مرحبا لولواتي
❤❤❤
جمرة.. اول مانزلنة من السيارة صار رمي قوي كللش منعرف منين اجة بسرعة عرب لزمني
دخلي بسرعة لسيارة
وركض لعلي
اني مااكدر كلشي اشوف البركع على وجهي وصوت الطلق وعرب قفل السيارة وراح لعلي
ضليت ميتة خوف حتى كمت اندعي بصوت عااالي وكل شريط حياتي وية عرب صار كبالي
خاف يكتلون عرب لو علي بالطلق ذولة مايتأمنون ابد
.. يااااااربي بجاه كلمن عندة جاه يمكن خلللصنة من ايدي الضالمين واحمي عرب وعلي واحمينة من هل شر الي نزل علينة
كريم شخص عابر مرحلة الحقارة يعني اني بالنسبة الي اسمي ارهابي من اعمالة القذرة
وعندة شركات ونفوذ قوية بحيث اذا راد شي يسوي وغصبا عن اكبر راس
واني خايفة على عرب خاف يأذي لان لاعرب يسكت ولا كريم يسكت
ولان كريم شركاتهة خارج العراق وداخل العراق يعني يكدر يتحكم بينة
وباعتبار هاي اول مرة ينسجن ف اكيد ينتقم من الي يسجنة
وهو عندة كومة جوة ايدة يدافعون الة نفسهم الي جاي يهددون بقتلنة
ضليت ارجف جوة بالسيارة وكل الافكار اجت ببالي
لحد مافتح الباب عرب وهو لازم بيدة السترة وصاير عصبي
.. ها عرب كولي شصار منو الي رمى
.. لتخافين ماكو شي ذولة الولد جايبين وياهم اسلحة عود للعرس
.. اكيد؟ عرب خاف هذا كريم يريد يلعب باعصابنة
.. لا لا ويلا تعالي خلي نصعد للفندق صار النة شكد هنا
صدك صعدنة للفندق وصعدت وياي يقين وعمتي
دخلنة للغرفة وعرب طلع يم اصدقائة وعمتي باركت الي وطلعت بقينة بس اني ويقين
يقين.. تعالي خلي اعدل شعرج خاف تخربط
.. يقين حبابة خايفة اني
.. من شنو ولج
.. ماادري من كلشي
.. هههه لا لتخافين ماكو شي وهو عرب حباب
..شنو رأيج اكول راسي يوجعني
..سكتي خطية الولد عريس
..لعد اني مو خطية
..لا ولج فشلة لا اطلع واكف بالباب هو
..لا الله عليج وين رايحة ابقي حبابة
..منو كلج اني حبابة
..اني اعرفج حبابة
..دولي زوجي منتضرني اعوفة واكعد اكابلج يلاااا باي عود باجر الصبح نجي اني وعلي الكم
