مرحبا لولواتي
❤❤❤
اتفاعلو وعلقو بفقرات القصة
بعد مامرن ٣ اشهر عرب فتح تجبيرة رجلة وصار احسن
قبل وفاة والد جمرة
جمرة.. كمت غسلت ودخلت للغرفة جان عرب كاعد على القنفة
عرب.. انطيتيه العلاج
.. اي انطيت العلاج لعمتي رحت كعدت يمة
جمرة.. عرب ليش انت هيج وية امك
.. شغلات انتي متعرفيهة
.. اي احتمال اني مااعرفهة بس هاي اني صارلي اقل من سنة باسبوع عايشة وياكم وعرفتكم وامك حبابة كلش
..اعرف
..لعد ليش متحجي وياهة ترة والله تتندم الام متتعوض ابدا غيرك يتمنى بس يحجي وية امة بس يشبكهة وماكو انسان ميخطأ وامك خطأت انطيهة مجال اتصلح خطأهة
..هسة هذا كلامج كلة لان انتي مامرة بهيچ الحالات ومواقف لذالك تحجين هيج
.. عرب بس سؤال الى متى انت تبقى هيچ وية عائلتك؟؟؟
..لحد مااالله يفرجهة
..ماكو هيج حجي الله فارجهة عليك وديكول امك يمك والباقي عليك وانت بكلشي متتقدم الانسان كلشي يصير بي وامك حاليا مريضة الله لا يكولها بس كلشي يصير وانت بذاك الوقت راح تتندم
..واعيدهة مرة ثانية الج انتي مامرة بهذني الحالات انتي عائلتج هي الي ربتج ويحبون لذالك تتفوق عاطفتج من تجيبين طاري الاب والام امان اني عكسج
..والله اعرف وحقك وابوك بعد هو وربة يتحاسب واكيد رب العالمين مينسى الظلم الي انت تعرضتة بس امك اخذت جزاتهة بفراقك متشوفة شلون كل يوم جاي تذبل
.. اني كلت الهة اني بطريق وهي بطريق مجرد جاي ائدي واجبي تجاهة فقط
..بس هذا مو عدل هي هم تريد تفرح من تحجي وياك من اطلعون سوة من تتناقشون هم حقهة
..هي بيدهة فقدت هذا الشي والة اني جنت بين ايديهة وهي الي خسرتني
..لان خافت على حنين
..للعلم تكدر تأمن على حنين يمي اكثر من يم ابوهة
..هي خطأت انطيهة فرصة وانطي لنفسك فرصة
..يعني هسة بنضرج اني غلطان
..لا مو غلطان انت هم حقك بس انت الي لازم تبادر الاولاد همة الي يطلبون الرضى من الاباء اذا جانو على غلط وانت هسة مو غلط بس تعرف لو هسة انت هيج تسوي وتبادر وتكسب رضا امك وربك شكد تحصل حسنات وشكد يعلى مقامك
..تتوقعين اكدر انسى؟ واني بمرور ال١٠ سنوات الراحن كل يوم افكر ويزيد حقدي اكثر واكثر
