مرحبا لولواتي
❤❤❤
طبعا اعذروني عن التأخير بس اكيد اني اذا تأخرت الي عذري وياي يعني ماانقطع عنكم هيج بلا سبب بس خلص اشتراك النت وحاليا مكنكنة على مبايل اخوية
عرب.. اتخذت قرار بخصوص جمرة لان الي يخون والي يطعن بالضهر هذا مالازم ينترك هيج
وقراري جان اموت جمرة وهي عايشة بالحياة يعني اوصلهة لمرحلة هي الي تسجن روحهة وتعتزل عن الحياة وهذا اصعب شي يواجه الانسان يعني ميتملك اي شي فقط كاعدة بين اربع حيطان
وابطلهة عن الجامعة جمرة مستحق كل هل تقدير مادام هيج سوت. مستحيل بنية زينة تخون زوجهة ومهما كان سبب الزواج
معقولة هي جانت تسطنع الشرف والعفة والاخلاق وباطنهة يختلف
صح اني وية جمرة علاقتي مو كلش قوية وياها بس جنت اضن انو هي بنية زينة وخلوقة بحيث ماجنت انبش وراهة بالكلية واراقبهة وانغص عليهة يومهة لان اني بطبعي اذا ثقيت بشخص بعد هاهية ثقتي ويا عمياء
وطبعا مو كل الاشخاص فقط علي والحجي وجانت سابقا جمرة بس منا فهمت اوادمي زين
واكو اشخاص يضلون يلحون على زوجاتهم ويراقبوهم بالكلية وهذا باوع الج وهذا شافج ويدعون الغيرة بس همة فاهمين الغيرة غلط اذا انت تحب زوجتك يعني عندك ثقة بيهة مادام عندك ثقة بيهة انطيهة اهمية بحيث تحس روحهة من صدك انت ثاق بيهة
بس اذا متثق بيهة لا والله كل الشغلات مسموحة الك لان منكدر ننكر انو احنة رجال شرقيين ومنكدر نسيطر على اطبعانة والي هي الغيرة وغيرهة وغيرهة
واني عن نفسي جنت خطأن من وثقت بجمرة لان من يوصلن الك صور وزوجتك بحالة موحلوة شيبقى براسك وياتفكير يخطر على بالك وهم الك قابلية تتحرى عن الموضوع قبل لا تتهور
طلعت للشارع واني ضاق نفسي كللش ومااكدر اتحكم باعصابي من اذكر الصور واذكر شلون تكذب علية بكل عين صلفة بس وكعت بالشخص الغلط اني ماشادلي گرون حتة اخليهة براحتهة تسوي شغلات من وراي واني اسكت
.........................
يقين.. مرحبا اني يقين عمري ٢٠ بگد جمرة
تعرفوني كلكم اكيد😑
المهم اني ماعندي اخوان ولا خوات لذالك تعلقي بجمرة مو مثل الاصدقاء لا لا يختلف يعني الكل يحسدنة على صداقتنة وقوتهة وحدة تكمل الثانية
اني اخذت اطباع من جمرة وجمرة اخذت اطباع مني
نشارك حزنة سوة وماانام الليل اذا ماابجي على حالة جمرة لان بالواقع حالهة يقهر ويبجي اكثر بكثير من انتو جاي تقرو
بس بعدهة بقوتهة وهاي احلى خصلة بيهة البعض ينتقدهة بس هي هاي شخصيتهة واني بنضري الصعب احلى من السهل
