البارت الثاني عشر

4.2K 221 12
                                                  


ام مصطفى ..والله يا احبيبات هاي التسئلان عنها
تكون
ام حسين ..انه خفت من اقبال لا تحجي لان شفتها داخله حاميه جن تريد تكول مرت حسين تكون
والناس تبدي تاكل وجهنه
جان اسكتها ابساع
اكول اقبال وين بناتج شو خانسات
اقبال ..الصدك ردت اكول هاي مره حسين للنسوان ولفها السالفه ع عمتي
بس هي سكتتني وما خلتني اكمل
وطلبت مني اجيب علاكه الادويه من غرفتها
واللهم عمتي هم ما ينكدر الها
بس اني الكم والله لخلي العالم تاكل وجه حسين ع سالفته هاي
جا يرفض اختي الجنهه جنبده شطاره ونداره وهمه
وياخذ هاي المصعلكه بنت بغداد
الخمه الماتعرف حتى تسولف وتكعد ويانه
ام حسين ..والله ياربي صرنه في موقف ما ننحسد اعليه
استحي اكولان هاي مرت حسين لان صغيره وحسين منبه علينه مانكول .
بس لا صار شهر والبنت عدنه وباجر تحبل شنكول للوادم
لازم اليوم احجي وي حسين وخلي يعلن زواجه منها كافي بعد
اقبال ..من حاجاني حسين ع ورده اني زاد كرهي الها لان طلعت مو خوش وحده فتانه
هاي معناها كل صغيره وجبيره توصلها الحلك حسين واحنه مثل الثولات كلشي نحجي كدامها
بسيطه اني اعلمج ياورده اذا ما خليتج تتمنين تشوفين حسين اني الج يابنت بغداد ورده .صار الليل حضرت العشه ويه اسماء
وغسلت الماعين
اسماء ..اكلج ورده مصار عندج حمل
ورده ..لا بعد
اسماء ..عادي حبيبتي انتي توج عالزواج وبعدج هم صغيره ما اصور هسه تكدرين تحبلين
انتي شكد عمرج
ورده توني فتت ١٤ صار شهرين
اسماء..يا بعدج حيل صغيره طفله
بس ما شالله شكلج وجسمج يدل ع انه انتي مره
الله يحفظج
ورده ..تسلمين عمري .وانتي هم مقاصره مثل الكمر شكلج
اسماء ..يابوي راحت علينه وكبرنه
ورده ..لا والله الحلوو حلوو لو يكعد من النوم ع كوله حسام الرسام
اسماء ..هذا منو حسام
ورده ..مطرب عراقي شنو متعرفي
اسماء ..لا والله وين الحك اسمع او اشوف تلفزيون
انتي من جيتي عدنه الحد هالوكت لحكتي تتفرجين ع شي
ورده ..لا والله اهنا حياتكم حيل تختلف
ام مصطفى ..وشبيها حياتنه معاجبتج عيوني 😏
ورده ..عاجبتني☺ وهواي وماريد اعوفها ابد 🙂
اقبال ..اي ليش متحبيها لعد قابل ماخذه العامل انتي
شو مزوجه الشيخ مالنه
وبيدج الحل والربط
جا مو مثل حالنه لا والبنوات ميتات عليج جنج ساحرتهن
ورده ..شنو هالحجي هذا ..اكلج خاله يمكن انتي ميته غيره مني
اقبال ..وخلخاله مو كتلج لتكولين خاله ياكزه انتي
اسماء ..هاي شمالجن شو كلبتنها عركه
لا زلمجن يسمعون وترحن بيها انتن الثنين
خلني اطلع من يمجن احسلي وسترلي خليني احافظ ع مكاني وزوجي
ورده ..اخذيني وياج اسماء لان الهوه انكطع بالمطبخ
اريد اتنفس ورده ..طلعت وصعدت الغرفتي بس واني بالمطبخ وعيون ام مصطفى مشالتها مني الصراحه اني خفت منها حيل
حسيت بيها جاي تخطط في راسها ع شي او ع مشكله توكعني بيها
ف اجنبتها وما ردت احجي وياها ابد
بس هي جلبه كوه خلتني احجي
ياربي بديت احس روحي تغيرت اخلاقي ابسبب هالمخلوقه
صعدت وبديت ارتب جنتي وحضر ملابسي
علمود روحه بغداد
كملت وفتت غسلت وسويت الكالتلي عليه عذراء البست سيت لونه سمائي مثل لون البحر
ولون عيوني مثله وخليت حمره... حمرة اول مره استخدم احمر شفاه وضربت شعري سشوار
شفت حالي بالمرايه واااااااو
معقوله هاي اني 😁😁😁
هسه يشوفني حسين ويبدي يحبني
يارب سهلها عليه
وكعدت انتظر حسين لساعه وحده وما اجه
كمت ع التلفون اريد اخابر شفت رساله دازها الي حضري ملابسج علمود الصبح اخذج البغداد

عشگ طفله (مكتمله)حيث تعيش القصص. إكتشف الآن