رجل ولكن

الحلقة السابعة

الحلقة السابعة

جزء من حلقة سابقة :
عمرو : هو بلال كان عايز ايه
(. حكيتله يارا اللى حصل كله .)
يارا : انا مش فاهمة ازاى يطلب يرتبط بيا بعد اللى عمله
عمرو : هو عمل ايه
يارا : .....................

*_____________________________________________**___________________________*
يارا : هو حاول ......
عمرو : حاول ايه كملى
(. يارا عيطت جامد جداً .)
عمرو : مالك يا يارا فى ايه
يارا : معلش يا عمرو مش قادرة اتكلم دلوقتى
عمرو : خلاص يا حبيبتى انا بس عايز اطمن عليكى
يارا : متقلقش انا هبقى كويسة هقوم انام
عمرو : طيب يا حبيبتى صليتى العشا
يارا : لا
عمرو : طب يا حبيبتى قومى صلى العشا ونامى
يارا : حاضر
عمرو : تصبحى على خير
يارا : وانت بخير . باى
(. قامت يارا صلت العشا وبعد ما صلت ارتاحت جداً وقررت تكلم عمرو .)
عمرو : انتِ كويسة
يارا : متقلقش يا حبيبى انا بقيت كويسة
عمرو : طب الحمد لله
يارا : انا كنت عايزة احكيلك بلال عمل ايه
عمرو : متضغطيش على نفسك يا حبيبتى لو مش قادرة او مش عايزة متحكيش
يارا : لا انا عايزة احكيلك
عمرو : زى ما تحبى
يارا : من حوالى اربع سنين ، اول ما جيت مصر عشان اقدم لـ الكلية ، كان بلال هو اللى معايا فى كل الخطوات بتاعة التقديم وهو اللى خدنى اعمل test(اختبار) الرخصة وهو برضه اللى راح معايا اشترى العربية وعرفنى الـ malls(المراكز التجارية الكبيرة) وحفظنى القاهرة كلها
عمرو : تمام
يارا : قربنا لبعض اوى وبقينا best friends(اصحاب جداً) مش ولاد عم بس
عمرو : تمام
يارا : بعد كده عرفت ان بلال بياخد drugs(مخدرات) ، قررت ابعد عنه لحد ما فى يوم كنت لوحدى لان جدتى راحت للدكتور هى وعمى والجرس رن لقيته بلال
FLASH BACK
بلال : صباح الخير
يارا : صباح النور
بلال : لسه صاحية
يارا : yes
بلال : حتى وانتِ صاحية مُزة كده
يارا : thanks . هو انت مروحتش مع تيته و uncle (عمو)
بلال : لا بتخنق من جو الدكاترة والمستشفى
يارا : اوكى
بلال : ادخلى بقى غيرى هدومك عشان هنخرج انا وانتِ وريم وعلياء
يارا : اوكى استنانى مش هتأخر
(. دخل بلال شغل التلفزيون ، ودخلت يارا الحمام تغسل وشها وبعد كده دخلت اوضتها عشان تغير هدومها ، قام بلال من قدام التلفزيون ودخل على يارا اوضتها .)
يارا : ايه ده يا بلال انت ازاى تدخل كده من غير ما تخبط
بلال : انا جيت اطمن عليكى
يارا : اوكى . Please go out (من فضلك اخرج بره)
بلال : استنى بس هوريكى حاجه
(. ودخل الاوضة وقفل الباب وراه ، حاول يتحرش بـ يارا لكنها قدرت تقاومه لحد ما وقعت على الارض وكان بلال فوقها وحاول يغتصبها ، لكن يارا قدرت تفلت منه وطلعت البلكونة وهددته انها ترمى نفسه ، ساعتها بدأ بلال يفوق لانه كان شارب مخدرات وخرج ومنزلتش يارا من على درابزين البلكونة الا لما شافت بلال تحت ، نزلت يارا وراحت قفلت الباب وانهارت من العياط .)
___*___*____*___
عمرو بعصبية : الحيوان
يارا : من يوم الموقف ده وهو بيحاول ميتكلمش معايا ، بشوفه بالصدفة اصلاً لانه بيتجنب وجوده فى المكان اللى انا فيه لكن من فترة حاول يظهر فى حياتى تانى ويتدخل فى كل حاجه وفى النهاية طلب منى الارتباط
عمرو : وعملتى ايه بعد اللى عمله
يارا : معملتش حاجة
عمرو : يعنى مقولتيش لحد او حتى ابوكى
يارا : لا
عمرو : ليه
يارا : محبتش اعمل مشاكل فى العيلة
عمرو : انتِ مجنونة
يارا : انا مبحبش المشاكل وبعدين واحد زى بلال ممكن يكدبنى ويقول عليا كلام كتير
عمرو (بيحاول يهدى) : خلاص حصل خير المهم انك كويسة
يارا : عارف يا عمرو ، عدم وجود بابا فى حياتى سببلى مشاكل كتير ، خلى اى واحد يتجرأ عليا ، اى حد يقول اللى هو عاوزه او يعمل اللى هو عاوزه
عمرو : بس على كلامك انتِ كنتى عايشة معاهم فى الامارات لحد الثانوى
يارا : بس برضه كنت عايشة لوحدى
عمرو : ازاى
يارا : بابا مش قاعد فى الامارات على طول ، بيسافر كتير عشان دى طبيعة شغله ده غير انه ممكن يقعد فى التنقيب جوه الامارات بالاسبوع او الاتنين
عمرو : طيب ما دى طبيعة شغله وده عادى ان ممكن ٩٠٪ من الابهات كده لكن اللى مش طبيعى ان البنت تكون بعيدة عن مامتها
يارا : مش فاهمه
عمرو : يعنى انا ملاحظ انك مبتجبيش سيرة مامتك خالص ولا حتى مرة صادفت وكلمتك قدامى ، ده غير ان الاب ممكن يسيب ولاده فى بلد تانيه عادى لكن الام صعب جداً خصوصاً لو بنت زيك
يارا : mum is dead (ماما ميتة)
عمرو : dead ازاى ، انتِ كذا مرة تحكيلى عنها حاجات وفهمت انها عايشة
يارا : اللى بكلمك عنها دى ماما رباب ، دى مش مامتى دى مامة اخواتى
عمرو : يعنى مرات باباكى
يارا : yes
عمرو : اهاا ومامتك متوفيه من امتى
يارا : i think i was 4 or 5 years (بيتهيألى كنت اربع او خمس سنين)
عمرو : الله يرحمها يا حبيبتى ، طيب ومرات باباكى مش كويسة معاكى
يارا : no no هى كويسة جداً معايا بس كل اهتمامتها اكلت ذاكرت حاجات زى كده لكن مكناش قريبين من بعض مكنتش بتحاسبنى مثلاً زى ما بتعمل مع يحيى ويامن ، لما كنت فى ثانوى بدأت تتغير معايا وتغير من معاملة بابا معايا وانه بيفضلنى عليها وعلى اخواتى ولما جيت مصر كأنى كنت هم وخلصت منه
عمرو : معلش يا حبيبتى ، ان شاء الله نتجوز واعوضك عن كل حاجه
يارا : يعنى انت مش زعلان من اللى حصل مع بلال
عمرو : لا انتِ ملكيش ذنب وبعدين هو اللى حيوان انا بس زعلان من حاجه واحده بس
يارا : what is it ?
عمرو : انك خبيتى عليا ، يعنى انا يدوب لسه عارف ان مامتك متوفيه وكمان موضوع بلال ده ده غير حوار الواد اللى كان واقف معاكى فى الكليه
يارا :please forgive me (سامحنى)
عمرو : حصل خير بس ياريت تبقى اخر مرة
يارا : حاضر
عمرو : قومى يالا يا حبيتى ارتاحى ونامى شويه ومتفكريش فى حاجه
يارا : انت كمان هتنام
عمرو : اه
يارا : ok good night . Bye
عمرو : سلام
*_____________________________________________**___________________________*
تانى يوم فى الجامعة :
بعد ما عمرو خلص السيكشن ...
لى لى : لو سمحت يا دكتور عمرو
عمرو : اتفضلى
لى لى : فى حاجه مفهمتهاش
عمرو : ليه مقولتيش فى السيكشن مانا سألت حد مش فاهم حاجه
لى لى : اتكسفت
عمرو : ايه اللى انتِ مش فهماه
لى لى : الـ part(الجزء) ده
عمرو : طب تعالى اشرحهالك فى اوضة الدكاترة
(. راح عمرو ولى لى للاوضة وفى طريقهم يارا شافتهم لكن عمرو بص وابتسملها من غير ما يتكلم ، ولى لى بصتلها بـ تحدى .)
بعد ما عمرو خلص شرح ...
عمرو : فهمتى
لى لى : شوية
عمرو : اوكى وقت ما تحبى اشرحلك حاجة ابقى قولى بس فى السيكشن ومتتكسفيش
لى لى : اوكى بس ممكن رقم موبايلك
عمرو : ليه
لى لى : عشان لو احتجت حاجه فى المذاكرة
عمرو : اوكى عادى ، اتفضلى (واداها الرقم)
____*____*_____
(. اتصلت يارا بـ عمرو .)
يارا : انت فين
عمرو : فى اوضة الدكاترة
يارا : لى لى كانت ماشية معاك ليه
عمرو : كان فيه part مش فهماه
يارا : يا سلام
عمرو : انتِ بتغيري
يارا : sure
عمرو : ههههه متخافيش يا حبيبتى انا بحبك انتِ
يارا : هشوفك النهاردة
عمرو : لا مش هينفع عندى مذاكرة كتير اوى وانتِ كمان عندك مذاكرة
يارا : اوكى انا هروح
عمرو : لا استنى
يارا : استنى ايه
عمرو : هاجى اشوفك عشان وحشاااانى اووووووى
يارا : اوكى انا فى مدخل الكلية
(.راح عمرو لـ يارا وشافها ووقفوا مع بعض شوية وبعد كده يارا روحت وهو روح بعدها بشوية.)
*_____________________________________________**___________________________*
بالليل فى بيت يارا :
ريم : ما تجى نخرج يا يارا انا زهقانة اوى
يارا : هنروح فين
ريم : مش عارفة
يارا : تجى نروح نلعب bowling (لعبة البولينج)
ريم : اوكى انا هقوم اغير هدومى
(. غير يارا وريم هدومهم وخرجوا .)
فى صالة البولينج ..
يارا : ايه ده
ريم : فى ايه
يارا : اصحابى هنا
ريم : طيب وايه المشكلة
يارا : دول group ولاد على بنات والمفروض انى قطعت صداقتى بالولاد
ريم : من امتى
يارا : من يوم ما ارتبطت بـ عمرو
ريم : تحبى نمشى من هنا
يارا : no no لو كلمونى هحاول اقصر كلامى معاهم وهما يفهموا
ريم : اوووكى
(. بدأ يارا وريم يلعبوا سوا .)
وليد : مش دى يارا
نانسى : اه هى
هشام : هى فين مش ظاهرة بقالها فترة
نانسى : اه صحيح بقالها كتير لا بتتصل ولا بتخرج معانا
وليد : انا كلمتها من كام يوم حسيت انها مش عايزة تتكلم
اسماء : بترغوا فى ايه
نانسى : على يارا
اسماء : اوووووف انا مبطيقش البت دى مغرورة وتنكة مش عارفة على ايه
هشام : مش عارفة على ايه ؟
اسماء : يعنى مفيهاش حاجة مُميزة عن اى بنت
وليد : هههه يارا مفيهاش حاجه مُميزة ، دى هى كـ يارا مُميزة اصلاً بذمتك فى كده
اسماء : انتوا اللى مغشوشين فيها على فكرة
هشام : بطلى نفسنة يا اسماء
اسماء : انا بنفسن
نانسى : خلاص يا جماعة دى آرااااااء يالا نكمل لعب
هشام : تعالوا نروح نسلم عليها
اسماء : روحوا لوحدكوم
(. اسماء ، نانسى ، هشام ، وليد >> اصحاب يارا .) ، راحوا لـ يارا ....
هشام : وشك ولا وش القمر يا ست يارا
يارا : يعنى ايه
وليد : يعنى مبتسأليش
يارا : i'm sorry but i'm very bus (اسفة بس مشغولة)
نانسى : فى ايه اتخطبتى
يارا : something like this (حاجه زى كده)
هشام : really (بجد)
يارا : yes i'm in a relationship now
هشام : يابخته
وليد : ربنا يكملك على خير
يارا : thanks
نانسى : عموماً ده ميمنعش انك تسألى
يارا : اوكى
هشام : عن اذنك بقى عشان نكمل لعب وسايبين اسماء لوحدها
يارا : ok nice to meet you
(. ومشيوا ، وبعد ساعة مشيت يارا وريم .)
*_____________________________________________**___________________________*
تانى يوم فى الجامعة :
عمرو : انتِ كنتى فين امبارح
يارا : كنا بنلعب bowling
عمرو : كنتى مع مين ؟
يارا : كنت مع ريم بنت عمى
عمرو : بس ؟
يارا : ايوة
عمرو : انا عندى سيكشن دلوقتى قابلينى بعد السيكشن اوكى
يارا : اوكى (ومشى عمرو)
حمزة : شكلك وحش اوى
يارا : نعم !!
حمزة : يعنى يسيبك كده
يارا : وانت مالك
حمزة : مماليش بس بعرفك ان شكلك وحش
يارا : اوكى
حمزة : على فكرة الاستاذ اللى نفضلك ده مرتبط
يارا : Really
عمرو : وحياة عينك الحلوة دى ، خدى الرقم ده هتلاقيه على موبايله وشوفيه هيقولك مين ( واداها الرقم ). سلام يا كتكوتة
____*____*___*____
بعد الكلية خرج عمرو ويارا وراحوا كافيه سوا ...
عمرو : انتِ مقولتليش ليه انك خارجه
يارا : عادى يعنى
عمرو : لا طبعاً مش عادى المفروض على الاقل انك تعرفينى رايحة فين مش هقول استأذنى بس ابقى عارف مكانك فين
يارا : عادى مجاش فى دماغى
عمرو : طب خدى بالك بعد كده
يارا : خد بالك يا عمرو انى فى حاجات كتير انت عايزنى اعملها ، انا مش معترضة بس على الاقل تبقى الحاجات تدريجى
عمرو : بس انتِ مكونتيش انتِ وريم بس
يارا : هكدب عليك يعنى
عمرو : يعنى مكنش معاكوا شباب
يارا : انت عرفت منين اصلاً انى كنت بره
عمرو : عرفت وخلاص
يارا : انت بتراقبنى يا عمرو
عمرو : انتِ هبلة كان هناك واحد صاحبى وشافك بالصدفة وقالى انك كنتى مع بنتين وولدين
يارا : اهاا بالصدفة كان فى اصحاب ليا وجم سلموا عليا ومشيوا تانى مكملوش خمس دقايق
عمرو : اوكى هصدقك
يارا : ممكن موبايلك اعمل مكالمه عشان my credit (رصيدى) خلص
عمرو : اوكى اتفضلى
(. مسكت يارا موبايل عمرو وضربت الرقم ولقيته متسجل LyLy.unive ، وقلبت شوية فى السجل .)
يارا : واحد صاحبك اللى قالك انى كنت بره ولا ريهام
عمرو : افندم
يارا : انا كنت بره حوالى الساعة ٩:٣٠ و الـ log (سجل المكالمات) بيقول ان ريهام اتصلت بيك الساعة ١٠:١٥ وانا already (بالفعل) شوفت واحدة شبه ريهام
عمرو : انتِ بتفتشى ورايا
يارا : اكيد لا انا كنت بتصل فعلاً بـ لى لى زميلتى فى الكلية ولقيت رقمها عندك
عمرو : دى لسه واخده رقمى امبارح واتصلت بيا وريهام دى صديقة يعنى
يارا : عمرو الـ log كله اسماء بنات
عمرو : وهو فيها اصحابى يعنى
يارا : يعنى انت بتحاسبنى عشان واحد وقف يسلم عليا او يغلس عليا وانت تكلم بنات عادى
عمرو : بس احنا اصحاب عادى مفيش بينا اى مشاعر حب لكن انا ماثقش فى اى ولد يكلمك
يارا : عمرو لا انا لـ البنات دول
عمرو : انتِ بتهددينى
يارا : فين التهديد فى كلامى
عمرو : ماهو انك تخيرنى معناه بتقولى لو مبطلتش تكلم بنات هسيبك
يارا : انا مقولتش كده ولا حتى اقصد كده بس انا بغير عليك زى مانت بتغيير عليا بالظبط
عمرو : اوكى يا يارا ، كلمتى بباكى
يارا : yes وقالى انه هيحاول
عمرو : هيحاول !! لا طبعاً لازم يجى
يارا : انت مستعجل اوى ليه كده
عمرو : اولاً عشان اهلى بيضغطوا عليا عشان اخطب لان عمر اخويا سافر واتجوز فى المانيا وهما نفسهم يفرحوا بيا ، ثانياً عشان انا فعلاً بحبك ونفسى يجمعنا بيت فى اقرب وقت
يارا : اوكى
عمرو : لازم الصيف الجاى يا يارا دى المهلة اللى ابويا مديهالى
يارا : هيجوزك غصب عنك يعنى
عمرو : انا لازم ارضيهم
يارا : اوكى يا عمرو
عمرو : يالا بقى عشان نروح وحاولى تذاكرى النهاردة شوية
يارا : اوكى (. وروحوا .)
*_____________________________________________**___________________________*
بـالليل فى شقة عمرو :
(. عمرو كان نايم وصحى على صوت موبايله .)
كريمة : الحقنا يا عمرو يا ابنى
عمرو : خير يا ماما
كريمة : .............