سلام عليكم
❤❤❤
جمرة..لا لا مو لهل درجة
فتحت الباب وشفت ملابسي كلها مطشرة ورنا لابسة ثوبي بس نازعتة للنص ونايمة على عرب
رنا..عززززا لججج متعرفييين هاي غرفة مزوجين شلون ادخلين هيج بسرععععة
وجرت اللحاف وتغطت
عرب..شكوو شكوو صياحجن وين واصل
كام وهو يفرك بعيونة ويعدل بشعرة
جمرة..ماجنت ادري انتو هنا ومن كلت الي جنطتي بغرفتك اجيت حتة اخذهة
عرب..اي وشصار
رنا.. شنو وشصار هاي غرفة متزوجين واحنة نايمين وهي دخلت بدون لا احم ولا دستور
عرب..انتي شجابج هنا رنا؟؟ اني اجيت انخمد شوية وشنو هاي شلابسة شووو دكومي من يمي
رنا..هاي شبيك مو انت صحت الي وكلت مشتاقلج؟
...لا حبيبتي لا صحت الج ولا هم يحزنون شبيهة مخبل واصيح الج عندي گمر واصيح الهة ورفع راسهة وغمز الجمرة
جمرة..اكلكم ترة اني تعبانة اريد ملابسي واطلع انام
كامت رنا وهي مزعوجة وطلعت من الغرفة
عرب..شلون تحجين هيج كدام رنا هسة تعرف احنة زواجنة مو بارادتنة
وليش تردين تطلعين انتي تردين الكل يعرف بينة مامزوجين؟؟
جمرة..اكلك بس لا تريد انام يمك تحلم
اني اريد غرفة وحدي
عرب..اي هاي غرفتج قابل راح اكلج
جمرة..عرب مو كلشي تريدة لازم يصير ورجاءا من تحجي وياي البس فانيلا
..والله عاد اني بكيفي مااحب البس فانيلا واني نايم
.. اي عود بكيفك بس كول الي اكو غرفة فارغة؟؟
..اي بصف غرفتي
..شكرا اخذت جنطتي ورحت للغرفه جانت نضيفة ومرتبة لبست تراكسود ونمت على السرير
هاي اني وين وليش هيج صار بحياتي البارحة جنت مخطوفة واليوم مزوجة
وازوجت من انسان حتة مااعرفة شنو او منو هيج اجاني وجبرني على الزواج
يمكن يطلع مجرم او قاتل او شراب عرك اني وين انطي وجهي وشلون اخلص منة
زين شو اني عفت ابوية هيج منو يطبخ الة منو يغسل ملابسة منو ينضف الة البيت؟
لا اراديا غرغرت الدمعة بعيني واني لاول مرة انام بمكان غير غرفتي احس المخدة مو نفسهة مخدتي الي تتحمل كل همومي وهي الوحيدة الي تواسيني
ضليت ابجي وامسح بدموعي وينزلن اكثر لحد ماوجعني راسي خليت وجبرت روحي ونمت
عرب.. يبووو همزين طلعن ميجيبن غير وجع الراس وحدة كتلتني بكرامتها وخشمها يابس
