الحلقة الثاثة عشر

5.9K 156 3

الحلقة الثالثة عشر

جزء من حلقة سابقة :
(. مشيت يارا ويدوب دخلت مدخل العمارة رجعت تانى بسرعة .)
يارا : بلال
*_____________________________________________**___________________________*
(. خرجت يارا لقيت بلال واقع على الارض ، اتصلت بالاسعاف واتنقل المستشفى .)
محمد : ايه اللى حصل يا يارا
يارا : معرفش يا عمو احنا كنا واقفين سوا قدام العمارة وانا دخلت وسمعت صوت فرامل جامد خرجت لقيت بلال على الارض
محمد : ومختيش رقم العربية
يارا : انا اتلهيت فى بلال واصلاً ملقتش ولا عربية فى الشارع
محمد : ربنا يستر ، يارا متقوليش لـ مرات عمك ولا لـ ريم لحد ما نطمن على بلال
يارا : حاضر يا عمو
(. بعد شوية يارا جالها مسج وكان مضمونها - الف سلامة على خطيبك ربنا يقومه بالسلامة - ، يارا اتخضت على عمرو واتصلت بيه .)
يارا : ايوة يا عمرو انت كويس
عمرو : الحمد لله
يارا : يعنى مفيش فيك اى حاجة
عمرو : فى ايه يا حبيبتى
(. فى لحظات يارا عملت فلاش باك وافتكرت ان أسامة كان معاها قبل بلال ما يجى وتوقعت ان أسامة هو اللى عمل كده .)
يارا : الغبى
عمرو : هو مين ده
يارا : عمرو ممكن شوية وهكلمك تانى
عمرو : ايه الاشتغالات دى فى ايه ، انتِ فين اصلاً
يارا : انا فى المستشفى ، بلال ابن عمى عمل حادثة
عمرو : احسن خد الشر وراح
يارا : ايه يا عمرو الكلام ده متنساش انه ابن عمى
عمرو : بيتهيألى هو اللى نسى انك بنت عمه وابوه نسى انك بنت اخوه واكيد انتِ مش محتاجة افكرك
يارا : خلاص مش وقته
عمرو : ومين الغبى اللى كنتى تقصديه ده
يارا : أسامة
عمرو : أسامة مين
يارا : هفهك بعدين باى دلوقتى
(. وقفلت بسرعة مع عمرو واتصلت بالرقم اللى بعتلها المسج .)
أسامة : اخبار حبيب القلب ايه
يارا : انت ازاى تعمل كده
أسامة : ايه اول مرة تعرفينى مانا عملتها قبل كده وكنت مجنون ولذيذ
يارا : بلال مش خطيبى ، ابن عمى مش اكتر
أسامة : طيب كويس انى خبطته بالراحة
يارا : انت عايز منى ايه
أسامة : عايزك انتِ
يارا : بس انا دلوقتى مخطوبة وبحب خطيبي
أسامة : انتوا لسه مخطوبين يعنى ممكن تفركشوا
يارا : يا سلام بالسهولة دى
أسامة : بصراحة انتِ لو متجوزة مكنتش هحاول معاكى بس طالما مخطوبة يبقى سهلة تفركشى
يارا : الغريب فى كل ده مش كلامك ولا تصرفاتك ، الغريب انك على قد ما الدنيا غربتك لسه واطى وحقير زى مانت
أسامة : اعقلى يا يارا وخدى بالك من كلامك معايا اظن انتِ عرفانى وعارفة انا ممكن اعمل ايه ، انا وصلتلك من تلت ايام بس وقدرت اجيب كل حاجة عنك حتى رقم موبايلك اللى اقلية جداً يعرفوه
(. قفلت يارا الخط فى وش أسامة وراحت تطمن على بلال .)
محمد : خير يا دكتور
الدكتور : كويس الحمد لله هو بس واخد غُرز كتير وكسر فى الكتف
محمد : يعنى مفيش اى خطورة عليه
الدكتور : اطلاقاً ، حمد الله على سلامته عن اذنكم
محمد : انا هكلم امه اطمنها
يارا : وانا هدخل اطمن عليه
(. ودخلت يارا عند بلال .)
يارا : حمد الله على سلامتك
بلال : الله يسلمك
يارا : هو ايه اللى حصل
بلال : يادوب انتِ مشيتى وسبتينى لقيت عربية خبطتنى بس الخبطة طيرتنى فـ دماغى خبطت فى الرصيف بعد كده محسيتش بحاجة
يارا : هو انت شوفت اللى خبطك
بلال : خير يا يارا انتِ بتحققى معايا
يارا : لا مبحققش معاك ولا حاجة بس انا ملحقتش اخد نمرة العربية اللى خبطتك وعمو كان عايز يبلغ عشان كده بسألك شوفت اللى خبطك ولا لا
بلال : هو شكله مش غريب عليا بس انا ملحقتش اشوف حاجة
يارا : حصل خير حمد الله على سلامتك
بلال : الله يسلمك
يارا : طيب انا هاروح بقى وهجيلك بكرة (. ومشيت .)
*_____________________________________________**___________________________*
فى بيت يارا .....
(. يارا بتغير هدومها فـ موبايلها رن .)
يارا : الو
رباب : اذيك يا يارا يا حبيبتى
يارا : تمام يا ماما وحضرتك واخواتى اخباركم ايه
رباب : تمام الحمد لله بس انا زعلانه منك اوى يا يارا
يارا : ليه
رباب : اولاً لا بتتصلى ولا بتسألى . ثانياً كده تبقى مرتبطة ومتقوليليش
يارا : اولاً المفروض حضرتك اللى تتصلى وتسألى لانى انا اللى قاعدة لوحدى وثانياً i think ان بابا قالك
رباب : بس كان نفسى اعرف منك
يارا : عموماً الموضوع باظ
رباب : باباكى بيقول انهم طماعنين فيكى
يارا : ههههههه وبابا بيقول كده بناءاً على ايه هو كان شافهم
رباب : ايوة بس عمك محمد شافهم
يارا : والمفروض ان بابا يصدق حاجة مشفهاش
رباب : يعنى هو اخوه هيكدب
يارا : لا طبعاً انا اللى بكدب
رباب : يعنى انتِ يا يارا تروحى تجوزى حد لا نعرفله اصل ولا فصل ، انتِ كأنك كده بتجوزى واحد من الشارع
يارا : عمرو مش اى واحد ومش من الشارع
رباب : اوكى بس النسب بالنسبة له لقطة ، انتِ مش عارفة انتِ بنت مين
يارا : واو ، تصدقى بهرتينى ، انا عارفة انا بنت مين بس اللى انا بنته ده لا غلانى ولا كان سندى وضهرى ولا وقف جنبى فى اكتر وقت بتبقى البنت محتاجة ابوها فيه
رباب : بصى يا حبيبتى بابا كان عايز يجى يقابل عمرو ده واهله بس هو على اخر لحظة رجع فى كلامه وحس ان عمرو مش مناسب ليكى ولا عيلته مناسبة لينا
يارا باستهزاء : والله !!
رباب : مش مصدقانى
يارا : بحاول
رباب : سيبك من عمرو ده انا عندى عريس لقطة اى بنت تتمناه
يارا : انا يمكن جوازى من عمرو بقى شبه مستحيل بس ده مش معناه انى هقوم الصبح اتجوز ، انا مش هتجوز خالص
رباب : يعنى ايه مش هتجوزى خالص
يارا : i think ان دى حاجة ترجعلى
رباب : لازم تبقى فى عصمة رجل عشان ........
يارا تقاطعها : عشان يصرف عليا صح
رباب : عشان حاجات كتير
يارا : حتى لو هتجوز حد غير عمرو فـ انا هتجوز اللى انا اختاره مش اللى انتِ او بابا تختاروه عشان مصالحكم
رباب : ده انتِ بقيتى بجحة وقليلة الادب اوى
يارا : thanks
رباب : انا فعلاً اعصابى بدأت تفلت منى انا هقفل عشان مغلطش
يارا : اوكى باى (وقفلت)
*_____________________________________________**___________________________*
تانى يوم فى احدى الكافيهات ...
عمرو : ايه بقى اللى حصل ده وكلمتك بالليل موبايلك كان مقفول
يارا : ماما رباب اتصلت عليا وشدينا فى الكلام sure هى اتصلت بـ بابا وحكيتله وهو هيتصل يتخانق فـ ريحت نفسى وقفلته
عمرو : مين أسامة ده
(. يارا حكت لـ عمرو حوار أسامة من اوله مراراً بحادثة بلال و لـحد اخر مكالمة بينهم .)
عمرو بعصبية : هو فى ايه
يارا : مالك يا عمرو
عمرو : مش ممكن يا يارا كل دى علاقات كانت فى حياتك
يارا : احنا كنا best friends مش اكتر
عمرو : اوكى انا مش معترض ولا بحاسبك على اى حاجة فاتت بس مش ممكن كل شوية يظهر لنا حد من الماضى ده
يارا : هو ايه اللى حصل يعنى غير حوار أسامة ده
عمرو : مش مهم ايه اللى حصل بس ده مش اول واحد
يارا : طب اعمل ايه ، انا والله قطعت علاقتى بكل اللى فات حتى اصحابى البنات
عمرو : واسامة ده بقى مُختل عقلياً ولا ايه نظامه
يارا : هو كان بيتصرف تصرفات غريبة فعلاً لدرجة اننا شكينا انه بـ يتعاطى drugs بس عرفنا بعد كده انه اتحجز سنتين فى مصحة نفسية بس معرفش السبب
عمرو : يعنى مجنون بجد انا كنت بهزر
يارا : انا خايفة عليك اوى يا عمرو ومش عارفة اعمل ايه
عمرو : كل شئ بيد الله واللى مكتوبلى هشوفه متخافيش
يارا : ياارب بقى انا زهقت
عمرو : منى
يارا : من كل اللى بيحصل ده
عمرو : معلش ان شاء الله ربنا هيعدى الازمة دى على خير
يارا : يارب
عمرو : انا مسافر اسكندرية النهاردة بالليل
يارا : خير فى حاجة
عمرو : لا بس عمر اخويا وابنه ومراته جايين اجازة وهروح اشوفهم
يارا : طيب ترجع بالسلامة (. قعدوا شوية وبعدين روحوا .)
*_____________________________________________**___________________________*
فى بيت ريم ...
ريم : وحشتينى اوى يا يارا
يارا : ايه با بنتى اللى رجعكوا بدرى كده
ريم : اهو اللى حصل
يارا : فى حاجة ولا ايه
ريم : حماتى يا يارا صعبة اوى اتصلت بينا واحنا فى شرم وقالت انها تعبانه وبتموت فاضطرينا نرجع
يارا : طيب مش يمكن تعبانة بجد
ريم : والله يا يارا روحتلها لقيتها اشد منى ومنك دى بتأفلم يا ماما عشان ماجد ميبعدش عنها
يارا : معلش استحملى
ريم : ايه صحيح اللى سمعته عن عمرو واهله ده
يارا : سمعتى ايه
ريم : سمعت انهم جايين طمعانين فيكى وواخدين الجوازة مصلحة وفى الاخر بوظوا الجوازة
يارا : مين اللى قالك الكلام ده
ريم : ماما
يارا : اوكى
ريم : الكلام ده بجد
يارا : انتِ سمعتى الكلام ده من مامتك واكيد عمو هو اللى قاله لها يبقى انا مينفعش اقول عكسه
ريم : يعنى الكلام ده مش حقيقى
يارا : انا هقولك حاجة وفكرى فيها وانتِ هتعرفى الاجابة لوحدك ، اعملى فلاش باك وافتكرى باباكى عمل ايه مع ماجد واهله اول ما اتقدملك وافتكرى عمل ايه فى ماجد طول فترة الخطوبة وافتكرى برضه لسه بيعمل فيه ايه وافتكرى انتِ كنتى بتقولى ايه على باباكى
ريم : يعنى بابا هو اللى ...............
يارا تقاطعها : انا هقوم اروح بقى عشان اتأخرت
ريم : طب ما تقعدى كمان شوية
يارا : لا مش هينفع كفاية كده وعشان اسيبك لـ ماجد بقى
ريم : اوكى ، مشوفتيش بلال صحيح اصل بكلمه مبيردش
يارا بارتباك : لا مشوفتوش لو شوفته هخليه يكلمك (ومشيت يارا)
*_____________________________________________**___________________________*
تانى يوم فى اسكندرية ....
عمر : هو حقيقى حوار يارا ده باظ
عمرو : اه بس احنا لسه مرتبطين
عمر : طب وهتعملوا ايه
عمرو : والله يا عمر ما عارف اعمل ايه مش هقدر اتجوز حد غير يارا وابوك مش هيوافق حتى لو وقفتله على شعر راسى
عمر : طالما بتحبها اتجوزها ومع الوقت ابوك هيرضى بالامر الواقع
عمرو : مقدرش اعمل كده ، ابوك مفرحش بيك بسبب جوازك هناك وعمار مات يعنى انا الفرحة اللى مستنيها
عمر : انت عبيط يالا هو انت عشان تفرح ابوك تحرم نفسك من اللى بتحبها ، ابوك خلاص فرح بجوازه كفاية عليه ، وعلى فكرة اى اب مهما كان مش راضى على جوازة ابنه او بنته بينسى كل ده اول ما يشوف حفيده واديك شايفه بيعمل ايه مع كريم ابنى
عمرو : يا عم انا مقدرش اعمل كده وبعدين اهل مراتك كانوا موافقين عليك لكن اهل يارا مش هيوافقوا عليا بطولى كده لازم اروح باهلى
عمر : انت مش قولتلى ان يارا دى عايشة لوحدها واهلها سايبنها ومينزلوش مصر
عمرو : قصدك ايه ؟
عمر : هى يارا عندها كام سنة
عمرو : ٢١ سنة
عمر : يعنى وصلت السن القانونى
عمرو : انت قصدك ايه
عمر : اتجوزها يا عمرو
عمرو : نعم !!
عمر : اللى سمعته اكتب على يارا واتجوزها
عمرو : اتجوزها !! وهى هتوافق على حاجة زى كده
عمر : انت ادرى بيها منى بس حرام تضيعها من ايدك (.ومشى.)
عمرو لنفسه >> يا ترى يارا هتوافق على حاجة زى دى
(. هنا دخلت لميس وكريم .)
لميس : شوفت كريم عامل ازاى اجنبى خالص ومبتكلمش عربى نهائى
عمرو : مش امه اجنبية
لميس : وهى يارا امها اجنبية ؟
عمرو : يارا !! اشمعنى
لميس : اصلها بترطم انجليزى كتير
عمرو : ههههه لميس طلعى يارا من دماغك عشان متتعبيش
لميس : وانت مين قالك انى حطاها فى دماغى
عمرو : مش محتاج حد يقولى
لميس : خالتى بتقولى ان الجوازة باظت
عمرو : اه باظت
لميس (بتصتنع الزعل) : والله زعلت بس ليه كده
عمرو : عشان انتِ مكنتيش بتدعيلى بذمة
لميس : لا ده انا كنت بدعى بذمة وبذمة اوى كمان
عمرو : يبقى اكيد كنتى بتدعى الجوازة تبوظ صح
( لميس ابتسمت ابتسامة صفرا كأنها بتأكد كلام عمرو )
عمرو : ماشى يا بنت خالتى نردهالك فى الافراح
(. فضلت لميس تفكر عمرو بـ ايام ما كانوا اطفال وبيلعبوا سوا وبايام ما كانوا مرتبطين وفكرته باحلى ايام ليهم سوا وعمرو اندمج جداً معاها .)
فى عز ضحكتهم واندماجهم .....
لميس : بحبك يا عمرو
عمرو بارتباك : ايه ؟
لميس : انت ليه مش عايز تقولها ، ليه مصمم انى اهين نفسى اكتر من كده
عمرو : يا لميس انا ......
لميس : انا عارفة انك مبتحبش يارا لانك لو بتحبها مكنتش سيبتها كده بسهوله
عمرو : طب مانا سيبتك بسهولة برضه
لميس : كنت لسه صغير احنا دلوقتى كبرنا تعالى يا عمرو نرجع احلى ايام فى حياتنا تانى
عمرو : يا لميس انا ، مش عارف اقولك ايه بصراحة
لميس : واضح يا عمرو انى بشحت منك وواضح انك مبسوط اوى وانا بجرح كرامتى وبهين نفسى
عمرو : افهمينى بس يا يارا
لميس : يارا !!!!!!
(. نزلت دموع لميس منها غصب عنها وخدت كريم وديته لامه وروحت .)
*_____________________________________________**___________________________*
فى المستشفى ..
يارا : عامل ايه النهاردة
بلال : كويس الحمد لله
يارا : طب الحمد لله انا قولت اجى اطمن عليك
بلال : كل يوم بتخلينى اكره نفسى اكتر من الاول
يارا : متقولش كده يا بلال احنا فى النهاية ولاد عم
بلال : يارا انا هوعدك وعد
يارا : وعد ايه
بلال : اوعدك انى هقف جنبك وهبقى سندك وهساعدك لحد ما تبقى باذن الله فى بيت عمرو
يارا : انت بتتكلم جد يا بلال
بلال : جد جداً يا يارا ، هقف جنبك حتى لو وصلت انى اقف ضد عمى وابويا
يارا : انا مش مصدقة نفسى بجد
بلال : صدقى ، انتِ تستاهلى كل خير
يارا : انت طيب اوى يا بلال :)
بلال : لا مش طيب اللى بتجبرى الواحد يتعامل معاكى بكل طيبة بسبب برائتك وطيبتك
يارا : ربنا يخليك ليا يا احلى اخ فى الدنيا
بلال : ويسعد قلبك يا احلى يارا فى الدنيا
يارا : انا هروح بقى عشان متأخرش
بلال : خدى بالك على نفسك (ومشيت)
*_____________________________________________**___________________________*
فى خلال ١٥ يوم ....
- يارا وعمرو بيحاولوا يوصلوا لـ حل
- بلال خرج من المستشفى
- أسامة بيهدد يارا انه هيأذى عمرو بعد ما توصل لـ عنوانه
- ابو يارا رجع الامارات وبيلح عليها تجى الامارات
- رباب فى مشاكل كبيرة مع أشرف
- عائشة مازالت مريضة وملازمة الفراش ومبتخرجش من اوضتها
*_____________________________________________**___________________________*
فى احدى الكافيهات ....
يارا : انا معرفش اسامة ده عايز منى ايه
عمرو : انا مش مستوعب ازاى واحدة تبقى بتحب واحد تانى وانت مصمم تاخدها منه هو الجواز بالعافية
يارا : فى ناس كده معندهاش كرامة ولا دم
عمرو : حاجة قرف بصراحة انا بتخنق من الناس دى ، انا برضه مش فاهم انتِ ليه مش عيزانى اوقفه عن حده
يارا :عشان اسامة مجنون وانا خايفة عليك منه
عمرو : هو انا عيل فى ابتدائى يا يارا
يارا : يا عمرو يا حبيبى انا مش هطمن لو حصل مواجهة بينك وبين اسامة
عمرو : ما علينا من حوار زفت أسامة ده دلوقتى لانها مش طلباه
يارا : انت متكلمتش مع باباك تانى
عمرو : انا بتكلم كل يوم يا يارا وبرضه مش موافق
يارا : حتى لو بابا جه
عمرو : حتى لو ابوكى جه يخطبنى بنفسه هههههههه
يارا : للدرجة دى ابوك over بصراحة
عمرو : انتِ اصلك مشوفتيش عمك عمل ولا قال ايه ده مرمطنا يا بنتى
يارا : طب والحل يا عمرو انا تعبت
عمرو : انا عندى حل بس اتوقع انك هترفضيه
يارا : قول يا عمرو بليز انا موافقة على اى حاجة
عمرو : الحل اننا نتجوز
يارا : هو ده الحل ؟ اذا كانت دى المشكلة
عمرو : لا انا قصدى نتجوز من غير موافقة اهلى واهلك
يارا : عرفى !!
عمرو : لا طبعاً رسمى وعند مأذون
يارا ساكتة بتحاول تستوعب كلام عمرو
عمرو : ايه يا حبيبتى ساكتة ليه
يارا : عُمرى ما خطر على بالى اننا نتجوز بالطريقة دى
عمرو : والله ولا انا بس عندك حل غيره
يارا : لا بس ده حل صعب اوى
عمرو : بس فراقنا هيبقى اصعب يا يارا انا خلاص مبقتش قادر اعيش من غيرك كل املى فى الحياة ان يجمعنا بيت
يارا : واحنا كده هيجمعنا بيت ولا هنبقى زى الحرامية
عمرو : زى الحرامية ازاى بس ، انا هتجوزك على سنة الله ورسوله وهتجى تعيشى معايا فى بيتى
يارا : اعيش معاك !! طب وجدتى ؟
عمرو : نبقى نشوف ساعتها هنقولها ايه
يارا : طب وبابا
عمرو : بذمتك ابوكى بيهتم انتِ فين ولا بتعملى ايه
يارا : عندك حق
عمرو : طب ايه رأيك موافقة ولا لا
يارا : ...........................

رجل ولكناقرأ هذه القصة مجاناً!