مرحبا لولواتي
❤❤❤
عرب.. شبيج حنين انطيها المبايل ترة ماعندي مجال يلااا
حنين..الو ها خوية شلونك
..زين احجي شبيهة جمرة
..مابية شي خوية اطلع من السجن وانت تعرف
..لتخبلينييييي
..عرب على كيفك لتصيح والقرآن مابيهة شي بس لحد هسة ماكعدت والدكتور كال مشكك بامرها اذا ماكعدت احتمال تتوفى
..نقلوهة للمستشفى احسن حنين سمعيني عدل كولي لفراس اكو طبيب اعرفة زين رقمة موجود بالمكتب مالتي خلي ياخذها يمهة حنين مو تنسين تمام؟؟؟
..ان شاءالله خوية هسة اكول الة بس كول النة انت شلونك امي متنام الليل
..اني بخير حنين علي شلونة
..لا مابي شي علي
..الطفل مات؟؟
..اي ربي يعوضك
..يلا لازم اغلق الاتصال ولتنسين كولي لفراس وهسة نقلوها لتنتضرون
..تمام
يقين وهي تبجي..روحي بسرعة كولي الة ليش واكفة بسرعة
..شبيج يقين هنة نفس المستشفيات وترة لتنسين هاي زينة بس اخوية من خوفة يكول هيج وهمة كل ساعة يجون يطمننون عليهة وماهامليهة عليش نكول لغير دكتور
..حنين معقولة؟؟ ولج تروح من بين ايدينة تمووووت والله اموت روحي ورااهة اذا مو انتي دكولين لزوجج اني اكول
حنين..لا اسم الله شنو اتموت تفائلو بالخير تجدوهة لتفاولين على البنية
..لعد اذا خليناهة هنا ومحد يعرف حالتهة شنو اكيد يموتهة
.. تمام انتي بس هدئي واني راح احجي ويا
راحت حنين حتى دكول الفراس واني رحت وكفت يم راسهة
..والله حرامات هذا الوجه البريئ والگلب الطيب ينام مثل هل نومة ومنعرف مصيرة
وكريم مثل ابليس انضرب طلقتين وطلع من العمليات بسلامة وولا عبالك بي شي
ليش دائما هيج حضنة وليش دائما احنة الي نخسر واحنة الي ندفع الثمن
هاي دفعو الثمن بابنهم مات وهو بشهر الثامن يعني مابقى غير شهر ويجي للدنيا والكل جان فرحان بهذا الطفل لان اول طفل يجي للعائلة ومن عرب وجمرة
بحيث متحمسين كلش ومجهزين كاروكة((سرير)) وملابسة وعرب من كثر فرحتة حتى من هسة جاب حفاضات للطفل
ومخططين شنو يسون الة وشلون ينسقون لبسهم ثلاثتهم نفس اللون
وهسة مات وامة منعرف شنو حالتهة وابو بالسجن
طلعت من غرفة جمرة ورحت لعلي
دخلت لغرفتة جان يريد يبدل وفراس جايب الة عكازات حتى يستند عليهن
