ليالي ذياب (حقيقه مكتمله)

بارت سادس عشر

شالت ملامح مال غنوة فيروز
گالوا : تحبها ؟
وانه جاوبت : عاشگها يجوز! 
من يمي مريتي حتى چفي أيذب ماي
- وعود آنه ما عرگان حتى بتموز !

,,,
اعـلــه هــونـك يــمــن حــدر الـثــوب شـايــل لـــذة الـممنــوع

ليال : مرن 3شهر وخابرني ذياب وكال ليال وين انتي كتله ب البيت كال راح اسالج سؤال وجاوبيني كتله اي حبيبي كال بغلات ذياب تحجين الصدك اني ضليت صافنه شنو الصاير ويحلفني هيج ذياب كتله كول حبيبي شكو كال هم قبل لا اجي اخطبج بفتره لو من اجو اهلي جان بيد اهلي شي كتله والله ماذكر كال بنيتي فدوه ذكري اي شي صار بذاك ليوم حتلو مومهم حتلو حجايه اذكري كتله اذكر منال اجت وبيده بطل مي وبي اوراق وكتله هذا شنو كالت اعشاب بس نكب منه من ابوك فات من يمه هذا الذكره تنهد وكال ماشي بنيتي روحي انتي هسه كتله اوكف انت وين وليش تسال كال بعدين ليال كتله شنو البعدين على الاقل كولي وين انت كال جاي ازور بغداد ب الامام الكاظم وسده راسن بس ضليت دايخه ليش هيج ديصير وشنو السبب وصوته حيل معجبني وسؤاله حيرني حيل رجع ذياب بليل خابرته
المكالمه 📱
ذياب : حبيبي باجر اريد اروح لسيد دزني عليه شيخ
ليال : خير شكو انشالله
ذياب : بنيتي اليوم من اني ازور اجه شيخ وحجيتله قصتي وانه مهموم كال انشالله تخلص سالفتك بس انتم مسوالكم سحر وخال اهل البنيه يرفضون وحته مرات البنيه تتعارك وياك وتكطع ماتحجي وياك تخبلت
ليال : معقوله ذياب انت صدك هيج اشياء وخرافات
ذياب : تره هاي مو خرافات لج مذكوره ب القرءان واني راح اروح وماريد احد يدري ليال : اصرف ب الي يعجبك راح ورجع جايب وياه مي ارشه ب البيت وبخور نبخر بي البيت وحجابات لازم ندفنهن باب البيت وحاجه ماما وماما بذيج الفتره صارت ويانه بس ماتدري لا بلقائاتنه بليل ولا مخابراتنه وسوينه كولشي حسب اللصول اجه خطب وره اسبوعين وجان الرد بي امل خل دور سنة جده هنا صار عدنه امل ولو صغيرون انو اصير لذياب كامت مرت اخو سهاد تخلق مشاكل ومن تسمع احجي وياه تكول يعرفله وحده بجامعه وميحبج وبس يخلص وكت واصلا هو متراهن عليج اله يوكعج وياخذج وهسه يمل منج جان حجيه ياذيني وماجنت عرف شنو تريد من ذياب احس حجيه خناجر بكلبي بس جنت واثقه من حبيبي وجنت ماحب اضوجه لان من اجه حجه موضوعي جان لازم يبني بيت وحدي ولازم مهري 20 والغايب25 وفوك هذا من ضمن المهر حجوله حسيتهن شروط تعجيزيه بس حبيبي راسن وافق بس اهله تخبلو بس اني مجنت موافقه على هيج مبلغ بس ذياب كال بويه بس خل تعدي سنة جدج ماريد شي والله انطيهم كلشي يردو اني جنت مامقتنعه وحسيتهم ديشردو بابا كله موفق انطه حجايه وثبتله ف كام يشرط بشروط مال شرده كام ابو ذياب يروح يم بيبي ويحجي عليه على اساس عنده دروب عوجه ويدور سوالف مكسره همزين مطلعه يتاجر ب المخدرات سواه فد مره وبيبي تسمع هيج وتقفل واني اشيل روحي للسمه واركعه بلكاع جنت الوحيده اقاتل في سبل اصير الحبيبي ومعه هذا جانت بس ماما واكفه ماكو واحد مايعرفنه ماتوسط في سبيل بابا يوافق نتشرت سالفة ليال لذياب هنا مي بارد ونزل على كلبي بعد محد يكدر يفك حلكه وبابا تخبل وخابر ذياب ويكوله شلون تطلع هيج سالفه كاله هو من الماعرف اني رايد ليال صار سنتين اخطب وماكو وانتم قافلين وصدوك جان حجي ذياب مكانه هو اكو واحد مادره بذياب خطب الف مره ومعه هذا ولا مل من جنت اشوف اصراره اتخبل عليه واعشقه بزايد بس اؤؤف يمرت اخو جانت تموتني بحجيه مره كاعدين وجان طلع فستان وشال وحذاء تكرمون وجنطه ومعطرات ومكياجات مو هنا القهر القهر من كالت ذياب جاب ذني ودنت يمي شاورتني كالت مو انتي حبيبته يجيبلج هيج شي هي يالله شوفي شلون يعرف قياسي فدوه ضابطني كوه لزمت دمعتي وكتله تدرين لسوي هيج وتكول فلان حافظ جسمي بس الك٠٠٠٠به ضلت صافنه بوجهي واني صح اول مره احجي هيج حجايه بس رتاحيت كتله لصفنين حبي ومره ثانيه نتبهي لحجايتج اني حبيت انبهج لان الناس هيج راح تكولج مو اني اكولج حسيته فشلت وكتله ب العافيه بس والله احسه كرهته بروحه من قصفته وشافتني مامهتمه ورجعت ردت اغثه ب الاكثر كتله شايفه الحجل البرجلي كالت اي كتله كافي حبيبي صاغه الي صياغه ودنك بكل فخر ولبسه اليه هذا عندي يسوه الكون خل يفيدج تفكيرج خليت عيونه كلبن بطول خطيه(شكد خبيثه لعد عمي كلشي ولا احد يتقرب لذيبها تتحول البت تصير متوحشه ) هههه لعد بس اني تقهرني رديتله الصاع صاعين وموتته بدمه واني ادري بيه راح تتخبل على الحجل لان هي تموت على التفاخر والذهب تحب اشوف نفسه اعله من البقيه اني مضايجه اذا هو جابله او لا كافي عليه هو بحياتي هاي اكبر هديه بس المضوجني والقاهرني من تحجي عليه تكول حبيبته لو عده شي وياهه يعني تخلي المقابيل يحس بيناتهم شي رجعت للبيت واول موصلت خابرت ذياب كتله ونترت بصوت اي ذياب بيك حافظ الاجسام كال اسم الله بنيتي وعليكم سلام الحمدلله عود بسمار شلون هديت بي كبل ههه ميدري بيه لو اشوفه اشرب من دمه لا ومن كول عقله من كال هيج مثلا راح الزم الساني نهديت وبعد ماسكتت كتله اي استاذ ذياب تركض وره النسوان يعني شلون بله اخلص من وحده تجي وحده نرجس تجي الماما تكوله خل ليال تعوف ذياب وسحر تجي تكول ذياب عنده علاقه بيه وهسه مرت اخوك المصون تلمح تلميحات مو حلوه اسمع صون ضحكته على كيف كتله لالا ليش تضحك بصوت ناصي ابو البنات هنا هو علت ضحكته ويمكن ختنك على كد ما ضحك كتله اي اضحك اني اروح وانت روح شوف حيباتك ومعجباتك