زين العابدين (باللهجة العراقية)

الفصل التاسع

❤🤲❤

فاعشقيني لدقائق..
واختفي عن ناظري بعد دقائق
لست أحتاج إلى أكثر من علبة كبريتٍ
لإشعال ملايين الحرائق
إن أقوى قصص الحب التي أعرفها
لم تدم أكثر من خمس دقائق...

❤❤❤❤❤❤❤❤

* نزار قباني

#####################################

الله
والله طيبة هاي الأسبريسو ، تدري باجر راح ابدي اصور ويه البطل الثاني .. البطل الشرير هه هه والله مسخرة ، بس إله فلم يكسر التليفزيون والسينما...

الووو لك ليان ،،، يول ،،

صح ليان من شروده : ها ها شبيك متكلي .. أجنت تكول

زين : انته شبيك ، هاي ويامن احجي صارلي ساعة ، ويه الحايط .

ليان : مابيه شي .

زين : إله بيك .

ليان : زين اني ، اني ..

زين : لك شبيك جلبت اني ما اني بس لا متوتر هاي صدك تحجي ، لا سالفتك مو خالية ...

ليان : اني يمكن حبيت !

ضحك زين بقوة وهو يخلي ايده عله وجهه : لك لا هههه بس لا صدك ... تدري شكلك هسه ذكرني من جنه بالإعدادية من نوكف للبنات بباب المدرسة علمود نغازلهن .. وانته جنت تستحي

ليان : زين ترى مدا اشاقة ، كافي ضحك

زين يحاول يوكف ضحك : تمام تمام اسف والله بس شكلك مو تمام

: لان راح تجي للكوفي

: صدك ، بالله شلون تعرفت عليهه و وين ؟

ليان : شفتهه بالكلية ، حبيتهه من اول نظرة ماعرف ليش علقت ب بالي ومجاي تروح.

زين : انته معقولة مصدك اكو حب من اول نظرة كله جذب وسخافات .. انته بس عجبك موديلهه او شي بيهه .

ليان : لا زين لتحجي هيج ترى ازعل .. اني مو من هذه النوع مافكر هيج ..

زين : تمام اللي يريحك بس اني كتلك رأيي

ليان : اوكي زين سكت هسه لان اجت بس وياهه أهلهه ، عن إذنك شويه و أجي ...

كام ليان وضحك زين عليه بداخله ، التفت حته يشوف البنية اللي عجبته فوكعت عينه على سارة اللي جانت مامنتبهه وهيه تسولف ويه امهه

ظل صافن على سارة وفاتح حلكه
/ جيسيكا ، حبيبتي ، معقولة كمت اتخيلهه بأي مكان اروحله .. ممعقولة اكو عذاب يمشي وره الشخص اللي يعذبه ... لحظة
هاي سارة .. اي هاي الشامه اعرفهه

.....

سارة : صدك حلو هذه الكوفي والله وطلعتي عندج ذوق ، عائلي ودافي .. شنو رئييج بي يما