا ايي لعد اروح لان البنات خطيه.كمت وجرتني
_ جده لا تزعلين مني اني هم احبج واعزج
_ لا جده شون ازعل منج انتي كلبي..حظنتها وحظنتني وصاحت صادق هم حضنتنا اثنيناتنا ايده اجتي على ظهري ماادري كلبي يرجف مراجف عبالگ كهرباء وخرت بسرعه
_ يلة جده اروح لان البنات حتى ماكملت خليت وطلعت بسرعه وكمشت كلبي يمه اجيت اموت وعلي
_ صعدت فوگ بغرفتي اجيب تليفوني سديت الباب جان سمعت الباب اندگ رحت فتحته ... صادق
_ هلا ليان
_ نعم خير رايد شي .._ لا سلامتج بس انتي زعلانه مني
_لا مزعلانه ليش
_ لان حاجيتچ البارحه بعصبيه
_ لا اصلا متعدوده انته ولا فد يوم حجيت بشي حلوو
_ هااا اني
_ لا هيچ المهم راح اسد الباب رايد شي
_ لا بس اريد اكلج .. ما خليته يكمل نظرته متخليني ارگز
_ صادق اعذرني بس لازم اروح سديت الباب ابوجهه شكد عيب
دورت ع تليفون لكيت المخبلة شكد متصله علية زهراء بس تليفون مابيه شحن راح يطفه خلي يشحن بعدين اخابرها
خليته ع الشحن نزلت همزين ما لكيت صادق شوفته توترني طبيت لامطبخ فا دا ايصبون اكل للنسوان جابو الخظره الي جابها صادق چن دا ياكل بالخظره ويوزع ويضحك ويا عماتي حاصرتي الضحكه بس مااريد اضحگ جان اجه يم
انطاني گرفس كال هااي الچ اجيت اخذها وأكلها يااا هذا شبيه‍ هوه خرب من الضحك
_ گتلة الحمدالله عفته وطلعت من المطبخ صار بوجهي سجاد اهوو هسه هذا اشجابه بسرعه وخرت عيوني منه ومشيت عبالك ماشفته هون بس يباوع ولا يحجي
#
خلصن غده وشلنا الاگل والهوسه صارت تقريبا5 الساعه جاان درت وجهي وطبت مريم بكلبي وين صادق هسه ايموت من وراها لابسه شاله ونص الشعر طالع بس صدگ ضجت هسه يشوفها صادق استغفرالله هسن اني ليش مخليه بالي يمه اووف قاطعت تفكيري نور
_ليان خايبه شفتي ست مريم شلابسه جنها جايه عرس وعلي وهسه صادق يشوفها يفرفر گلبه عليها
_ كتلة ايي يمعوده عوفينه منها امشي خلي نروح نكعد شويه تعالي كعدن ع الدرچ سولفنا وشويه ضحكنه بصوت ناصي لان ننعدم بس يشوفونا
_ دگ تليفونها وكالت ولج خطيبي خلي اروح احاجي هذا رويحيتي
_ ياا ههه ديلة روحي فوگ بغرفتي احسن
_اي ولجن مااكدر كرصتني  يم اذاني  وراحت رگض بقيت افرگ بالكرصه ياا مخبلة ههه رحت شفت مرايه دا اعدل بروحي وشفت صادق يباوع يا هذا شبيه
تجاهلته سمعت نوره تصيحني من فوگ
رحت الها كالت_ ولج راح يجي
_ ياا دروحي لعد انزلي عدلي روحچ وانزلي
_ نور_ اي ... عدلت بروحها ونزلت
سديت الباب وراها واندك كلت هاي نوره الخبلة
_ فتحت وجان صادق طب وركع الباب
.._ هااي شبيگ جان جرني من زندي وقربني يمه صارت مسافه قليله بيناتنا
_ ليان شنو هااي يم ركبتج ماادري خدج
_ صفنت عليه كلت هذا شيحجي .. كتلة عوفني ماادري شنو
_ هاا متدرين جرني للمرايه حتى امضربت بالميز وجر فچي كال هااي... شفتها تذكرت هااي نوره من كرصتني
_ دفعته كتلة هااي نوره گرصتني
_ رجع جرني حييل هاا نورة
_عيب عليك صادق شنو تشگ شنو اصلا تسأل هيچ سؤال دفعني حيل حتى صرت بالحايط كال واذا اليشوف شيكول ابن عمج واخاف عليچ خلي الشال وعافني وطلع
..هذا شبيه فلك صابج نوره اووف هسه شعباله خليت الشال ونزلت ..
.... يتبع
‏﮼احب،لمن،يكون،قلبي،تحت،تاثير،صوته♥️🔥﮼