مرحبا لولواتي
بارت مفاجئ لعيونكم الحلوة
❤❤❤
جمرة.. انصدمت من الصور ماجنت متوقعة عرب هيج يسوي بية
اذا جانت الصور صدك ف اني ماابقى على ذمتة دقيقة مو اني الي يخوني واسكت
يريد يزوج زواج مؤقت خلي يزوج محد لازمة بس يطلكني ووين مااروح خلي اروح عسى لجهنم الحمرة
مااريد اتسرع واتصرف نفس تصرفاتهة واحكم علي
خلي اسألة واذا جان جوابة مو مقنع ف انفصالي عنة افظل
بسرعة اتصلت علية وهو مارد هاي اول مرة من اتصل علي ميرد حتى من جنة محد معترف للثاني بس اتصل علي يرد مباشرتا
دكيت عليه مرتين مارد شمرت المبايل تنرفزت كلللش اكيد هسة وياهة هو ولا يمة المبايل والاتصالات
هو اني شوكت كعد حضي حتة هسة يكعد حضي وية عرب
انتضرت يتصل بس ماكو صار الليل وهو ولا زحم نفسة واتصل علية
وباجر يصادف زواج حنين وهي اصرت انو اروح
غمضت عيوني وهدئت نفسي مالازم اسوي هيج ولا اتأثر اهدي احتمال جذب او مفبركة
فتحت مبايلي وحجزت ثوب للعرس ماردت اشتري اني لان اشتريت بعرس يقين وعقد حنين بس عرب ماقبل واصر اشتري
اشتريت ثوب قصير كلش اعرفة هسة يتنرفز من يشوفة لان هو من يكول اشتري قصيرات يقصد للركبة مو فوك الركبة
عاد علقت للبينة وطلبت الفستان حتى ماجان الي واهس احفظ صورتة
صارت الساعة ب١٠ بالليل وعرب اتصل
صارت زحمة استاذ هسة تتصل بعد ماشلعت كلبي
اني هم ماراح ارد ونشوف باجر شنو حجتك
اجبرت روحي ونمت
بس نومة مضعضعة عقلي ضل يشتغل ومارتاح ابد
كعدت الصبح والمبايل متفجر من الاتصالات والرسائل وكلهن من عرب
عرب..💬عود ليش متجاوبين مو جاي اتصل عليج؟؟
يعني الة تفورين دمي وتخليني يضل بالي عليج
فتحي الخط جمررة
مو حلوة هاي التصرفات جاي اكول الج فتحي الاتصال
عود تردين ترديهن الي لان مافتحت الخط عليج؟؟ ترة جنت مشغول ومو يم جهازي
جمرة..دزيت الة صباح الخير وعفت المبايل
نتبهت التوصيل مال الفستان واصل واحتمال المرة الي تطبخ للبيت مدخلتة لغرفتي
رحت فتحت العلبة بس مو نفس الفستان الي اني طالبتة
يبوو هسة وكتهة تغلط بالعناوين هو اني كوة اريد اروح للعرس
رحت حاجيتهة
..حبيبتي وصل الفستان عاشت ايديكم بس مو نفس الطلب الي اني طلبتة احتمال مشتبهين بالعناوين
