الحلقة الحادية عشر

7.1K 155 5

الحلقة الحادية عشر

جزء من حلقة سابقة :
(. خلص عمرو السيكشن وطلب من ندى تجى معاه ، راحت مع عمرو على غرفة الدكاترة وكانت يارا ولى لى فى انتظارهم ، عمرو خدهم عشان الموضوع ميكبرش ويوصل للعميد او مجلس تأديب الكلية فقرر يحل الموضوع ودى عشان يارا متتأذيش او سمعتها تضر فى الجامعة ، حكت يارا اللى عندها واستشهدت بـ ندى وبالمسج وحكت لى لى اللى عندها واستشهدت بـ ندى .)
عمرو : الاتنين يا ندى بيشهدوكى قولى الحقيقة
(. ندى فى حيرة من امرها ، بين نارين ، نار الحق ونار صاحبة عمرها اللى هتخسرها .)
عمرو : قولى يا ندى الحقيقة مين المظلوم لى لى ولا يارا
ندى : .....................
*_____________________________________________**___________________________*
ندى بتبص لـ لى لى شوية ولـ عمرو شوية
عمرو : طب معلش يا يارا معلش يا لى لى ياريت تستنونا بره
(. خرجت يارا ولى لى بره .)
عمرو : هاا يا ندى اتكلمى
ندى : انا ماليش دعوة بالحوار ده
عمرو : يا ندى انتِ الشاهد الوحيد يعنى لو يارا مظلومة يرضيكى سمعتها وشرفها وسيرتها يبقوا على لسان كل الناس
ندى : لا طبعاً
عمرو : ومتعرفيش ان الساكت عن الحق شيطان اخرس
ندى : عارفة بس .......
عمرو : بصى لو كلامك ضد لى لى صدقينى مش هتعرف حاجه هقول انك مقولتيش وانا هعرف ازاى اتصرف
ندى : promise
عمرو : انا قد كلمتى
ندى : اوكى ، من يوم ما حضرتك ويارا بدأتوا تهتموا ببعض اوى ولى لى حاطة يارا فى دماغها بتحاول تسببلها مشاكل لحد ما اتفقت مع حمزة ده على يارا يعنى انه يقرب منها ويحاول يشكك فيها فانا بعت مسج لـ يارا احذرها من الفخ اللى لى لى عايزة توقعها فيه
عمرو : يعنى يارا مكنتش على علاقة من اى نوع مع حمزة ده
ندى : لا
عمرو : خلاص يا ندى تقدرى تفضلى وياريت تبعتيلى يارا
(. خرجت ندى وبعتت يارا لـ عمرو ، دخلت يارا المكتب و قفلت وراها ووقفت واول ما شافت عمرو عيطت ، قام عمرو من مكانه وراح عندها .)
عمرو : ايه يا حبيبتى بتعيطى ليه بس
يارا : كل ده ومش عايزنى اعيط
عمرو : يارا انتِ احسن بنوتة فى الدنيا وخليكى دايماً واثقة من ده ورافعة دماغك فوق
يارا : رد فعلك كان بيقول غير كده
عمرو : هنتناقش فى رد فعلى بعدين ، احكيلى دلوقتى اللى حصل مع لى لى
يارا : هى جت فى يوم قعدت معايا وعرفتنى على حمزة ، فضل بقى كل شوية يضايقنى ويظهرلى فى كل مكان وفى كل situation ومن فترة جاتنى مسج من رقم معرفوش فيه تحذير من لى لى وحمزة ، ومن كام يوم حمزة بعتلى مسج على الفيس وقالى ان لى لى هى اللى طلبت منه يعمل معايا كده ، واعتذرلى وقالى اخد بالى عشان لى لى ناوية تأذينى
عمرو : تمام متزعليش يا حبيبتى امسحى دموعك واطلعى ناديلى لى لى
_*_*_*_*_
(. بعد ما لى لى جت .)
عمرو : بصى يا لى لى انا متأكد انك عايزة تسببى مشاكل لـ يارا لان يارا جالها اكتر من رسالة تحذير منك ده بجانب رسالة من حمزة نفسه اللى اتأسفلها وحذرها منك
لى لى : كلهم كدابين
عمرو : بدون تفاصيل ، المرة دى انا لميت الموضوع المرة الجابة هحوله لـ مجلس تأديب الكلية وساعتها هيبقى تحقيق وفضايح انا قولت لـ يارا متتعرضش ليكى وانتِ كمان متتعرضيش ليها اوكى
لى لى بزهق : اوكى
عمرو : تقدرى تفضلى
(. وخرجت لى لى .)
عمرو : يالهووووووى ياما ايه ده ، ان كيدهن عظيم فعلاً
*_____________________________________________**___________________________*
يارا وعمرو فى عربية عمرو :
عمرو : يا حبيبتى مالك
ياارا : مخنوقة اوى
عمرو : اكيد من رد فعلى بس كان لازم اعمل كده ، كان لازم اتعامل معاكوا على انى الاستاذ بتاعكم انتوا الاتنين مش حبيبك مكنش ينفع افضل حد على حد ده ممكن يسببلى مشاكل ويسببلك انتِ كمان
يارا : it's ok
عمرو : مالك يا يارا
يارا : تفتكر لو بابا كان هنا كان حد قدر يتجرأ عليا كده
عمرو : يا حبيبتى مش كل حاجه تسببيها بـ غياب ابوكى ، انتِ زى اى انسان فى ناس بتحبه وناس بتكرهه ناس يتتمناله الخير وناس هى اللى بتحط الشر قدامه ، ودى كلها تجارب لازم تمرى بيها عشان تتعملى وتاخدى خبرة فـ كل ده عادى
يارا : يعنى لى لى بتحبك للدرجة دى
عمرو : لا لى لى بتكرهك للدرجة دى ولو اتعرضتلك تانى هوصل الحوار لـ مجلس تأديب الكلية عشان تتربى
يارا : اوكى
عمرو : عندى ليكى خبر حلو
يارا : خير
عمرو : انا مش راجع اسكندرية
يارا : بجد
عمرو : ايووون هرجع اخر الاسبوع
يارا : طب مامتك وباباك
عمرو : هما اللى قالولى
يارا : يعنى هنخرج كل يوم بقى وكده انت وحشتنى اوى
عمرو : خروج ايه يا ماما الامتحانات قربت وعندك مذاكرة ماشى
يارا : حاضر
*_____________________________________________**___________________________*
بعد مرور شهرين :
- يارا امتحنت ومعاها مادة هتمتحنها فى الـ summer course
- لى لى بعدت عن يارا خالص خوفاً من عمرو
- كريمة وجلال بدأوا يتعايشوا مع وفاة عمار
- لميس مرة توصل لـ عمرو انها بتحبه ومرة توصله انه اخوها
- بلال بيحاول يثبت لـ يارا انه بقى انسان كويس
- ريم مشغولة فى تجهيزات فرحها
- عائشة تعبت ومُلازمة لـ الفراش
- يارا وريم عرفوا عمرو وماجد على بعض
*_____________________________________________**___________________________*
فى بيت يارا ...
يارا بتكلم ابوها فى الموبايل ..
أشرف : انا مش قولتلك ركزى فى مذاكرتك عشان متشليش مواد للصيف عشان تعرفى تجى
يارا : لا حضرتك قولتلى انك هتحاول تجى فى الصيف عشان تقابل عمرو
أشرف : حاولت ومعرفتش
يارا : يعنى ايه يا بابا مش هتجى
أشرف : انا مسافر يا بنتى عندى شغل بره الامارات وصعب اجى مصر الايام دى
يارا : يعنى انا اقول لـ عمرو ايه
اشرف : ماهو ممكن يجى يقابل جدتك او عمك
يارا : يعنى ابويا يبقى عايش وهو يقابل جدتى او عمى للدرجة دى يا بابا
اشرف : يارا يا حبيبتى انتِ عارفة طبيعة شغلى قدرى الظروف شوية ، اجلى موضوع الخطوبة شوية وامتحنى المادة اللى عندك وتعالى عشان تقعدى معانا شوية
يارا : اجى لمين لما انت هتسافر بره الامارات وبعدين انا مش هاجى انا عايزة احضر فرح ريم
اشرف : يعنى مش هتجى
يارا : لا مش جاية
اشرف : ده كلام سابق لاوانه امتحنى وهنشوف هيحصل ايه
يارا : طيب ابعتلى فلوس
اشرف : حاضر عايزة كام
يارا : مش عارفة بس مش اقل من ٥٠٠٠
اشرف : هحولك بكرة الصبح ان شاء الله ، مش عايزة حاجه تانية
يارا : thanks
اشرف : خدى بالك على نفسك وطمنينى عليكى (وقفلوا المكالمة)
(. قفلت يارا مع ابوها واتصلت بـ عمرو .)
عمرو : ها يا حبيبتى بابا قالك ايه
يارا : مقالش يا عمرو
عمرو : مش فاهم ايه اللى حصل
يارا : بابا مش جاى السنة دى وعايزنى اروحله
عمرو : نعم يعنى هتسافرى
يارا : انا قولتله مش مسافرة
عمرو : برضه مازالت المشكلة موجودة يعنى هو مش هيجى
يارا : بيقول شغل بره الامارات وبيقول مش جاى
عمرو : مش ممكن يعنى هو ابوكى مش عايز يجى ليه خلينا نخلص بقى
يارا : بيقول انك ممكن تقابل جدتى او عمى
عمرو : انا معنديش مشكلة هقول لـ ابويا واشوف هيقول ايه
يارا : بس انا مش عايزة كده
عمرو : مش عايزة ايه بالظبط
يارا : يعنى انت يرضيك يبقى بابا عايش واتخطب من عمى او جدتى
عمرو : يا يارا معلش بس مفيش حل الا كده ، يا حبيبتى انا بجد تعبت من غيرك نفسى نتجوز بقى
يارا : خلاص يا حبيبى ، قول لـ باباك واول ما تتفقوا هقول لـ عمو عشان تجى تقابلوه
عمرو : انتِ معندكيش اعمام غيره
يارا : عندى بس هو ده اللى موجود فى القاهرة
عمرو : والباقيين فين
يارا : بره مصر
عمرو : انتوا عيلة غاوية غربة وشحططة اساساً يالا ما علينا ، فرح ريم امتى
يارا : بعد بكرة
عمرو : هتحضرى طبعاً
يارا : اكيد انا رايحة بكرة اشترى فستان
عمرو : اوعى حد يعاكسك
يارا : ههههه حاضر
عمرو : طيب انا هقوم اكلم ابويا واشوف ايه النظام ، انا جاى القاهرة بكرة صحيح
يارا : خلاص تعالى معايا نشترى الفستان مع بعض
عمرو : ماشى يا حبيبتى (وقفلوا المكالمه)
*_____________________________________________**___________________________*
فى بيت عمرو فى الاسكندرية ....
عمرو : بابا كنت عايز اقولك على حاجه
جلال : خير يا ابنى
عمرو : فاكر البنت اللى كنت قولتلك انى عايز اخطبها
جلال : اه فاكر هنخطبها امتى
عمرو : هو فى مشكلة
جلال : ايه الخطوبة اللى كلها مشاكل دى خير بقى المرة دى
عمرو : ابوها مش عارف يجى فـ احنا ممكن نقابل جدتها او عمها
جلال : جدتها او عمها ؟ مش امها حتى
عمرو : ماهى امها متوفيه
جلال : لا اله الا الله بس يا ابنى هو للدرجة دى مستقل بينا
عمرو : هى ظروف شغله كده
جلال : مش للدرجة دى يعنى مش قادر ياخد اسبوع واحد يقابل فيه عريس بنته
عمرو : خلينا احنا احسن
جلال : مفيش حاجة اسمها كده ، واحدة ابوها عايش وعلى وش الدنيا اروح اقابل جدتها ليه ، اقابل واحدة ست ليه ؟
عمرو : يا بابا انا بحبها ومفيش حل الا كده
جلال : عايز تصغر ابوك على اخر الزمن يا عمرو
عمرو : ايه التصغير فى كده
جلال : الدنيا مش هتتهد ولا الشغل هيبوظ لو جه يومين يقابلنا فيهم ، ده رجل مستهتر سايب بنته وفى الاخر كمان لما يجيلها عريس يقول يقابل جدتها
عمرو : ماحنا ممكن نقابل عمها
جلال : انا مش هقابل الا ابوها طالما عايش (وقام وسابه)
عمرو : اووووووف بقى ايه القرف ده
*_____________________________________________**___________________________*
فى بيت ريم :
يارا : كده كل حاجه خلصت يا ريم
ريم : انا حاسة ان فى حاجات ناقصة
يارا : لا يا ريم حرام عليكى ده انا لسه مجبتش الفستان اللى هحضر بيه الفرح
ريم : هتجبيه امتى
يارا : بكرة بقى
ريم : طيب اجى معاكى
يارا : تجى معايا فين بس ، انا هروح الصبح اجيبه ان شاء الله وهاجى عليكى عشان الحنة
ريم : بس فكرة الحنة دى كويسة اوى خصوصاً انك عملاها للبنات بس
يارا : اى خدمة يا بنتى انتِ متعرفيش انا فرحانة ازاى بجد يا ريمو فرحنالك جداً
(. اتصل عمرو بـ يارا .)
يارا : ايوة يا حبيبى
عمرو : انتِ فين كده
يارا : انا عند ريم
عمرو : سلميلى عليها وقولى لها مبروك
يارا لـ ريم : عمرو بيسلم عليكى وبيقولك مبروك
ريم : الله يسلمه قولي له مينساش يجى بكرة انا عزماه
يارا : هتجى فرح ريم
عمرو : اكيد مش هاجى
يارا : ليه
عمرو : انا معرفش حد هناك
يارا : هو مش ماجد عزمك
عمرو : اه
يارا : خلاص تعالى عشان خاطرى
عمرو : حاضر هحاول هسيبك بقى مع ريم (وقفلوا المكالمة)
(. دخل بلال عليهم .)
ريم : خير يا بلال فى حاجة
بلال : عايز يارا
يارا : انا ؟
بلال : ممكن خمس دقايق مش كتير
ريم : طب انا هروح اكلم ماجد (وخرجت)
بلال : لسه زعلانه منى
يارا : بلال ، انا مش زعلانه منك وفعلاً انا سامحتك بس صعب انسى
بلال : طب ادينى فرصة واحدة
يارا : بلال انا بحب واحد تانى
بلال : انا مبقولكيش حبينى بس ادينى فرصة اثبتلك انى بقيت واحد تانى
يارا : وايه لازمة كل ده
بلال : لازمة ده انى مش عايز اخسرك ، ولو حتى كـ ابن عم
يارا : خلاص يا بلال انا عارفة انك بقيت انسان كويس واتغيرت وانا سامحتك من زمان اوى بس كل الحكاية ان الموقف ............
بلال يقاطعها : الموقف كان صعب وندل واكيد كل ما تفتكريه بتكرهينى ، اوعدينى انك هتحاولى متفتكرهوش
يارا : i promise انى هحاول مفتكرش يا بلال
بلال : اتمنى ، وربنا يسعدك مع عمرو (وخرج)
*_____________________________________________**___________________________*
بعد يومين فى فرح ريــم :
(. الفرحة والحب باينين اوى فى عيون ريم وماجد ، فرحة ريم وماجد خليت يارا تتمنى تعيش اللى شافته بينهم ، كل موقف كانت بتشوفه بينهم كانت بتتخيل نفسها هى وعمرو ، يارا بتتصل بـ عمرو ومبيردش عليها مما آثار قلقها عليه وفقدت جزء كبير من تركيزها .)
بلال : عقبالك
يارا : thanks
بلال : مالك يا يارا حاسس انك مضايقة
يارا : ها لا
بلال : لا بجد مالك ، حسسينى اننا اخوات فعلاً واحكيلى
يارا : بقالى اكتر من ساعة بتصل بـ عمرو ومبيردش ولا حنى بيكنسل معرفش قلقت عليه ليه
بلال : يمكن نايم او مش سامع الموبايل
يارا : هو مبينمش فى الوقت ده
بلال : لو عارفة عنوانه انا ممكن اروح اشفهولك
يارا : لا لا معرفوش
بلال : طيب
بلال لنفسه >> للدرجة دى بتحبيه وشاغل تفكيرك ، للدرجة دى بتخافى عليه ، يا ترى هو يستاهل حبك وخوفك ده ، مين القوة اللى تخلى يارا تحب وتقلق وتفكر بالطريقة دى ، اكيد اللى يوصل يارا للمرحلة دى يبقى مش اى حد ، يا ترى عملت لها ايه يا عمرو ، يا ترى فعلاً انت كويس كده ومميز عشان تعمل فى يارا كده ولا بتشتغلها ، وهل انا حبيت يارا لدرجة انى سعيد انى شايفها مبسوط حتى لو مع غيري ، ااااه يا يارا لو تعرفى بحبك قد ايه ، بحبك من زمان اوى يا يارا ، بس للاسف خرجت عن شعورى وتصرفت معاكى بغباوة خلتنى اخسرك للابد مهما سامحتى او نسيتى هيفضل بينا حاجز ، حاجز خوفك منى

رجل ولكناقرأ هذه القصة مجاناً!