مطارده

22.7K 608 5
                                    

فى صباح اليوم التالي نزلت لتشتري بعض الطعام وبرغم علمها انه سيمل ويبتعد الا انه كان بانتظارها لمحته بطرف عيناها يتحرك بجوارها بالسياره
#اركبي هوصلك
التفت اليه وقالت بعصبية
#بقولك ايه انا عايشة لوحدى وفى منطقة شعبية ومش هسمح لاحد يسوء سمعتي اتفضل امشي من هنا
قطب  وكانه يفكر والكارثه انه اعتذر بتهذيب
#انا اسف
قال جملته وانطلق بالسياره .،،،لقد نجحت فى ابعاده لن تنكر انها شعرت بالحزن وقتها انه يعاملها فقط بلطف واهتمام تفتقده ولكنها تعلم جيدا ما ورائه ورغم هذا كانت تنزل يوميا لما وهى فى العادة لاتفعل  ولكنها ودت بشده رؤيته..... ...... .....أسبوع كامل لم تراه ...... كانت محبطة بشده فى ظهيرة احد الايام كانت تعبر داخل احد المحلات عندما مر بحوارها
#وحشتيني من قريب
اغمضت عيناها ودق قلبها بعنف وابتسمت
#انت مبتزهقش
#مين اللى يزهق وهو ماشي ورا القمر
هزت رأسها وتحركت فتحرك بجوارها
#اظن مفهاش حاجة انى اشوفك هنا عادى جاي اشتري
رمقته بنظرة جانبية ووقفت عند ركن الاواني فقال .
#هو انت بتعرفي تطبخي
امسكت طاسه كبيرة وتفحصتها
#لاء فكك مني بقي
اشار الي الطاسه وقال
#طب هتشتري دى ليه
كتمت ضحكاتها #علشان اضربها على دماغك
لدغ خدها وقال بغيض
#عسل ،،،،،،بس حسابك تقل اوى
ابعدت يده وقالت
#انت عاوز مني ايه بالظبط
ابتسم #عايز اعزمك عل الغدا
عقدت ذراعيها #افتكر قولتلك انا ملييش فى السكة دى
قال باستغراب #سكة الاكل،،،،،، صايمة على طول انت ...دا انا كنت هرحمك مش بتقولى مبتعرفيش تطبخي
زفرت بقوة وبدات تتحرك امسك ذراعها
#استني بس ... نتفاهم انا عايز اتكلم معاكي
ابعدت يده وقالت بعصبية #محدش ماسك لسانك
ابتسم #يعني اول ميعاد مع حبيبتي يبقي فى وسط الحلل
#انا مبديش مواعيد لحد
تنهد بقوة وقال بجدية للمرة الاولى- تراها في عيناه
#ايه اللى واقف بيني وبينك ..... المظهر ... الفلوس كل دا ميهمنيش دا الل. مخليكي مش قادرة تثقي فيا مش كدا
زفرت بقوه فما يقوله صحيح مائة بالمائة فقلبها بالفعل تعلق به ولكن خوفها من هذا هو مايمنعها من التصريح ..
#انا عارف ان انت خايفة ... بنوته صغنونه متعرفش حاجة فى الدنيا عشان كدا مش قادرة تفرق .... 
بس انا كمان عارف انها ملهاش فى الشمال بس محتاج اقرب منها عشان اعرفها اكتر ....  فممكن تديني فرصة
عقلها مشتت تماما ولاتستوعب- فعليا ماذا يريد
#انت عاوز ايه بالظبط
قال بسخرية
#يعني اخرتى اطلب واحدة للجواز فى محل حلل
صدمت صعقت  كانت علي وشك الاغماء الفعلي
قالت بذهول
#جواز
تامل وجهها وانفجر ضاحكا و قال
_انت اتصدمتي ليه كدا  ...انا مش شمال قوى زي ما انت فاكره ونيتي نحيتك خير ..... هنعلن الخطوبة امتي ....
ناولته الطاسه التى تحملها واسرعت ركضا الى البيت متجاهلة تماما ندائه عليها .........
فى المساء رن جرس الباب عندما فتحت رأته امامها متأنق ويحمل باقة زهور اتسعت عيناها فقال
#سيبتك تفكري اربع ساعات كفاية عليكي اوى
قالت بارتباك #ااااانت مجنون ..... انا قاعدة لوحدي
قطب #طب اخطبك فين على القهوة
الصدق الكامل فى عيناه جعل قلبها يخفق بقوة قال بجدية كامله
#عنيكي بتقول انك موفقة قوليها عشان قلبي يطمن
هزت راسها موافقة تنهد بارتياح وقال بابتسامة
#ممكن نتكلم فى التفاصيل علي السلم ايه رايك 
تنحنحت بحرج قلبها صدقه تماما ولكن عقلها مازال يحذرها انها مجرد العوبه طال شرودها فقال بحب
#متحبسيش الكلام جواكي يا اندى ..لسه خايفة من ايه
قالت بارتباك خاجل #انا ملييش حد
#وانا كمان ...بس انت عندى الدنيا كلها،،،، شوفي بقي البسي وهستناكي تحت فى العربية،،،،،، نعد فى اي مكان هادى نعرف نتكلم فيه وبلاش الرعب دا .... محدش بيأذي قلبه،،،،،،،، وعشان تبقي رسمي
اخرج من جيبة علبه وامسك يدها فارتعشت وضع بها خاتم الزواج وطبع قبلة ناعمة على كفها وقال بمرح
#يعني انا اطلب ايد حبيبتي فى محل حلل والبسها الدبلة على السلم دا انتي جننتيني رسمي
متتاخريش عليا
قال جملته ونزل أغلقت الباب هل هذا حلم .....هل حقا مهاب الجمال يريد الزواج بفتاه عادية جدا مثلها بدلت ثيابها ومئات التضاربات والاسئله تدور بداخلها وسؤال واحد يلح ويكرر نفسه لما  هى دون غيرها من النساء. . ....

معذبتي الصغيره حيث تعيش القصص. اكتشف الآن