الحلقة الرابعة عشر

5.6K 140 0

الحلقة الرابعة عشر

جزء من حلقة سابقة :
يارا : واحنا كده هيجمعنا بيت ولا هنبقى زى الحرامية
عمرو : زى الحرامية ازاى بس ، انا هتجوزك على سنة الله ورسوله وهتجى تعيشى معايا فى بيتى
يارا : اعيش معاك !! طب وجدتى ؟
عمرو : نبقى نشوف ساعتها هنقولها ايه
يارا : طب وبابا
عمرو : بذمتك ابوكى بيهتم انتِ فين ولا بتعملى ايه
يارا : عندك حق
عمرو : طب ايه رأيك موافقة ولا لا
يارا : ...........................
*_____________________________________________**___________________________*
يارا : انا شايفة اننا نحاول تانى
عمرو : يا يارا يا حبيبتى كل دى محاولات فاشلة
يارا : مش يمكن ننجح ونقنعهم
عمرو : ماشى انا هطاوعك وهحاول اقنع ابويا تانى
يارا : حاول بكل طاقتك يا عمرو بليز
عمرو : وان موافقش
يارا : هنشوف ساعتها ممكن نعمل ايه
عمرو : ربنا يستر
يارا : شوفت بلال عمل ايه ؟
عمرو : هاااااا
يارا : قالى انه خلاص بيعتبرنى زى اخته وهيساعدنى ويقف جنبى لحد ما اتجوزك
عمرو : مش مصدقه
يارا : ليه بتقول كده
عمرو : اهو احساسى كده
يارا : لسه بتعامل لميس كويس
عمرو : لا
يارا : و ........
عمرو يقاطعها : بقولك ايه سيبك من لميس وبلال وأسامة اللى احنا من اول ما قعدنا مبنتكلمش الا عليهم وحشتينى
يارا : انت اصلاً بتوحشنى وانت معايا
عمرو : ازاى دى يعنى
يارا : مش عارفة بس بحس كده انك واحشنى
عمرو (مسك ايد يارا) : بحبك اوى يا يارا بجد بحبك بحبك بحبك موووووت
يارا : كل ده
عمرو : لا طبعاً واكتر من كده
يارا : وانا كمان بحبك اوى بجد
عمرو : عارفة اكتر حاجه بدعى بيها ربنا ايه
يارا : ايه
عمرو : يارب اجمعنى بـ يارا على خير
يارا : يارب يا عمرو يجمعنا ببعض على خير
(. بعد شوية كل واحد فيهم روح .)
*_____________________________________________**___________________________*
فى بيت يارا ...
يارا اتصلت بـ بلال ...
يارا : هاى بلال whats up
بلال : انا بخير الحمد لله وانتِ
يارا : fine ، كنت عايزة اطلب منك طلب
بلال : خير
يارا : عيزاك تتكلم مع باباك وتخليه يعتذر لـ بابا عمرو
بلال : يعتذر !! صعبة اوى دى يا يارا
يارا : صعبة ازاى انت مش قولتلى انك هتقف جنبى حتى لو وصلت انك تقف ضد عمو وبابا
بلال : وانا لسه عند كلمتى بس انا قصدى ان صعبة اوى بابا يوافق
يارا : حاول تقنعه
بلال : حاضر يا يارا هحاول بس خليكى مُقتنعه ان الموضوع صعب
يارا : اوكى thanks بلال
(. قفلت يارا مع بلال واتصلت على ابوها .)
أشرف : اذيك يا حبيبتى عامله ايه
يارا : fine ، كنت عيزاك تنزل مصر ضرورى
أشرف : ليه خير
يارا : عشان تاخد عمو محمد وتروحوا لـ بابا عمرو وتعتذروله
أشرف : انت اتهبلتى يا بت انتِ
يارا : وايه الهبل فى كلامى
أشرف : نعتذرله ليه ان شاء الله اذا كان هو اللى غلطان
يارا : لا مغلطش عمو هو اللى غلط فيه وفى عمرو
أشرف : غلطنا فيه يبقى يخلى عندهم دم ويبعدوا عنك
يارا : already بابا عمرو مش موافق على جوازنا خلاص
أشرف : احسن
يارا : ليه يا بابا عايز تحرمنى من عمرو
أشرف : يا يارا انتِ لسه صُغيرة واحنا كـ كبار دايماً بنشوف حاجات انتوا مش بتشوفوها
يارا : وشوفت ايه بقى فى عمرو واهله
أشرف : عمرو بتاعك ده يقدر يعيشك نص العيشة اللى انتِ عيشاها
يارا : انا مش عايزة العيشة اللى انا عيشاها انا عايزة عمرو
أشرف : عشان الممنوع مرغوب بس بعد ما تجوزوا وتلاقى نفسك عايشة فى مستوى اقل جداً من اللى كنتى عايشه فيه هتكرهى عمرو واليوم اللى اتجوزتيه فيه اساساً
يارا : its ok سبنى اجرب
أشرف : ده جواز مش لعبة
يارا : اوووف ، يعنى لا هتيجى ولا هتخلى عمو يعتذر لـ بابا عمرو
أشرف : حاولى يا يارا تصرفى نظر عن عمرو ده
يارا : its ok ، انا هنام بقى
أشرف : نوم الهنا يا حبيبتى تصبحى على خير (وقفلوا المكالمه)
*_____________________________________________**___________________________*
تانى يوم فى اسكندرية ...
كريمة : عمرو كلمنى النهاردة
جلال : اخباره ايه
كريمة : هو كويس بس هو كلمنى عشان اتكلم معاك
جلال : موضوع يارا تانى
كريمة : هو فى غيره
جلال : انا مش هخلص من الموضوع ده
كريمة : عمرو بيحبها
جلال : وانا مقصرتش بس كل ما اسمع اسم يارا بفتكر اليوم المشئوم ده والعفاريت بتتنطط قدامى
كريمة : بس العيال ملهمش ذنب
جلال : لا ليهم
كريمة : يا حاج ............
جلال يقاطعها : خلاص بقى يا كريمة انا قايم اصلى العصر (وقام)
(. بعد شوية جت لميس .)
لميس : اذيك يا خالتو عامله ايه
كريمة : بخير يا حبيبة خالتك وانتِ
لميس : الحمد لله
كريمة : وامك عامله ايه
لميس : كويسة بتسلم عليكى
كريمة : انتِ مزعله امك ليه
لميس : هى حكيتلك
كريمة : اه
لميس : يا خالتو انا مس عايز اتجوز دلوقتى
كريمة : امال هتتجوزى امتى
لميس : لما ربنا يأذن
كريمة : طب فى حد تانى
لميس : للاسف يا خالتى فيه
كريمة : مين ؟
لميس : واحد بحبه من زمان اوى بس هو مبيحبنيش
(. كريمه فهمت ان الكلام على عمرو .)
كريمة : يبقى هو الخسران وانتِ اكسبى نفسك ووقتك وحسسيه بخسراته واتجوزى
لميس : مش هقدر اتجوز حد غيره
كريمة : ربنا يجعله من نصيبك من بنتى
لميس : يارب يا خالتى
*_____________________________________________**___________________________*
فى بيت ريم ...
يارا : ريم مش احنا اخوات
ريم : اكيد طبعاً
يارا : طب انا قررت قرار وعيزاكى معايا فيه
ريم : قرار ايه خير
يارا : قررت اتجوز عمرو
ريم : طب مانتوا مقررين كده من زمان
يارا : لا انا هتجوزه من غير ما بابا يعرف
ريم : يالهوى ، عُرفى ؟!
يارا : لا رسمى
ريم : بس برضه يا يارا ده جواز حرام لانه فاقد لـ شرط مهم جداً من شروط الجواز وهو الاشهار
يارا : بس احنا مش هنخبى يعنى لو حد سألنا هنقول اننا متجوزين
ريم : طيب وايه يجبرك على كده
يارا : يا ريم انا خسرت حاجات كتير واتحرمت من ناس كتير مبقاش فاضلى الا عمرو ومش عايزة اخسره او اتحرم منه
ريم : انتِ فكرتى كويس فى القرار ده ، فكرتى فى خطورته وعواقبه
يارا : انا حالياً مبفكرش فى اى حاجه غير انى ابقى مع عمرو ومهما كانت عواقب القرار ده فانا هعمله
ريم : وهتحرمى نفسك من فرحتك بالفرح والفستان الابيض
يارا : تفتكرى الحاجات دى هيبقى لها طعم لو اتجوزت واحد مبحبوش
ريم : طيب ما تصبرى شوية مش يمكن الاهالى يوافقوا
يارا : ده بقى مستحيل ، كل واحد بقى عنده اعتقاد ومُقتنع ومُصمم ميرجعش فى كلامه
ريم : طيب وانا ايه اللى اقدر اقدمهلولك
يارا : حاسة انى محتاجاكى جنبى
ريم : انا جنبك يا يارا بس خايفة عليكي
يارا : متخافيش
(. بعد شوية يارا مشيت .)
ريم : يارا قررت تتجوز عمرو من غير موافقة ابوها
ماجد : والله انها بنت جدعة
ريم : يا سلام !! يعنى انت ترضى اختك او بنتك تعمل كده
ماجد : لو انا بعقلية عيلتك دى ابقى استاهل
ريم : انت بس عشان الموقف ميخصكش بتقول كده
ماجد : هسألك سؤال
ريم : اتفضل
ماجد : انتِ مُتأكدة من اخلاق بنت عمك ولا لا
ريم : مُتأكدة طبعاً
ماجد : ومُتأكده انها مٰحترمة ومبتعملش حاجة غلط ومشيها مظبوط ولا لا
ريم : اكيد مُتأكدة
ماجد : يبقى اسمعينى ، مفيش بنت مُحترمة واخلاقها كويسة ومشيها مظبوط تتجوز غصب عن اهلها الا اذا هما اضطروها لكده ، مفيش واحدة تحرم نفسها من حاجات كتير حلوة الا اذا كانت فقدت الامل فى كل حاجه حلوة متزعليش منى يا ريم ، عيلتك صعبة اوى وعايشين فى الدور جداً ومناخيرهم فى السما وبيعاملوا الناس بكل غرور وتكبر وفى نفس الوقت عايزين الناس تقول لهم سمعاً وطاعة
ريم : ايه علاقة ده بـ اللى يارا هتعمله
ماجد : مانا جايلك فى الكلام ، فاكرة لما قولتيلى لما تجى تقابل بابا تعالى الاول لوحدك فاكرة قولتى كده ليه ؟ قولتى كده عشان باباكى كان هيعامل ابويا وحش فـ ابويا كان هيتنشن ويحلف ١٠٠ يمين ان الجوازة دى مش هتم صح
ريم بخجل : صح
ماجد : طبعاً يارا مكنتش متوقعه ان ابوكى هيعمل كده مع عمرو وابوه لان يارا بنت اخوه مش بنته ، عشان كده عمرها ما تخيلت انه يعمل كده ، اكيد بقى ابوك ادى عمرو وابوه التمام اللى خلى ابو عمرو ينشف دماغه
ريم : بس ده مش حل انها تتجوز كده
ماجد : هو جواز ايه بالظبط
ريم : بتقول رسمى يعنى هيكتبوا كتابهم عادى
ماجد : صراحة انا شايف ان يارا عندها حق
ريم : ازاى يعنى
ماجد : يا بنتى لو معملتش كده مش هتجوز عمرو خالص
ريم : طب ما احنا اتجوزنا اهو
ماجد : زى ما قولتلك انا مجبتش اهلى عندكم الا لما ابوكى طلع كل طاقته فيا لكن عمرو استعجل
ريم : ده انا كنت عايزة اقولك تتكلم مع عمرو عشان ميعملوش كده
ماجد : حتى لو انا مش مُقتنع مقدرش اتكلم مع عمرو لاننا مجرد معرفة مش اصحاب
ريم : ربنا يستر بس الدنيا هتولع
ماجد : ان شاء الله خير
*_____________________________________________**___________________________*
فى احدى الكافيهات ...
يارا : اتكلمت مع باباك
عمرو : اه
يارا : وحصل ايه
عمرو : حصل اللى بيحصل كل مرة
يارا : انا كمان كلمت بابا وطلبت منه يجى ويعتذر لـ باباك هو وعمو بس رفض
عمرو : اذا كان ابوكى مرضيش ينزل مصر عشان يقابلنا هينزل عشان يعتذر والله انتِ طيبة
يارا : عمرو انا موافقة
عمرو : موافقه على ايه
يارا : موافقة اننا نتجوز
(. عمرو اتلخبط جداً وارتبك لانه حس كذا احساس ، حس انه مبسوط وحس انه خايف وحس انه متفاجئ من موافقة يارا .)
يارا : فى ايه يا عمرو
عمرو : مفيش يا حبيبتى بس قلقان
يارا : من ايه
عمرو : متاخديش فى بالك ، قوليلى هنكتب الكتاب امتى
يارا : المعاد اللى تحدده
عمرو : هتجى تقعدى معايا طبعاً
يارا : بس مس عارفة اقول ايه لجدتى
عمرو : قولى لها انك رايحة معسكر او رحلة تبع الكلية وهتغيبي كتير
يارا : اوكى
عمرو : طب ايه رأيك نكتب الكتاب يوم الخميس الجاى
يارا : اوكى ماشى
(. بعد دقائق من الصمت .)
يارا : انا قولت لـ ريم بنت عمى
عمرو : طب كويس عشان تبقى جنبك
يارا : انا حسيت انى محتاجلها جنبى
عمرو : يارا انا عايز اديلك مهر واجبلك شبكة
يارا : بتهيألى يا عمرو انا مش محتاجة المهر فى حاجة لانى مش هشترى حاجة
عمرو : ليه يا حبيبتى مش هتشترى حاجة ، انتِ فاكرة الشقة ؟
يارا : شوية
عمرو : خلاص شوفى ايه ناقصها واشتريه ، شوفى انتِ كمان نفسك فى ايه
يارا : يا حبيبي انا مش محتاجة حاجه
عمرو : لا مهرك هتاخديها وبعدين اصلاً مش هيكون مبلغ كبير ده حاجة كده على قدى
يارا : صدقنى مش عايزة حاجة
عمرو : اسمعى الكلام بقى وبعدين قومى معايا يالا
يارا : فين
عمرو : تعالى بس
(. وقاموا راحوا محل جواهرجى .)
عمرو : يالا اختارى الشبكة اللى نفسك فيه
يارا : ليه يا عمرو التكاليف دى
عمرو : حبيبتى طالما هنتجوز يبقى هعملك زى اللى بيتعمل لاى بنت
(. اختارت يارا انسيال و ودبله وتوينز ودبلة لـ عمرو .)
عمرو : هاتيهم معايا بقى
يارا : ليه
عمرو : هديهملك يوم كتب الكتاب لا تضحكى عليا وتاخديهم وتخلعى
يارا : هههههه طب خليهم معاك
عمرو : هتجى تشوفى الشقة عشان تشوفى ناقصها ايه
يارا : اوكى بس مش النهاردة ، فى يوم كده هاجى انا وريم
عمرو : ان شاء الله يا حبيبتى
*_____________________________________________**___________________________*
تانى يوم فى الامارات ....
رباب : انا عايزة اهاجر اى بلد اوروبيه
أشرف : يا رباب انا مش عايز اهاجر
رباب : ليه بس يا حبيبى ده حتى العيشة هناك انضف واحسن
أشرف : بس غربة اوى
رباب : مانت هنا فى غربة وغربة بـ غربة تعالى نروح بلد احسن
أشرف : ويارا
رباب : عادى ناخدها معانا وتكمل دراستها هناك
أشرف : وهى هتوافق
رباب : وانت هتاخد رأيها ولا اذنها انت حطها امام الامر الواقع
أشرف : انا مش مُقتنع يا رباب
رباب : يا أشرف انت لو شوفت شركات البترول بتقبض ازاى فى اوروبا ولو شوفت الشغل المعروض عليا مرتبه قد ايه هتقتنع برضه
أشرف : المانيا برضه
رباب : فى كذا بلد انا مليت الـ application بتاعهم وبعته وربنا يسهل
أشرف : انتِ ازاى تعملى كده من غير ما ترجعيلى حتى
رباب : مكنتش هتوافق وبعدين انا مليت الـ application بس محجزتش للسفر يعنى
أشرف : بلاد ايه بقى
رباب : كندا والمانيا وامريكا
أشرف : لما نشوف هيحصل ايه
رباب : ان شاء الله نهاجر خلينا نعيش فى مكان انضف
*_____________________________________________**___________________________*
فى بيت يارا ....
يارا : اذيك يا تيتة
عائشة : الحمد لله يا بنتى
يارا : واخبار صحتك
عائشة : زى مانتِ شايفة
يارا : يارب دايماً فى احسن حال ، كنت عايزة اقولك على حاجة
عائشة : خير يا حبيبتى
يارا : انا مسافرة
عائشة : لـ ابوكى
يارا : لا ، انا مسافرة معسكر تبع الـ collage حوالى شهر ولما يخلص هسافر تانى رحلة مع اصحابى
عائشة : انتِ كده هتدخلى فى شهرين
يارا : معلش يا تيتة انا مسافرتش فى اى حتة من زمان
عائشة : ابوكى عارف
يارا : لما يكلمك ابقى قوليله
عائشة : هتسافرى امتى
يارا :بعد اربع ايام يوم الخميس يعنى
عائشة : تروحى وتجى بالسلامة يا بنتى
*_____________________________________________**___________________________*
فى بيت بلال ...
(. الجرس رن وبلال فتح .)
اسامة : مساء الخير
بلال : انت تانى
اسامة : بس المرة دى جاى لك انت
بلال : خير
اسامة : بنت عمك مش مخطوبة صح هى ماشية مع عمرو ده بس
بلال : وانت ده يخصك فى ايه
اسامة : ميخصنيش بس يخصك
بلال : انجز
اسامة : انا وبنت عمك كنا مرتبطين وعلاقتنا كانت متطورة جداً واكيد انت طبعاً فاهمنى وفجأة انا اتغيرت عليها وده لانى اكتشفت انها بتروح شقق مع اولاد ومقضياها
بلال : والمطلوب
اسامة : هى حالياً بتروح مع عمرو بيته والعنوان اهو (واداله العنوان)
بلال : peace (ورزع الباب فى وش اسامة)
بلال لـ نفسه : اكيد الواد ده محروق من يارا اوى لاما محشش بس الاكيد ان الكلام ده مش حقيقي
*_____________________________________________**___________________________*
فى شقة عمرو ....
عمرو : هى ريم مجتش معاكى ليه
يارا : عند حماتها
عمرو : طيب شوفى ايه اللى ناقص
يارا : بصراحة الشقة ناقصها حاجات كتير اوى
عمرو : انا بقول نجيب المهم دلوقتى
يارا : اوكى
(. فجأة جرس الباب رن .)
يارا : انت مستنى حد
عمرو : اكيد لا
يارا : هيكون مين يعنى
عمرو : مش عارف مش هفتح اصلاً
يارا : طب على الاقل بُص من العين السحرية شوف مين
عمرو : حاضر
(. وراح عمرو ناحية الباب ورجع تانى لـ يارا .)
يارا : ها مين ؟
عمرو : ....... .......

رجل ولكناقرأ هذه القصة مجاناً!