مرحبا لولواتي
❤❤❤
عرب.. ضليت افكر كل الليل اني خطأت من ازوجتهة واريد اصلح خطأي والتصليح هو تلبية القرارات الي تريدهن جمرة
اني سابقا جبرتهة على الزواج مني علمود ابني بس بعد مااكدر اجبرهة اكثر
ولا الي الصلاحية حتة اجبرهة لا احبهة ولا تحبني
ومادام عدهة بيت عم وبيت جد اكدر اأمن عليهة يمهم
وخلي اشوف حياتهة اني قيدتهة وهي طلبت افتح القيود ومااريد اصير ظالم اكثر من هيج
ماانسى وكفاتهة وياي وهي الي ساعدتني انو ارجع لامي بس هذني مو اسباب رئيسية حتة ابقيهة يمي
ولو هي ماطالبة الطلاك ولو جان ماعدهة احد مااقبل اطلكهة اصلا
انتضرت تطلع الشمس وهي فزت شافتني كاعد يمهة
عرب..جمرة انتي طالك حضري نفسج حتة نروح ونفسخ هل زواج
عفتهة وطلعت من الغرفة جانو الكل نايمين كعدت ورثت الجكارة
وفكرت باحوال جمرة بعد ماسمعت خبر طلاكهة راح تزعل لو تفرح بس اكيد تفرح لان جان حلمهة انو تتخلص مني وهسة تحقق حلمهة
بس ياترى بيت جدهة زينين وياهة؟؟
شلون راح تعيش
صح اني ماكونت علاقة وياهة بس صارت عشرة بيناتهة سنة كاملة احنة بنفس البيت وبنفس الغرفة حبيت شخصيتهة وحبيت قوتهة وان شاءالله متفقدهن ومتنكسر
نوعا ما ضجت لان راح تروح بس اني حقيقتا مااتأثر بهيج مواقف هواي
جمرة..فزيت من النوم وجانت اول كلمة اسمعهة هو طلاكي مااعرف بس جانت اسعد دقيقة بس مو اسعد يوم
فرحت اتخلصت من الذل الي عشتة محد راح يحس بية الة المجرب مثل حياتي
ذلة بمعنى الكلمة نتر وصياح وأمر وتكبر وغيرها وغيرها
تحملت وماتهورت وانتضرت تخلص السنة بفارغ الصبر واليوم من طلگني مثل الحمامة وطلعوهة من القفص
للحضة اذكرت اني راح ارجع لبيت اضلم لبيت نهدم بالنسبة الي لبيت مابقى بي اي احد لا امي ولا ابوية
تلاشت ابتسامتي من وجهي وتبدلت الابتسامة الى دمعة
واني اذكر قبل من اكعد الصبح وابوية موجود ونتريك سوة بلعومي تجرح
واحس غصة موجوده بداخلي متروح اريد اصررررخ بعلووو صوتي اريد اروح لمكان فارغ وعلى ساعة تجي الي امي ويجي ابوية وارجع للمدرسة ويقين وياي وبالي فارغ من كلشي
بس للاسف كل هل احلام تركني وراحن وبقني وحيدة اصارع الموت
كمت بسرعة شلت الفراش الي هاي اخر مرة اشيلهة
