مرحبا لولواتي
❤❤❤
اليوم ماراح اكول الكم تفاعلو اريد انتو شكد توصلون التفاعل والتعليقاااات
جمرة.. راح اكول الج فكرة بسيطة وانتي سويهة لان اذا تروحين ودكولين لعرب هذا الحجي الي كلتي الي هسة بالعكس ماراح يطلگج واحتمال يتصرف وياج غير تصرفات
لان مهما يكون مو كلشي لازم ينحجي للرجال لان تعرفين تفكيرهم انتي
لذالك تنسين هذا الكلام كلة ولدكولي لعرب نهائيا
مروة.. شنو اكول اذا هيج؟؟
.. روحي الة وبتفاهم كولي عرب اني وياك منصلح نكون متزوجين شوف هسة اني وياك صار النة فوك السنة متزوجين فقط عقد لان لا اني اتقبلك ولا انت تتقبلني بعد عليش ضالين سوة معلگين لا احنة بالسمى ولا احنة بالكاع
.. واذا ماقتنع؟؟؟
.. لا راح يقتنع لان مادام مامتزوجين انتو اذن هو هم ميرديج بس ماراد يطلگج لان هي مو لعبة يوم زواج ويوم طلاك ف احسن شي انتي طلبي منة الطلاك احسن
.. ان شاءالله يقبل ونطلك وارجع لبيت اهلي ويقبلون يزوجوني جاسم
.. ان شاءالله حبيبتي الله ينطي الانسان على گد نيتة
.. طبعا والله اني حبيتج كلش وكلت على الاقل خلي اكسب عيالي احسن مااضل كاعدة هيج على بالك بالصحراء
.. واني هم حبيتج وماجنت اقبل واحد يحجي عليج لان ماشفت منج زلة
.. يروحي ياريت كل الشرايج مثلج وميحكمن ويحقدن على الواحد بدون ميعاشرنة ويعرفنة
..هنة هم حقهن لان ميصير تجي وحدة وتاحذ زوجهة وهي مامقصرة ويا اكيد راح تضوج وتحقد عليهة لذالك مو صوج الاولى صوج الثانية بس اذا جانت مقصرة ف الة كلام ثاني
..اكيد واني هم اضوج من الزوجة الثانية بس كتلج انو حتى مااخذو رأيي همة وافقو وهمة زوجوني
..ماصار شي حبيبتي الظروف زوجتكم والظروف اطلكم
..اي يلا اني تعبتج وياي كلش
اروح اقرة قرآن بلكت شوية يهدى قلبي من التعب والقلق
..براحتج
طلعت مروة ونقهرت عليهة كلش يعني شنو ذنبهة هي صارت تحت حكم اهلهة بس اهلهة هم حقهم ماكو اهل يقبلون ينطون بنتهم لواحد سكير لان ميعرفون شنو يسوي بيهة وخاصتا هو تعالج من جانت هي مخطوبة
بلكت هل مرة اصير من نصيبة وهو مبين صادق لو مثل هذولة الولد جان بس ازوجت عافهة وراح يدور غير وحدة
مرت ايام ومروة جانت عايشة بخوف ورعب خاف ميقبل يطلكهة وتتردد ادكول الة
جمرة..فد مرة جنت جاي انزل الصبح وسمعت عرب يكول لمروة امشي حتة اوديج لبيت اهلج انتي طالك
