#رواية_انت_مصدر_الامان
الكاتبة مرام حمد
#الحلقة_الثالثة
نزلت بنشرب اميه
حسيت في شخص ورايا
سند: شن امنزلك هل الوقت وليش ساهره
اني: مدخلكش فيا
سند هو ايقدم وانا انوخر لحد ما لصقت في الحيط الحق خفت منه
سند في شي جدبني ليها اعيونها وشعرها ماعرفتش شن الاحساس بس ما قدرتش نرفغ اعيوني من عليها
لقيت روحي لقيت روحي كل اشويه انقرب منها وانشوف في ملامحها جمال حطيت ايدي ع خدها وانشوف في اعيونها الي رفعوني لمكان تاني
اني : هبل انت وخر عني
سند 😳
سند لمة سمعت صوتها فقت ع روحي شن اندير : اطلعي بسرعه معاش تنزلي بشكلك هكي
اني شبحة روحي شن لبسه الحق تحشمت وركبت بسرعه
اني:خزي حقير شن ايفكر مايتحشم
خشيت القيت البنات رقدات
ورقدت 😴😴💤
سند انت غبى شن الي درته بنت عمك ليش درت هكي وانت عندك حبيبه غلط وعيب الي درته بس هي الغلطانه حوش في شباب ماتنزلش بشكل هذ. لكن اول مره انركز فيها حلوه. فيها جادبيه الاول ماشفتها
مقدرتش انقوم جمالها اووووووف 😩😩😩😩😩😩 شن انخرف انا
💤💤💤💤💤💤💤💤
يوم اجديد وصبح جديد
بابا وعمي وفرو المبلغ وجهزو الروحهم
بابا: هيا عبدالله وقت علينا
عمي عبدالمهيمن: بنمشي امعاكم
بابا: لا انت اقعد فحوشك مافيش داعي
سند: عمي بنمشي امعاكم كيف تمشي ابروحك
هذي مافيه مش لعبه
بابا: عارف ياولدي هكي احسن
معز: بس بابا
بابا: خلاص انهو الكلام هيا عبدالله وقت
معتز: لمه توصلو كلمونا وخلي السبكر مفتوح
عمي عبدالله: تمام. مؤيد وين من امس تليفونه مقفل
سند: حتى امس ماروح للحوش
معز: توا انشوفه ماتشغل بالك ياعمي
عمي عبدالله : بارك الله فيك يا اوليدي
بابا : في امان الله هيا
طلع بابا وعمي للمكان المتفقين عليه امع المافيه
وصلو المكان ونزل بابا وعمي. لقيو الرجال المافيه املتمين في كل مكان نزلو اتنين من المافيه وامعاهم امير. تبادلو وعطوهم افلوسهم هم ركبو ف سيارتهم وطلعو. وركب امير وعمي وبابا روحو
وصلو للحوش سلم عليه عمي والشباب وطلعت مرت عمي عزيزا اتزغرت وفرحانه بولدها سلم عليه خواته
وفات الوقت
واما في حوش عمي
انا والبنات درنا نسكافي و كيكة درتها شهد
قعمزنا في اللجنان ونهدرزو
شهد:يابنات معرفتش شن نلبس يوم الخميش
اني : شن فيه الخميس
شهد:يلعن شكلك امالي وليد بيجو ايشوفوني
هنادي: اطلعي للسوق
شهد: تمشن امعاي
اني:امتي بتمشي
شهد:بكرا
اني: توا انكلم بابا بعد ما انروح من الكلية
هنادي:اني بنمشي امعاكن
هند: حتى انى
هدى: طبعا حتى انى انتن ديما تمشن عني تحسابني صغيره اتخلن فيا امع امي
هنادي:😂😂😂 انتي ابروحك ماتطلعيش امعانا ديما امع اقريتك امقدستها
هند:حياتها كلها قرايه
شهد: بتجن الخميس صح يابنات
اني: اكيد كم شهد عندنا
هنادي: تصفح ع فيس يابنات شوفن معتز خويا صفحة امعبيه بنات وايعلقن
هند:😨
اني: بكل خويا الله ايكون في عون الي بتاخده
هند: تافهات اشحي كلبه شن كاتبه ربي يحفظك يا اعيوني والتانيه ناعليا منك اتجنن والله لو يطلقوني عليهن انريشهن
كلنا انشوفو لي هند كيف اتكلم وامعصبه
هنادي : وانتي شن حارق دمك 😏
اني: ههههه مكشوفه عرفنك اتحبيه
هند 😳😳: لا مانحبه
شهد: تكدب عليكن اقسم بالله اتحبه وباين من اعيونها 😂😂😂😂
اني: كنت حاسه
هنادي: خزي انا صاحبتك متخبريني ديما تسالي فيا من جابك للمدرسه ومن امروح بيك
هند: خلاص اسكتن فضحت بيا
اني: لو حق اتحبه حاربي قبل لا تاخده وحده منك لحقي علي عمرك
هند: كيف اندير به
هنادي: يا مرت خويا المستقبلية فكري بعقلك
لازم تجذبيه ليك
اني: سلم اختي الشاطره علمي مرت خوك 😂😂😂
شهد: اهتي احماره ماتفهم شي
والله لو انا كان طيحته من زمان
هند: شن تبني اندير نمشي انقوله انحبك مثلا شن اتخرفي انتي كان ماجاني ابروحه مستحيل انكلمه
اني: كان هذ رايك يااقعادك اقعدي صفقي وارقصي في عرسه
هند 😢😢😢
هنادي:انتي حاولي اتلمحيله او تغريه ولا تجدبيه ليك
هند: الحركات هدين مانحبهمش
شهد: كلميه ع الفيس ب ايميل مجهول
هند: الله فكره
اني: انتي جربي
هند: توا انجربها
هنادي: 😂😂 والله نبيك اطيحيه خير ما ايجبلنا وحده كيف بسمه
هند: 😂😂😂بكل مرت خوك هذي مانحبهاش
اني: من توا غيرات السلفات بدت
شهد: ريتي ياما يطلع منك
شهد: هنادي انتي ما ادوريلك واحد
هنادي : لا فكني منهم مافيهمش تقه
اني 😂😂😂😂😂: قولي من الي امه غاضبه عليه ايطيح فيا
هنادي:😢 خزي مش لدرجه هذي
اني :ماتمشيش امعاك البرائه
شهد وهدى 😂😂😂😂😂
وهند في عالم تاني خلوها
اشويه خشن بنات عمتي ناديه شذى وندى ونجاح ومنتصر
شذى: خزي مجتمعات من ورايا
ندى: ريتي يما يطلع منهن
منتصر : شنجو
كلنا تمام وينكم مختفين
منتصر : والله قاعد غير انتم ما ادورو
ايتكلم واعيونه ع هدى
اني: بشويش ع اعيونك ما بطير هي
منتصر 😂😂😂😂: انتي ماخليتي حد في حاله
شذى: زرقين عليه خويا من زمان
منتصر: لمي فمك قبل ما انخربه ليك
شذى: عيب ياخويا قدام كنتا اتكلم
ندى : برا اطلع هيا قريب تاكل البنت
هنادي: 😂😂😂 فضحوك
منتصر: تعطوني هدى نطلع بيها تمام اما هكى مانطلع نمله اعيوني قبل
نجاح : مصح وجهك اطلع ولا انكلم بابا
شهد: بشويش ع الولد وانتم نازلين عليه
منتصر: اهي تفهم في الجو
اني: برا اطلع مصح وجهك
هنادي: اشح هدى وجهه احمر
حشمت البنت
منتصر: هاني طالع بس امخلي قلبي امعاها رد بالك منه ياهدى 😘
ندى: الحشمه انقطعت بالك غلطانين انت مش خويا
منتصر: باهي اتشوفن عليها دورن من يرفعكن مره تانيه معتصم وعارفاته مايرفعكمش 😜
هيا سلامات ياقلبي وطلع
هند: ريتي خوك ما يتحشم
هدى: اصلا عارفه ايحبني من اعيونه لمه ايشوف فيا ديما
كلنا 😨😨😨😨😨😨 شنو
هدى: شن حرام كان حبينا
هنادي: العب قعدت فيها انا وشذى وهديل وندى مسكينات ولا شنو حتى انتن
ندى:انى لا بصراحه
شذى: ولا اني
اني : 😂😂😂😂 حق ربي مهبولات
هند 😂😂😂😂 شكله يوم العالمي للعترافات
امبدري لبساتني و توا هدى. من بعدها
جاري قبول الصدمات 😂
شذى: وانتي خيرك
هنادي:طلعت الفانص اتحب معتز خويا
شذى :احلفي
هنادي: الله العظيم
ندى: ياما يطلع منكن
اني: اي ايخوفن
هنادي: تشربن نسكافي
ندى وشذى: اي تمام
هنادي: وانتي نجاح
نجاح : منشربش فيه جيبلي قهوه
هنادي:تمام نوضي هند امعايا
هند: امشي ابروحك
هنادي 😂: ضيفه في حوشكم اني
هند: امشي بلا ادرمه زايده
هنادي: باهي ياحقيرا اتشوفي والله لمه انحرش خوي عليك
هند: 😂😂😂😂
طلعت هنادي للمطبخ
اما عندنا برا
وقعدن انهدرزو. اشوية ايخش مؤيد ايده امجبسه سلم علينا
شهد 😭😢: خيرك اوخيي شن فيك
هند 😢: توجع فيك اعيوني شن صارلك
مؤيد: فكنا من الدرمه مافيا شي حادث بسيط ماصار شي
اني بنخش نرقد ماحدش اينوضي
خشت للمطبخ بيشرب اميه القي هنادي داخل
هنادي: 😱 مؤيد خيرك
مؤيد: شي حاذث بسيط عطيني اميه بنشرب
هنادي 😢😢😢😢: كله بسببي انا الي عصبتك وخليتك تجري بسياره كله بسببي
مؤيد معرفتش ليش بعد شفت ادموعها وهيا تبكي بسرعه ضميتها ليا تمنيت يوقف الوقت مايمشيش
تقعد طول الوقت فحضني رغم طول السانها والله انحبها
مؤيد: يا مهبوله خيرك تبكي
هنادي: شفت شن صالك بسببي سامحني والله مش قصدي انعصبك
مؤيد: حصل خير انتي زي اوخيتي معاش اديرهن حركات هذين ولا اطولي السانك
هنادي لمه قال كلمة اوخيتي مانعرفش شن الي صارلي منها الكلمه اوعيت علي روحي وطلقته
هنادي: حمدلله ع سلامتك مره تانيه دير بالك ع روحك
مؤيد: تمام ان شاءالله
عطيني اميه ساعه انراجي فيك
هنادي صبيتله اميه شربها وطلع
هنادي ليش وجعتني كلمة اوخيتي انا 😂😂😂 اني انهبلت انكلم في روحي
مؤيد .............
وصال : تمام اتفقنا
.....:تم
#يتبع
تفاعلو ونبي انشوف تعليقاتكم بخصوص الروايه و احداث الحلقة الرابعه مشوقه و انشوفو شن ايصير
وشن اتخطط وصال لهنادي. وهديل شن ايصر فيها
كلهن تعرفوهن الحلقات الجايه. مع تحياتي مرام ❤
