الحلقة الواحد والعشرين

6.4K 158 2

الحلقة الواحد والعشرين

جزء من حلقة سابقة :
عمرو : انا عارف انك زعلانه عشان علاقتك بـ خالتى اتقطعت
كريمة : حصل خير يا ابنى ، انت بتحكى كل ده ليه
عمرو : عشان كل اللى حكيته ده يا ماما هيخلينى اعمل حاجة وعايزك تساعدينى انها تتم
كريمة : خير حاجة ايه
عمرو : .....................
*_____________________________________________**___________________________*
عمرو : انا عايز اسافر
كريمة : عايز ايه ؟
عمرو : اسافر يا ماما
كريمة : وهتسيبنا
عمرو : يا ماما انا محتاج ابعد
كريمة : تبعد عن ايه
عمرو : عن كل حاجة ، لو روحت شغلى بشوف يارا اللى انا مش قادر انساها وفى نفس الوقت تعبان من غيرها وتعبان عشانها ولو جيت هنا بشوف لميس وخالتى اللى نظراتهم ليا بتقتلنى
كريمة : ايوة يا ابنى بس انا وابوك نستحق انك تستحمل وتفضل معانا
عمرو : يا ماما عشان خاطرى ساعدينى اعتبرينى رايح اكمل دراسة بره مش ده كان حلمى وحلمك ان اعمل الماجستير والدكتوراة بره
كريمة : عمر هو اللى شجعك على الفكرة عشان تروحله
عمرو : عمر ميعرفش والله وبعدين انا مسافر بلد غير اللى عمر فيها
كريمة : يا وجع قلبك يا كريمة
عمرو : يا ماما عشان خاطرى اهدى ان شاء الله هاجى اجازات ويمكن ابعتلكم كمان
كريمة : ليه يعنى الشحططة دى
عمرو : يا ماما انا محتاج ابعد عن كل ذكرياتى بحلوها ومرها
كريمة : تقوم تسيبنا يا ابنى
عمرو : لو ليا غلاوة عندك وافقى يا ماما عشان خاطرى
كريمة : سافر يا عمرو ربنا ييسر طريقك
(. هنا دخل جلال .)
جلال : انت مسافر القاهرة
عمرو : لا يا بابا انا عايز اسافر بره مصر
جلال : تسافر فين ؟
عمرو : بره مصر
جلال : ليه ؟
عمرو : هروح اكمل الماجستير
جلال : مش انت كنت رجعت فى كلامك وقولت هتكمله هنا
عمرو : انا جاتنى فرصة كويسة فى بلد كويسة
جلال : اعمل اللى انت عاوزه لانك كده كده ماشى بدماغك (ومشى)
كريمة لـ عمرو : متزعلش من ابوك انا هكلمه وهفهمه يا ابنى
عمرو : يعنى ابدأ اعمل اجراءات السفر
كريمة باستسلام : اعملها يا عمرو ربنا يوقفلك ولاد الحلال يا ابنى
*_____________________________________________**___________________________*
تانى يوم فى بيت يارا ...
أشرف : انتِ هتفضلى كده كتير
يارا : يعنى ايه يا بابا
أشرف : يعنى هتفضلى حابسة نفسك كده كتير
يارا: انا كده حابسة نفسى مانا بروح الجامعه واحياناً النادى وبزور ريم كتير
أشرف : فين اصحابك
يارا : مبقاش ليا اصحاب واصلاً مبقتش بثق فى حد
أشرف : انتِ جايلك عريس
يارا : عريس !!
أشرف : ايوة يا حبيبتى عريس مالك اتخضيتى كده
يارا : انا مش عايزة اتجوز
أشرف : يعنى هتعيشى حياتك كده لوحدك
يارا : انا مش لوحدى يا بابا ربنا يخليك انت وتيته ليا وريم ومريم بنتها وان شاء الله يحيى ويامن يرجعوا
أشرف : مفيش حد من دول هيبقالك
يارا : وحتى لو اتجوزت جوزى مش هيبقالى لان مفيش حد بقى بيبقى على حد
أشرف : ليه السوداوية دى ، فين ناس كتير كويسة
يارا : انا مقولتش ان الناس وحشين او مش كويسة ، العيب فيا مش فى الناس انا مبقتش اقدر اثق او اصدق حد مهما كان كويس
أشرف : انا نفسى اطمن عليكي
يارا : i think انى لو اتجوزت مفروض تقلق عليا جداً لكن طول مانا لوحدى اطمن عليا اووى
أشرف : انتِ لسه بتفكرى فى عمرو
يارا : عمرو ؟ (. و سرحت يارا لـ ثوانى .)
أشرف : امال صممتى على الطلاق ليه
يارا بكبرياء : عمرو مش دماغى يا بابا ولا بقيت بفكر فيه انا بس منسيتش التجربة الاليمة دى ولا هنساها مش اكتر لكن عمرو كان حاجة حلوة فى حياتى بس حتى الحاجات الحلوة بيجلها وقت وبتبقى expired
أشرف : بس المفروض كنتى تقدرى الموقف اكتر من كده
يارا : كلكوا فاهمين انى اتطلقت عشان عمرو اتجوز عليا انا اللى وجعنى وكسرنى بجد موقفه تجاه باباه ، باباه بيقول عليا واحدة من الشارع ولمامه وهو واقف ساكت مبيقولش اى حاجه
أشرف : بصى يا يارا يا حبيبتى تفكير وتصرف الرجل مُختلف عن الست تماماً يعنى عمرو فى الموقف ده مثلاً بيحترم ابوه لدرجة انه مقدرش يقوله اسكت او متقولش كده
يارا : مش لازم يقول اسكت او متقولش كده كان ممكن يقوله دى مراتى
أشرف : برضه هو بيحب ابوه جداً وبيحترمه جداً جداً ، لو كان قاله انك مراته ده معناه انه بيقوله انا عصيتك وكسرت كلامك
يارا بتنهيدة : خلاص يا بابا الكلام ده مبقاش ينفع وعدى عليه سنة واللى حصل حصل خلاص
أشرف : انا بس حبيت اوضحلك
يارا : اوكى
أشرف : يعنى برضه مش هتقابلى العريس
يارا : لا يا بابا ادينى بس فرصة اخلص السنة دى واشتغل وبعدين نبقى نشوف حوار الارتباط ده
*_____________________________________________**___________________________*
فى خلال شهرين .....
- عمرو قدم استقالته من الجامعة وسافر انجلترا
- يارا خلصت الترم ونجحت وبتدور على شغل مناسب
*_____________________________________________**___________________________*
فى بيت يارا ...
أشرف : مالك يا يارا
يارا : زهقت يا بابا
أشرف : يا بابا مانا جبتلك شغل ومعجبكيش
يارا : عشان صاحب الشغل هيشغلنى عشان انا بنتك مش عشان ميزة فيا
أشرف : يا بنتى هو فى حد دلوقتى بيلاقى شغل
يارا : ربنا يسهل يا بابا يمكن الاقى
أشرف : انا لازم اسافر
يارا : سفر تانى يا بابا
أشرف : لا يا حبيبة بابا ده ١٥ يوم تبع الشغل
يارا : ١٥ يوم بس يا بابا ؟
أشرف : ١٥ يوم بس يا يارا
يارا : ماشى يا بابا تروح وترجع بالسلامة ان شاء الله
أشرف : لو ينفع تجى معايا كنت خدتك
يارا : لا انت عارفنى مبحبش السفر كتير
أشرف : خدى بالك من نفسك ومن جدتك لحد ما ارجع
يارا : متخفش يا بابا
*_____________________________________________**___________________________*
بعد حوالى اسبوع فــى انــجـلـتــرا ...
(. عمرو بدأ يذاكر عشان الماجستير وبيشتغل ، عمرو ميعرفش اى حد فى انجلترا بس هو باع عربيته فى مصر وابوه اداله فلوس وقدر يظبط وضعه فى انجلترا بس للاسف مفيش اى حد يعرفه ولا حتى له اصحاب ، فـ قرر يروح حفل السفارة المصرية للجالية المصرية فى انجلترا عشان يعرف ناس هناك .)
__*__*__*__*__
فـى الـسـفـارة الـمصـرية ..
(. عمرو اتعرف على اكتر من شخص وتبادلوا ارقام موبايلاتهم ، عمرو لاحظ طفل عنده حوالى ١٣ سنة قاعد لوحده وباين عليه الزعل والضيق ، فقرر عمرو يروحله .)
عمرو : do you speak arabic ?
يامن : اه انا بتكلم عربى
عمرو : افتكرت عايش هنا ومبتعرفش تتكلم عربى
يامن : انا بتكلم english بس بتكلم عربى برضه
عمرو : انت عايش هنا من زمان
يامن : من سنة واحدة
عمرو : انا شايفك قاعد لوحدك مالكش اصحاب ولا ايه
يامن : لا ماليش ومبحبش هنا وعايز امشى
عمرو : كل ده ليه كده
يامن : انا جيت هنا بالعافية
عمرو : مين اللى جابك
يامن : ماما
عمرو : وبابا فين ؟
يامن : بابا فى الامارات واحشنى اوى
عمرو : ومالكش اخوات
يامن : عندى اخ واخت
عمرو : اصغر منك ولا اكبر منك
يامن : انا اصغر واحد فى العيلة
عمرو : وهنا ولا فى الامارات
يامن : يحيى هنا معانا انا وماما ويارا فى مصر لوحدها
عمرو بلهفة : يارا !!
يامن : اه دى اختى الكبيرة
عمرو : طيب احكيلى جيت هنا ازاى
يامن : انا اتولدت وعشت فى الامارات انا واخواتى ، وبعد كده يارا سافرت مصر وسابتنا وماما كانت عايزة تروح اى بلد اوروبية وبابا مكنش موافق فـ ماما خدتنا من وراه وجابتنا هنا
عمرو : وبابا ميعرفش ان انتوا هنا
يامن : لا
عمرو : طيب وانت مبتحبش هنا ليه
يامن : عشان حاسس انى لوحدى يحيى بقاله اصحاب كتير ومبقاش بيقعد معايا ولا بيخرجنى معاه وماما مشغوله دايماً فى الشغل لكن لما كنا فى الامارات كنا بنخرج سوا وكنت بكلم يارا على النت دلوقتى ماما منعانى اكلم يارا او بابا
عمرو : انت اسمك ايه
يامن : يامن اشرف
عمرو : وانا عمرو ، ممكن نبقى اصحاب
يامن : بس انت كبير عليا اوى
عمرو : كبير اه بس ممكن نبقى اصحاب هخرجك والعب معاك كمان لانى كمان معرفش حد هنا
يامن : اوكى بس متعرفش ماما حاجه خالص
عمرو : حاضر ، معاك موبايل
يامن : هاتلى نمرتك
(. وتبادلوا ارقام الموبايلات .)
بعد شوية ........
منة : هاى انا منة وانت
عمرو : هاى انا عمرو
منة : عايش هنا من زمان
عمرو : تلت شهور بس وانتِ
منة : عشر سنين
عمرو : انتِ عندك كام سنة
منة : ٢١ سنة
عمرو : واو ولسه بتتكلمى عربى كويس كده
منة : اه لان داد ومام مصريين وبنكلم عربى عادى
عمرو : طيب كويس
منة : انت جاى هنا سياحة
عمرو : لا دراسة وبشتغل برضه
منة : good
عمرو : اخر مرة نزلتى مصر امتى
منة : من سنتين
عمرو : ومبسوطة هنا
منة : sure بس بحب مصر برضه بس هنا اكتر لان all my friends هنا معنديش friends فى مصر خالص
عمرو : بس اكيد اهلك هناك
منة : yeah بس معرفهمش كويس
(. بعد فترة من صمت عمرو نتيجة تفكيره فى يارا .)
منة : هنتقابل تانى
عمرو : no problem
منة : طب ممكن رقمك
عمرو : اوكى
(. وتبادوا ارقام الموبايلات .)
*_____________________________________________**___________________________*
تانى يوم اتصل عمرو بـ أشرف :
عمرو : مساء الخير يا عمى
أشرف : يااااه يا عمرو اذيك يا ابنى
عمرو : الحمد لله
أشرف : ايه الرقم ده انت سافرت
عمرو : اه انا هاجرت انجلترا
أشرف : ليه كده
عمرو : كده اريح
أشرف : ربنا معاك
عمرو : يارا عامله ايه
أشرف : الحمد لله كويسة اتخرجت وحالياً بتدور على شغل
عمرو : ربنا معاها ، عندى لحضرتك خبر كويس
أشرف : خير يا ابنى
عمرو : انا جيت بريطانيا من حوالى تلت شهور وامبارح روحت حفلة السفارة المصرية للجالية المصرية اظن حضرتك عارف النظام ده
أشرف : اه عارفه
عمرو : المهم انى قابلت طفل عنده حوالى ١٢ او ١٣ سنة وقعدت اتكلم واتعرف عليه ، عرفت قصته وعرفت انه يامن ابن حضرتك
أشرف : يامن ابنى ؟ انت بتتكلم جد يا عمرو ؟ انت مُتأكد انه يامن
عمرو : ايوة متأكد لانى سألته قالى انه اسمه يامن اشرف واخواته اساميهم يارا ويحيى وانه كان عايش فى الامارات ومامته جابتهم هنا من ورا باباهم
أشرف : طيب هما فين فى انجلترا
عمرو : انا مضغطتش عليه فى التفاصيل عشان ميشكش بس انا خدت رقم موبايله
أشرف : طيب يا عمرو يا ابنى انا متشكر جداً لاهتمامك وياريت تعرفلى عنوان سكنهم وعنوان شغل رباب مراتى وان شاء الله فى اقرب فرصة هاجى عندك
عمرو: ويارا هتجى مع حضرتك
أشرف : مش عارف عموماً خلينا على اتصال واوعى يامن يغيب عنك خليك متابعه دايماً وانا هكلمك اول ما اجيب الڤيزا واول ما احجز ان شاء الله
عمرو : اوكى يا عمى تجى بالسلامة ان شاء الله (وقفلوا الخط)
عمرو لنفسه >> يارب يارا تجى معاه
*_____________________________________________**___________________________*
بعد يومين فى بيت يارا ........
(. يارا قاعده بتتفرج على التلفزيون وفجأة باب الشقة اتفتح .)
يارا بقلق : بابا !!
أشرف : ايه يا حبيبتى مالك
يارا : اصلك جيت قبل معادك
أشرف : حصل حاجه مهمه جداً
يارا : خير يا بابا قلقتنى
أشرف : عمرو كلمنى
يارا : عمرو !! عايز ايه
(. حكى أشرف لـ يارا القصة كلها .)
يارا : عمرو هاجر ؟
أشرف : يا بت بقولك قالى انه عرف مكان اخواتك اللى مُختفيين من سنة تقومى تقولى عمرو هاجر
يارا : ايه سورى يا بابا طب انت هتعمل ايه دلوقتى
أشرف : هنسافرلهم طبعاً واجيب اخواتك وارجع
يارا : هتسافر امتى
أشرف : انا قدمت على ڤيزتين سياحة لينا
يارا : هو انا هسافر معاك
أشرف : اه امال هسيبك يعنى
يارا : لا يا بابا انا مش عايزة اسافر
أشرف : ليه
يارا : خلينى انا هنا وانت هات اخواتى وتعالى
أشرف : بقولك ايه انا مش هسافر واسيبك انا مضمنش ظروفى هناك هقعد قد ايه ولا هرجع امتى لازم تبقى معايا
يارا : بس انا مش عايزة اشوف عمرو
أشرف : وانتِ ايه اللى يخليكي تشوفى عمرو انا بس اللى هقابله مالكيش انتِ دعوة
يارا : promise
أشرف : انت مش مصدقة ابوكى
يارا : خلاص يا بابا اوكى
أشرف : هدخل احكى لـ جدتك ماشى
يارا : اوكى
(. ودخل اشرف حكى لامه وقررت تروح تقعد مع ابنها التانى لحد ما اشرف يرجع .)
*_____________________________________________**___________________________*
تانى يوم فى بيت ريم .....
(. ريم قاعدة بتلعب مع بنتها والجرس رن فـ قامت تفتح .)
ريم : بلال !!(حضنته) يا حبيبي وحشتنى اوى
بلال : وانتِ وحشتينى اكتر عامله ايه
ريم : الحمد لله تعالى ادخل
بلال : ماجد عامل ايه واخبار العكروته مريم ايه هموت واشوفها (ودخل)
ريم : كلنا بخير يا حبيبي انت عامل ايه
بلال : الحمد لله
ريم : استنى اجيبلك مريم
(. بعد ما جابتها .)
بلال : ما شاء الله يا ريم جميلة اوى
ريم : طالعه لامها
بلال : لا انتِ احلى ، عندها كام شهر
ريم : ماشية فى التاسع
بلال : ربنا يباركلك فيها
(. بعد شوية من الكلام عن مريم وعن سفر بلال .)
بلال : يارا عامله ايه
ريم : كويسة الحمد لله
بلال : انا من يوم ما سافرت مشوفتهاش على النت
ريم : اطمن هى كويسة
بلال : هى اتجوزت عمرو ؟
ريم : واتطلقت
بلال بخضة : اتطلقت !! ليه كده دول كان بيحبوا بعض
ريم : طلع خاين وكان متجوز عليها
بلال : ليه هو انا بقالى قد ايه مسافر
ريم : مش فاهمه
بلال : اللى انتِ بتحكيه ده ياخد بالقليل ست او سبع سنين مش سنة ونص
ريم : ماهو كل ده حصل فى سنة ونص بس
بلال : دى كانت طالعه بيه السما
ريم : اهو النصيب بقى
بلال : طيب هقوم انا بقى اروح
ريم : مانت قاعد شوية كمان
بلال : لا يادوب كده انا تعبان خالص بس قولت لازم اجى اشوفك انتِ ومريم وابقى سلميلى على ماجد
ريم : الله يسلمك (ومشى)
*_____________________________________________**___________________________*
فى بيت يارا .....
(. الجرس رن فتحت الشغاله ونادت على يارا .)
بلال : اذيك يا يارا
يارا : fine اتفضل
بلال : انا مقدرتش استنى لحد بكرة وجيت اطمن عليكي
يارا : حمد الله على سلامتك
بلال : خلصتى جامعه
يارا : اه خلصت تعالى ادخل بابا هنا
(. ودخل بلال وسلم على اشرف وعلى جدته ، وقعد بلال واشرف ويارا يتبادلوا الكلام وبعد شوية يارا استأذنت عشان جالها تليفون .)
بلال : انا عرفت اللى حصل يارا
اشرف : كل شئ نصيب الحمد لله
بلال : انا ياما حذرتها من عمرو بس هى مسمعتش الكلام
اشرف : خلاص يا بلال يا ابنى اللى حصل حصل
بلال : طيب انا ........
اشرف : انت ايه ؟
بلال : انا عايز اتجوز يارا
اشرف : نعم
بلال : عايز اتجوز يارا ، انا بحبها من زمان وكنت عايز اتجوزها لولا ظهرو عمرو
اشرف : تمام
بلال : تمام ايه
اشرف : بص انا ويارا مسافرين لما نرجع ان شاء الله نبقى نتكلم فى الموضوع ده انت اجازتك قد ايه
بلال : ٣ شهور
اشرف : طيب تمام ان شاء الله هنجى قبل كده بكتير
بلال : تيجو بالسلامة ان شاء الله
(. قعد بلال شوية وبعد كده روح .)
*_____________________________________________**___________________________*
فى خلال ١٥ يوم .......
- أشرف على اتصال مع عمرو عشان بعرف اخبار رباب ووولاده
- عمرو قدر يتوصل لـ كل بيانات رباب وعلى اتصال بـ يامن وبيخرج معاه
- بلال بيحاول يقرب من يارا
- منة على اتصال بـ عمرو وبيخرجوا سوا
- أشرف جهز كل اجراءات سفره هو ويارا
*_____________________________________________**___________________________*
فــى انــجـلــتــرا .....
(. وصل أشرف ويارا لـندن وراحوا على الفندق ، أشرف مقدرش يستنى وقرر يروح يقابل عمرو عشان ياخد كل المعلومات عن رباب وولاده ، يارا مرضيتش تروح معاه وقررت تستنى فى الفندق .)
__*__*__*__*__
فى احدى الكافيهات ........
عمرو : حمد الله على سلامة حضرتك
أشرف : الله يسلمك
عمرو : هى يارا فين
أشرف : فى الـ hotel تعبانه من السفر
عمرو : لا الف سلامة عليها ، هى كويسة
أشرف : بخير الحمد لله ، ها جبتلى العناوين
عمرو : اه ، ده عنوان السكن وده عنوان شغلها وده عنوان مدارس الولاد (واداله ورقة فيها كل البيانات)
أشرف : تمام جداً
عمرو : ده كمان رقم يامن وده رقم يحيى وده رقم مامتهم
أشرف : ما شاء الله انت جبت كل ده
عمرو : من ساعة ما قابلت يامن وانا مش ورايا حاجه غير جمع المعلومات دى
أشرف : انا مش عارف اشكرك ازاى يا عمرو ، بجد فرحتنى
عمرو : ربنا يجمعكم على خير ان شاء الله
أشرف : يارب
(. بعد تبادل الاحاديث الكثيرة .)
أشرف : انا هقوم عشان مسيبش يارا لوحدها كتير
عمرو : طيب وهتروح لـ المدام امتى
أشرف : النهاردة بالليل
عمرو : طيب لو حضرتك احتجت اى حاجه كلمنى
أشرف : اكيد يا ابنى انا معرفش حد هنا غيرك
(. وسلموا على بعض ومشيوا ، بعد ما أشرف مشى كام خطوة سمع صوت لفت انتباهه و خلاه يقف و يتلفت ويشوف مصدر الصوت، اتلفت ولقى ...................... .)

رجل ولكناقرأ هذه القصة مجاناً!