مرحبا لولواتي
❤❤❤
رجعو لتفاعلكم وتعاليقكم على فقرات القصة
جمرة.. دخل عرب وايدة كلها دم حتى الكاع نترست دم وشعرة مخربط
ركضت الة على السريع ولزمت ايدة
.. شبيك عرب منو مسوي بيك هيج
.. مابية شي
.. لعد هذا الدم منين اجى
.. اني داخل للحمام جيبلي ملابسي
.. عرب جاوبني داسئلك شبيك اني صارلي ساعات منتضرتك وخايفة عليك
.. كتلج مابية شي ولتجيبين الملابس اني اخذهن
سحب تراك سود ودخل للحمام
تنرفزت من اسلوبة ليش يستحقرني ومايجاوب يعني رجعنى لنقطة الصفر
كمت مسحت الكاع وعلكت التدفئة وجبت الشاش والمعقم حطيتة على مخدتة ورحت نمت بفراشي
بس ابد مااخذت عيني نوم ضليت اتكلب لحد ماطلع من الحمام
دفع المعقم والشاش ونام بفراشة وكعد يورث جكاير ويشرب
هو سابقا تعلم انو يشرب بس ٣ وحدات باليوم بس هسة رجع الهة
الغرفة صارت عبارة عن دخان الجكاير
اني كمت وكعدت بنهاية الغرفة صرت بعيدة عنة
عرب..ليش كمتي
..والله اخاف على ابني من هل سم هذا دخان الجكاير منتضرتك تخلص وارجع انام
..رجعي نامي طالع برة اشرب
..براحتك بس ماتوقعتك بوقت انت مضايق متحجي وياي وتفرغ كلبك
..مو هيج جمرة اني مااريد احجي واريد اسد الموضوع لصالحي ولصالحج نامي والصباح رباح
طلع من الغرفة وخلاني حايرة مااعرف كلشي وخفت اكثر
عرب.. طلعت وية علي شوية فترينة وتونسنة وهو رجع لبيتة
اني رحت للحجي حتى ابشرة راح يجي الة حفيد لان هو اكثر واحد منتضر ابني
رحت وكلت الة وهو كلش فرح من طلعت من بيتة اجاني شاب هيج بال٣٠ سنة ملثم
..انت عرب؟؟
..اي نعم تفضل
..شوف اني راح اجيك باسلوب واوضح الك السالفة كلهة وانت تفهمني لان انت الي راح تخسر مو احنة
..شتريد احجي
..اطلع كريم من السجن
..هههههه اجو ذيول كريم بابا حطوهة حلقة بأذنكم كريم اخيسة بالسجن ولا اطلعة لو هسة منو تجيبون الي اني رنا طلعتهة لان اعرف اول وتالي راح تطلع لان ماكو دليل على كلامي بس كريم كل الادلة يمي ومحد يكدر يطلعة الا اذن من عندي لذالك كول لجماعتك ماراح تحصلون الي ببالكم
