مرحبا لولواتي
❤❤❤
رجعو لتفاعلكم😑
جمرة.. سمعت صوت بجي من غرفة مروة خفت لا صاير شي عليهة وعرب ماموجود بالبيت فتحت الباب
وشفتهة ميتة من البجي وجهة مو بس احمر ددم والعيون مامبينة من البجي
.. شبيج مروة ليش تبجين؟؟ صاير شي
ماردت وضلت تبجي بحركة كلب
..لتوخفيني عليج تردين اخابر عرب؟؟ شصاير الج
..لا لا لتخابري مااريد
..تمام مااخابرة بس لتبجين كافي
جانت لازمة بيدة صورة ورقية بس ماعرفت شنو داخلهة لان جانت عاصرتهة بيدهة
كومي غسلي لتوكعين
..مااريد كلشب بس اريد انام
..يلا تعالي نامي على الجرباية ليش كاعدة بالكاع
كومتهة ونامت على الجرباية
وماردت تحجي ف عفتهة وطلعت
بس ضل بالي شصاير ولويش تبجي
خاف عرب مسوي الهة شي ولو هو بعدة ماراجع من الواجب واني اتهمت الرجال
لان همة حاليا جاي يمشطون المنطقة خاف اكو خطر او خلايا نائمة
رجعت لغرفتي ومليون حسبة براسي باجر يرجع عرب بعد غياب طويل
وصار عمري حاليا و٢١ سنة
جانت عطلة وماكو اي شي
وعرب من ينشر صورة بالفيس هو وبالحشد اضل مكابلة الصورة وكاعدة
نمت واني منتضرة باجر شنو حيصير بي واحتمال هي نهايتي لان من جنت ادز خبر لعرب حتة يطلكني بيد حنين جان يكول بس ارجع من الواجب اني انطيهة القرار الاخير
((بعد مرور يوم))
فزيت من نومي جانت الساعة ب١٠ الصبح نزلت على السريع لازم نضف البيت ونسوي اكلات لان هاي اخر رجعة لعرب
وهو يجي ساعة ب٤ العصر
اول مانزلت جانو كلهم كاعديين سوة ويلفون كليجة لان هو يحبهة وخاصتا ام التمر
خرب عود ردت اني اسويهة وهمة سبقوني
واني مااعرف شنو يحب او لا فقط اعرف يحب الكليجة وبس
عاد كلت خلي اسوي غدة مرتب احسن من هذني الهوسة
كعدت لفيت دولمة وسويت برياني وتشريب
وبعدين طخت عندي كلت خلي اسوي على الاقل كيكة باردة😐 احسن من ماكو طبعا هاي الكيكة الباردة اسهل شي بالحلويات اصلا مو من الحلويات😂 هيج خارج نطاق التغطية
عود قنعت روحي وسويتهة
اجت مروة تغسل ايدهة وهي تباوع الي
مروة..جمرة البارحه اني جنت ضايجة من شغلة حساسه كلش ولذالك كمت ابجي عادي مدكوللين لعرب
