البارت الحادي عشر

ابدأ من البداية
                                                  

رده ..رجعوا كلهم والحمدلله خالتي زينه عذراء طلبت مني اسوي عصير بطيخ الخالتي
رحت عصرته وجبتله الها خليته كدامها
تفضلي خاله
ام حسين ..شكرا يمه
شفتها مرتاحه استأذنت وطلعت
اصعدت فتت للغرفه موجود حسين  هوه صح ميحجي ويايه من هذاك اليوم من ضربني  واني هم ما احجي وياه بس اكوم ابكل واجباته
دخلت للغرفه علمود احضر اله الحمام كالعاده مشيت من امامه
حسين .تعاي ورده
هاااا حسين تريد شي
حسين .اي تعاي كعدي اهنا
ورده .اي جايه بس احضر الحمام
حسين .لا عوفي هسه
ورده .شفته لح رحت وكفت كباله
حسين .كعدي
كعدت
حسين .شوفي ورده الباجر راح اخذج البغداد تشوفين اهلج بس متفتحين حلكج يمهم شنو يصير ابينه لان من اسمع ازعل منج هاي اولا
ثانيا متبقين هواي يومين والثالث نرجع
ورده .من سمعت راح اروح وشوف اهلي
طرت من الفرح وكمت اكمز شفته ابتسم ورجع كعدني عالجربايه
بس الي ضوجني من كال ابقه يومين وبس واني اريد ابقه يمهم اسبوع لان حيل مشتاقه الهم يارب خلي يوافق ابقه اسبوع
.وحجيت وياه حسين عفيه اني حيل مشتاقه الهم ميكفيني يومين خليها اسبوع عفيه حباب الله يخليك
حسين .طلبها صدمني من كالت اسبوع معناها ما مرتاحه يمي
وتوسلها علمود تبقه خلاني اقبل بس اخليها ٣ ايام لان اني ما اكدر ع فراكها
صح ما اتقرب الها بس من اشوفها يمي ونايمه ابغرفتي احس الدنيا تضحكلي
كتلها لا اسبوع هواي ابقيج ٣ ايام لان اني عندي شغل هواي فوك راسي
وهاي دشوفين ابعينج اطلع الصبح ارجع تالي الليل ف لتلحين عليه هواي زين
ورده .بعد ما اكدر احجي لان اخاف الح ويحرمني من الروحه بعد
ف كتله موافقه ابقه ٣ ايام بس اريد اطلع هسه اشتري الهم هدايه
حسين .العصر اخذج للمول وشتري الهم اليعجبج
روحي هسه حضري الحمام
اي حكوم ..كمت واني ممصدكه حروح البغداد
طايره من الفرح دكات كلبي ما تنعد
صارت فوك الميه كل دكه
كمت احسب الساعات شوكت تنتهي حضرت الحمام وكتله
ونزلت شفت عذراء جاي توكل خاله شوربه وتحجي ويها
ام حسين.. تكوللها احس روحي حيل تعبانه كعدت يمهم وجان تسألني عذراء
عذراء .ورده ..ما فاتتج
ورده .شنيه ما فاتتني
عذراء .الشهريه يعني ماكو حمل بعدج
ورده .لا ماكو
خاله ام حسين .يمه صدك شو طولتي لازم اخذج لدكتوره ونشوف شنو السبب
ورده .كلشي بيد الله هوه اليرزق
عذراء .صح حبيبتي بس انتي هم ميصير تسكتين لازم تراجعين
ام حسين .عذوره اني ختنكت حيل من كعدت البيت اني كايمه للطرمه اشوف التمرايات ما استون
اي يمه بس ديري بالج من النحل اليطير بالحديقه لا يكرصنج
ورده .عذراء انتي تعرفين اني شكد احبج وكلشي احجيلج وما ضم عليج
عذراء ..اي صح كولي اكو شي تردين تحجي
ورده .اي اني وحسين مزاعلين وصار فتره ما نتحاجه وماعرف شلون اراضي
عذراء .اني اعلمج حبي
..اليوم سبحي وطلعي لبسي سيت نوم حلو لونه كون
وبي حركات وابدي تقربي وتغازلي بحسين وهوه يراضيج
ورده .بس اني ابد ما البس سيت من انام كله بجامه من اول يوم زواجنه
عذراء .عزه ابعينج ليش ولج مو انتي صغيره وحلوه ليش حارمه نفسج من السيتات هوه اكو احله منهن الخاطر الله
ورده ..لا بس حسين ميكلي لبسي ولا ينام يمي
عذراء شنوووووو
ورده ..عفيه عذراء لتكولين لحد هذا الكلام الله يخليج
لان حسين موصيني ما احجي والله اذا سمع اني حاجيتلج ابمكاني يكتلني خلاص
عذراء ..لا حبي ما كول بس انتي سولفيلي هوه حسين اخذج لو لا
ورده ..شنو اخذني تره اني ماعرف ابهاي الامور
ولا سامعه عنها عفيه عذراء فهميني
لان مجاي افهم شي من كلامج قبل شويه تكوليلي فاتتج وهسه اخذج يعني شنو
وكعدت عذراء تحجيلي وتفهمني شنو هاي الامور واني هسه يله افطنت
وكتلها هذا الكلام الكلتيلي كله مصاير ابيني وبين حسين ابد
لان هوه ينام عالقنفه واني عالجربايه .
.تخبلت عذراء من ردي الها ومصدكت وكالت حسين جان اموت حاله عليج
وهاي باقيه يمه شهر وهوه ما متقربلج ولج انتي صدك عوبه وزعطوطه ومتفهمين شي
اليوم تروحين اسوين كلشي الكتلج عليه والباجر اجيبيلي البشاره يا .........
ورده ..ظليت افكر ابكلام عذراء معقوله هيج يصير ابين المره والرجال
شو لعد محد كلي اكو هيج ومحد علمني شو خالتي بس كالتلي لتعيطين ولتخافين لان هذا مصير كل ابنيه
بس ما كلتلي شنو يصير ابين الرجل وزوجته عزه اصخام شكد عيب
والله زحمه هل شغله اني حيل استحي شلون اروح لحسين وكله اريد اكون زوجتك والله شغله واكفه حيل
صاحتلي
ام مصطفى تعاي ورده صبينه الغده وروحي صيحي حسين يروح يتغده وي الزلم
صعدت حسين صبوا غده انزل اتغده
حسين .لا ماريد انزل صبيلي شويه وجيبي الي للغرفه
لان جسمي تعبان حيل ما اكدر اتحرك بعد
ورده.. اي صار نزلت ورحت اصب اله وهم اتلكتني ام اللسان اقبال
عيوني هاي المن صابه
ورده ..صبيت لحسين تعبان يريد ياكل ابغرفته
اقيال .اي ليش لا نسوان يحكمن
ورده .نداريت عليه شنو قصدج داكلج تعبان .
وانتي هم شيخصج بي
قابل هوه زوجج وشايله همه
سمعتني خاله ام حسين ..لج و

عشگ طفله (مكتمله)حيث تعيش القصص. إكتشف الآن